NÂHU 2:4 - Mara Bible RV (BSI)

⁴ Talailihzy khiliah liata thachahra ta a râ ei ta, Tlyliahzy liata amâ râhreih. Meirei hawhta khaih ei ta, Dôhla hawhta ama pathli.

NÂHU 2:4 ပူးပေါင်းရင်းမြစ်များ

BIESOZY 31:21

A chhôhkha châta dâhaw chi leipa ta, A chhôhkha zydua poh saihlawpa a pabu ei.

ISAI 37:24

Châ chakaotuhpazy hmâpa ta Abeipa pasipasawh chi ta, ‘Ei talailih hluhpi chhaota tlâh sâhpazy kiah na ta, Lebanaw chhâna taihta ei kiah haw; A sidy tho a sâh chaipazy thlu na ta, A meisah tho pha chaipazy ei thlu haw; A tlâh sâh chaipa tlô ha na ta, A râhmâhpa pha chaipa ei ngia haw.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

ZEREMIAH 46:9

Hy arâzy saih u, tôh u la, Hy talailihzy saih u, a pathluah teh u! Pasaiphazy pua mawh ei sy: Vyhphao a chabapa Kusi mo nata Puti mozy pua ei sala, Likathaipa Ludi mo chhao pua mawh ei sy.

EZEKIA 23:24

Chariah chhaichhizy, talailihzy, talailih tiaki miapalihpazy nata phopizy tawhta pheisaih hluhpi hmâpa ta ama cha siehnao aw. Vyhphao laipa nata vyhphao chyhpazy a chabapa ta nata lakhuzy a khupa ta su to tawhta cha vaw siehnao aw ei ta, pachia theina ama hnohta pie aw ei na ta, âmo pachiazie hawhta ama cha pachia aw.

EZEKIA 26:10

Arâ a hneipazy a hluh ngaita awpa vâta, ama buchadoh ta a cha khu khai aw. Na thokhy chhikaozy â vaw ngia tita, khihpi thokhy parao hapa liata chyhsazy amâ ngiapa pyu hawhta, arâ pheisaihzy nata talailih tiaki miapalihpazy nata talailihzy pyu ta na thokhyzy amâ chalyu ngâ kaw aw.

EZEKIA 26:7

“Abeipa Zehôvâh ta hetana heta a tah: Moh teh u, Babylaw bei Nebukareza, beizy bei cha arâzy, talailihzy, arâ pheisaihzy nata pheisaih hluhpi chhaota, Tyre a dyuh awpa ta maw lâ tawhta ei vaw chhi aw.

DÂNIAH 11:40

“Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.