NÂHU 3:10 - Mara Bible RV (BSI)

¹⁰ Chatanachôta Thebe cha papaipa châ ta, Seichâna lâ a siepa kha; Khiliah su to liata A hawsaihzy taichheihpa châ ei ta, A chyhsa zachhihpazy cha, Nuby a daopa ta amâ rai; A chyhsa rônahpazy chhao, Bâliazy ta ama chahry.

NÂHU 3:10 ပူးပေါင်းရင်းမြစ်များ

2 ABEIZY 8:12

Hâze ta, “Ei zibeipa cha khazia ma a cha tly?” tah ta. Khazohpa chyhsa ta a chhy ta, “Izarei sawzy chô liata hmo pha leipa na tao awpa ei pahnopa vâta a châ. Ama thokhyzy rao aw chi ta, ama satliazy zaozi ta thie aw chi ta, ama hawtizy taichheih aw chi ta, saw phaohpa ama chanôzy py na pahy aw,” tah ta.

ZAWBÂ 6:27

Paw hnei leipazy hmo chhu awpa ta, Nuby a dao khoh thlâh ha ei chi ta, Sôh ta nama viasa a zuah khoh thlâh hapazy nama châ.

HLAZY 137:8

Hy Babylaw sawchanô, Pahleipadiapa châ aw chi ta, Eima chô liata na taopa viari châ thôtuhpa cha, Vânoh topa ta a y aw.

HLAZY 137:9

Na hawtizy cha chhu ta, Lôpanô liata a taikhytuhpazy chhao, Vânoh topa ta ama y aw.

HLAZY 149:8

Ama beizy bâlia paky aw ei ta, Ama nôpawpazy thua keihrai daipa ta,

ISAI 13:16

Ama hawsaihzy taichheihpa châ aw ei ta, Ama mohmô lia tlai ta taichheihpa ama châ aw; Ama ozy hraopa châ aw ta, Ama lapinôzy patupakhipa ama châ aw.

ISAI 13:6

“A rôh teh u, Abeipa noh a hnia ha ta, Atotaotheipa ta a pahleipadia nawpa noh â hnia haw.

ISAI 19:4

Izi mo cha zibeipa nôchhiepa ku liata pie aw na ta, Bei a hrâhpa ta ama chô liata ryu a reih aw, Pheisaihzy Abeipa Zehôvâh ta a tah.

ISAI 20:4

Asuria bei ta Izi nata Kusi cha sei ta â chhi aw ei. Hawti machâ ta thluahruapa nata pheiky a ky leipa ta, chaotô palâ khai hapa ta siekheipa châ aw ta, Izi cha noza ngaitapa ta paysapa a châ aw.

CHAPHÔHTUNA 2:19

Thyu la, zâ ta awh la, Zâ vaina athaona maihta awh tyh mah y! Abeipa ypâna hmiakô liata, Na palôh ti hawhta patlai mah y! Khiliah su to liata nodipa ta a panaopa na sawzy châta, Ano lâ na ku pazawh mah y!

CHAPHÔHTUNA 4:1

Kheihtazieta ma ngôh khaih khao leipa ta, Ngôh suapa â nano ha tly! Lôsôhpa pathaihpazy chhao, Khiliah su to liata hiezâhpa ta ama y.

EZEKIA 29:7

ama ku ta ama cha patu nahta, tlie chi ta, ama ngiatlâh zydua na chhô tyh. Ama châ hnieh nahta chhao, tlie chi ta, ama chaizy na chalyusa tyh.

HÔSIA 13:16

Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

ZÔELA 3:3

Ei phopi cha nuby a daopa ta a rai ei ta, Chapaw hawti cha âzuahnô nata ri ei ta, Kresawhti châta chanô hawti zuah ei ta ama doh tyh.

AMÔSÂ 1:13

Abeipa ta heta na heta a tah: “Amawna mo moleina miathôh vâta, Âh, miapalih vâ chhao rai ta, Hriena chalihsa aw va na; Ama râh ama pakawh thei nawpa ta, Kilia chanô sawphaohpazy py taihta ama pahypa vâta.

ÔBADIA 1:11

Khichhaipazy ta Zerusale sôh a râkhei ei ta, Chihropazy ta a thokhy chhikao a ngiapa ta, Zerusale kyh nuby amâ dao noh kha, Â hlapa tawhta tlâ na moh ei; Chavâta nâ chhao âmo hawhpa na châ hrapa kha.