NÂHU 2:3 - Mara Bible RV (BSI)

³ A pasaiphazy vyhphao cha a saihpa châ ta, A pheisaihzy cha saihlawpa ta amâ tobi. Hrâsie awpa ta â chhuanohna noh liata cha, Thua talailih patliepazy vaw pua ei ta, Meisah vyhpa aseizy amâ chaba.

NÂHU 2:3 ပူးပေါင်းရင်းမြစ်များ

ZAWBÂ 39:23

Arâ chô liana cha châtai byh a chachhao ta, Asei nata vyhphao zy a pathlie.

HLAZY 80:13

Râhmâhpa liata ngiahraih ta a theizy hrao ta, Râhsa zydua ta ama nie.

ISAI 14:8

Meisah nata Lebanaw sidy thozy ta Ama palôh châ eih ei ta, ‘Panawhpa ta na y rakha tawhta cha, Tho thlutuhpazy ta miah siehnao khao veih ei,’ ama tah.

EZEKIA 23:24

Chariah chhaichhizy, talailihzy, talailih tiaki miapalihpazy nata phopizy tawhta pheisaih hluhpi hmâpa ta ama cha siehnao aw. Vyhphao laipa nata vyhphao chyhpazy a chabapa ta nata lakhuzy a khupa ta su to tawhta cha vaw siehnao aw ei ta, pachia theina ama hnohta pie aw ei na ta, âmo pachiazie hawhta ama cha pachia aw.

EZEKIA 26:7

“Abeipa Zehôvâh ta hetana heta a tah: Moh teh u, Babylaw bei Nebukareza, beizy bei cha arâzy, talailihzy, arâ pheisaihzy nata pheisaih hluhpi chhaota, Tyre a dyuh awpa ta maw lâ tawhta ei vaw chhi aw.

NÂHU 3:2

Chheina pyu ta bie ta, Tiaki a hluahpa pyuzy ta a bie; Arâ a pathluahpa pyu ta bie ta, Talailih a zawpa pyuzy ta a bie.

ZEKARIA 1:8

“Zâ ta aluahna hmô na ta, pachâ teh u, chyhsa pakha tlai cha arâ saihpa kiah ta, saikao liata mierâ thozy hry liata a duah ta, a hnôh lâta arâ saihpa, arâ peipa nata arâ râhpazy y ei ta.

ZEKARIA 11:2

Hy Meisah thozy, cha teh u, Sidy tho a pao ha hih, Tho phapapazy ama rao ha hih! Hy Bâsanâ ôkâ thozy, cha teh u, Râhmâhpa â mua khai ha hih!

ZEKARIA 6:2

Talailih miakhana liata arâzy cha a saihpa châ ei ta, talailih mianona liata arâzy cha a vyhpa châ ei ta,

BIEPHUAH 12:3

Ngiana hropa avâ liata a vaw lâ heih ta. Drâkao saihpa lai ngaitapa, luh miasari nata ki hrawh a hneipa, a luhzy liata lakho miasari a khopa vaw y ta.

BIEPHUAH 6:4

Arâ hropa, asaihpa vaw pua ta. A chô liata a kiahpa cha, chyhsazy âmo nata âmo pathiesa ta, khizaw tawhta adyhna lapapua awpa ta pasaina piepa châ ta, a hnohta zaozi laipa piepa a châ.