NÂHU 2:8 - Mara Bible RV (BSI)

⁸ Ninivâ cha ti ta â râsaipa Tipo hawhta a châ bâ. “A duah teh! A duah teh!” tah ei ta, Châhrasala ahy hmahta hnôh lâ a heih veih ei.

NÂHU 2:8 ပူးပေါင်းရင်းမြစ်များ

ÂTHAONA 10:11

Cha râh tawhta pua ta Asuria râh liata a ngia ta, Ninivâ, Rehôbô nata Kalâ khih zy a padua.

ISAI 13:14

Sakhih amâ chadaipa hawhta, Chyhsa to ama chiheihzy lâ a heih aw ei ta, Pahmaohtuhpa a hnei leipa mietaku hawhta, Chyhsa to ama râh chyu lâta amâ râpai aw.

ISAI 38:14

Siviah nata vawpô zy hawhta sâh na ta, Vachhuh hawhta ei rôh. Chô lâ saipa ta ei mozy a bâ khai haw. Hy Abeipa, tlybaipa ta ei y hih, Ei bohna châta sôhkâ na châpa mah y!

ISAI 47:13

Ryhraona tao awpa na hnei hluhpa vâta, Na rie a thei kaw khawh; Avâ liata hmozy a pahrua thaipazy cha a vaw duah ei sala, Awhsi a moh thaipazy a vaw duah hra ei sala, Thlâpâ diehpa moh ta, Na chô liata hmo a tlô awpa châ chho tyhpazy chhao, A vaw duah ei sala, Cha pachha mawh ei sy.

ISAI 48:20

Babylaw tawhta pua u la, Kaldia tawhta a râ teh u; He kyh he hla ta awh u la, A lypa ta phuah teh u; Khizaw kaokih taihta pathâhsa u la, “Abeipa ta a chakaotuhpa Zakaw cha a chatlai haw!” Tahpa ta phuah teh u.

ISAI 59:11

Chavyhzy hawhta eima zydua ta sâh pi ta, Vachhuhzy hawhta thata eimâ hrô. Adona hâ pi ta, Châhrasala y vei; Pachhana hâ pi ta, Châhrasala miah â hla haw.

ZEREMIAH 46:5

Kheihtazieta ma thlazohpa ta y ei ta, Hnôh amâ sypa ei hmô thlâh ha tly? Ama pasaiphazy tiahpa ta y ei ta, Rawrôhpa ta amâ râpai; Hnôh lâ rai a heih veih ei; Su to chichhihna ta a bie, Abeipa ta a tah.

ZEREMIAH 47:3

A arâ tôhpazy chakie pyuzy vâta, A talailihzy a chathopa pyuzy vâta, Talailih tiakizy a pahiehna pyuzy vâta, Pawzy cha ama ku thazei khai ha ta, Ama sawzy lâ chhao a heih khao veih ei.

ZEREMIAH 50:16

Chi hietuhpa cha, Babylaw tawhta chhawh pathlah u la; Savâ ta sâh a hria tyhpa chhao, Chhawh pathlah teh u. Tlybaituhpa zaozi vâta, Chyhsa to âmo phopi chyu pangai ei sala, Âmo râh chyu lâta a râ mawh ei sy.

ZEREMIAH 51:13

Hy nâ, ti hluhpi kiah liata pahrâ chi ta, Ryusôhpazy a hnei hluhpa y, Na chhâna vaw tlô ha ta, Na hrona ri a chie haw.

ZEREMIAH 51:30

Babylaw pasaiphazy cha, Chariah a dyuh khao veih ei; Ama thokhy chhôh liata tlôh ei ta, Ama riahphana a dia haw; Chanô ama lyu bâ. A pahrâna suzy kâ khai ha ta, A thokhy chhikao hraina lâhreizy a tlie khai haw.

NÂHU 1:1

He he Ninivâ kyh liata biephuahpa, Ekôsah chyhsa Nâhu ta aluahna a hmôpa a châ.

NÂHU 3:17

Na beimachâzy cha, Khawthlôhraihpa lyu ei ta; Na pheisaih hyutuhpazy chhao, Chasipaw daihti sadô diahpai liata Khawsu a pahmaohpa ama lyu. Noh a vaw chhi nahta, A zaw ha tyh ei ta, Ama yna su a pahnopa y khao tyh veih ei.

BIEPHUAH 17:1

Chatawhcha vâlyuhchâpa pasari hry liata pakha, biebuh miasari a hneipa a vy ta, ei hnohta, “A vy tua, ti hluhpi chô liata a tyuhpa âzuahnô rônahpa pachiana ei cha pamosa aw.

BIEPHUAH 17:15

Chatawhcha vâlyuhchâpa ta ei hnohta, “Âzuahnô atyuna ti na hmôpazy kha, phopizy, zawpizy, râhzy nata reihzy ama châ.