NÂHU 3:18 - Mara Bible RV (BSI)

¹⁸ Hy Asuria bei, Na mietaku vaituhpazy a mô ei ta, Na beimachâzy amâ môkua haw. Na phopi cha tlâhpizy liata viavi ei ta, A pakhy awpa y veih ei.

NÂHU 3:18 ပူးပေါင်းရင်းမြစ်များ

1 ABEIZY 22:17

Mikai ta, “Izarei zydua cha vaituhpa a hnei leipa mietakuzy hawhta, tlâhzy liata viavipa ta ama ypa hmô na ta, Abeipa ta, ‘He sahlaozy he hyutuhpa hnei khao veih ei, chyhsa to ama o chyu lâta thlalôhpa ta a di mawh ei sy,’ a tah,” tah ta.

PUASAINA 15:16

Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

ISAI 13:14

Sakhih amâ chadaipa hawhta, Chyhsa to ama chiheihzy lâ a heih aw ei ta, Pahmaohtuhpa a hnei leipa mietaku hawhta, Chyhsa to ama râh chyu lâta amâ râpai aw.

ISAI 47:1

Hy Babylaw zuah kônô y, Za chô la dohlei liata a zâ tyuh teh; Hy Kaldia zuahnô y, Beidyuchhai leipa ta alei liata a tyuh teh! Nônai nôtlyhnô cha tah khao aw veih ei.

ZEREMIAH 50:18

“Chavâta Pheisaihzy Abeipa, Izarei Khazohpa ta hetana heta a tah: “Pachâ teh u, Asuria bei ei hriepa hawhta, Babylaw bei nata a râh chhao ei hrie aw.

ZEREMIAH 51:39

Ama parôpachaw kaw nota, Kyhchhi ei taopa aw ei; Parisa aw ei na ta, Thaphapa ta ei paysa aw ei; Chhâzaw ta a mô aw ei ta, Thyu khao aw veih ei,” Abeipa ta a tah.

ZEREMIAH 51:57

Babylaw beimachâzy nata a chyhsa sopazy parisa aw ei na ta, Râhvaotuhpazy ei parisa aw ei; A pheisaih hyutuhpazy parisa aw ei na ta, A pasaiphazy ei parisa aw ei; Chhâzaw ta a mô aw ei ta, Thyu khao aw veih ei,” Abeipa, a moh Pheisaihzy Abeipa ta a tah.

BIEPHUAH 6:15

Chatanachata lei beizy, molaipazy, pheisaih hyutuh chaipazy, hneirôhpazy, thatlôpazy, sei nata khotalaipazy, chyhsa to cha lôpuzy liata nata tlâhpi liata lôpanôzy liata a nyu ei ta,