NÂHU 2:13 - Mara Bible RV (BSI)

¹³ “Pachâ teh, ei châ dyuh na,” Pheisaihzy Abeipa ta a tah. “Na talailihzy rao aw na ta, A khuh ta ei pakhusa aw; Na chakeibarôhneipa lochopazy chhao, Zaozi ta pahleipadiapa ama châ aw. Sa na tai awpazy cha, Alei tawhta pachhâsa aw na ta, Na lyuhchâpazy ao theipa châ khao aw vei.”

NÂHU 2:13 ပူးပေါင်းရင်းမြစ်များ

2 ABEIZY 18:17

Asuria bei ta pheisaih hyutuhpa Tartâ nata Râbâsari nata Râbâsake zy cha pheisaih hluhpi chhaota Lakhi tawhta Zerusale liata Bei Hezekia lâ tuah ta. Zerusale lâ khy ei ta, ama tlô nahta, machhua tipo ti lâpi kiapâh liata a ypa Chysia Pasuna su lâ siena lâlai liata a duah ei ta.

2 ABEIZY 18:19

Râbâsake ta ama hnohta, “Hezekia cha kei chho teh u. Bei rônahpa Asuria bei ta hetana heta a tah: Khâpa ma nâ ngâchhâ?

2 ABEIZY 19:23

Na lyuhchâpazy hmâpa ta ei Zibeipa pasipasawh chi ta, ‘Ei talailih hluhpi chhaota tlâh sâhpazy kiah na ta, Lebanaw chhâna taihta ei kiah haw; A sidy tho a sâh chaipazy thlu na ta, A meisah tho pha chaipazy ei thlu haw; A riehmo a hla chaipa a ngia na ta, A râhmâh pha chaipa ei ngia haw.

2 ABEIZY 19:9

Cha nona chata Kusi bei Tihâkâ ta ano a dyuh awpa ta a vaw puapa thâtih Asuria bei ta thei ta. Hezekia lâ lyuhchâpazy tuah heih ta.

2 THÂTIHZYRONA 32:19

Zerusale Khazohpa cha, khizaw phopizy khazohzy hawhta, ku ta taopa khazoh a châ hrazie reih ei ta.

HLAZY 46:9

Adyuhnazy khizaw kaokih taihta chalihsa ta, Libaw thliepa ta asei taipachhô ta; Talailihzy mei ta a rao khai ha tyh!

ZEREMIAH 21:13

“Hy saikao liata a pahrâpazy saih u, Ei châ dyuh ei; Hy bypi lôpanô, Ei châ dyuh. ‘Ahy ma miah a zuhnao aw ta, Ahy ma eima ynazy liata a vaw ngia aw?’ A tah tyhpazy saih u, Ei châ dyuh ei,” Abeipa ta a tah.

ZEREMIAH 46:14

“Izi râh liata phuah u la, Mikadô liata tlâh awh teh u; Mephi nata Tâpahe liata phuah u la, ‘Nama chheipâh ta a ypazy cha, Zaozi ta palâ khai ha ei ta, Chavâta â ipa ta a duah u la, A pachyh muh vy,’ tah teh u.

ZEREMIAH 50:31

“Hy nâ, chyhsa a palaipa, ei châ dyuh; Na noh vaw tlô ha ta, Ei cha hrie nawpa daihti a vaw tlô haw,” Pheisaihzy Abeipa Zehôvâh ta a tah.

ZEREMIAH 51:25

“Hy khizaw zydua a paraotuhpa tlâhpi, Moh teh, ei châ dyuh hih; Na chô liata ei ku hypa ta, Lôkâh sâhpa tawhta cha pahluah aw na ta, Tlâh kâupa ta ei cha tao aw” Abeipa ta a tah.

EZEKIA 13:8

Chavâta Abeipa Zehôvâh ta hetana heta a tah: “Biedoleipa reih ei chi ta, aluahna phichhyhpa nama hmôpa vâta, moh teh u, ei châ dyuh ei, Abeipa Zehôvâh ta a tah.

EZEKIA 21:3

Izarei râh hnohta, ‘Abeipa ta hetana heta a tah: Moh teh, ei châ dyuh hih. Ei zaozi a paih tawhta phia aw na ta, mosiapa chhao moleipa chhao, nâma tawhta ei chhawh pathlah khai ha aw ei.

EZEKIA 26:3

Abeipa Zehôvâh ta hetana heta a tah: Pachâ teh, Hy Tyre, ei châ dyuh na. Tilaipi tichatlaopa hawhta, nâma a dyuh awpa ta phopi hluhpi hrâ ei vaw pasiesa aw.

EZEKIA 28:22

‘Abeipa Zehôvâh ta hetana heta a tah,’ tah mah y: “Hy Sidaw, ei châ dyuh na, Ei rônahna nâ liata ei palâsa aw. Ano cha pachia aw na ta, Ei pathaihna a chô liata ei palâsa tita, Abeipa ei châ tahpa ama pahno aw.

EZEKIA 29:10

pachâ teh, châ dyuh na ta, na chavahzy ei dyuh hih. Izi râh cha, Mikadô tawhta Syne taihta nata Kusi râhri tlôna taihta, râh rypa nata roryhrapa râh ta ei tao aw.

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

EZEKIA 35:3

hetana heta chho teh, Abeipa Zehôvâh ta hetana heta a tah: Hy Seirâ Tlâh, moh teh, ei châ dyuh hih. Na chô liata ei ku hy aw na ta, roryhrapa nata a rypa ta ei cha tao aw.

EZEKIA 38:3

a hnohta hetana heta reih teh. Abeipa Zehôvâh ta hetana heta a tah: Pachâ teh, Hy Kawkâ, Mese nata Tubâ bei lai chaipa, ei châ dyuh.

EZEKIA 39:1

“Chavâta, nâ, chyhsa sawchapawpa y, Kawkâ kyh liata hrohsona bie phuah la, a hnohta hetana heta reih teh. Abeipa Zehôvâh ta hetana heta a tah: Moh teh, Hy Kawkâ, Mese nata Tubâ bei lai chaipa y, ei châ dyuh.

EZEKIA 5:8

Abeipa Zehôvâh ta hetana heta a tah: Pachâ teh u, keima tlai ta châ dyuh aw na ta, phopizy mohmô liata ei cha hrie aw.

NÂHU 2:12

Chakeibarôhneipa cha, A tawzy nie khi ta sazy hriechheih ta; Chakeibarôhneipa panôzy châta sa a riesao tyh; A lôpuzy cha sa taipa ta pabie ta, A lôkhaohzy cha sa hriechheihpazy ta a pabie.

NÂHU 3:1

Thisaih a palopa khihpi cha a hu a po na! Haipa biezy nata hraonazy ta bie ta, A sa taipa chie beih vei.

NÂHU 3:12

Na thokhyzy cha theiku kô hawhta châ ei ta, Theiku kô hmoh tuapa hawhta ama châ. Chalyupa ama châ khiahta cha, Nietuhpa pakah lâ ama zô tyh.

NÂHU 3:15

Cha liata mei ta cha kâsao aw ta, Zaozi ta a cha chhawh pachhô aw. Khawsu ta chicheipa a nie khaipa hawhta, Nâ chhao zaozi ta a cha nie khai aw; Khawsu hawhta pôhpa ta, Khawthlôhraihpa hawhta pôh hra la.

NÂHU 3:5

Hy Ninivâ, moh teh, ei châ dyuh hih, Pheisaihzy Abeipa ta a tah. Na hmia khuna taihta na hnorâh ty aw na ta, Phopizy na thluahruana pamosa aw ei na ta, Khinarâhzy na nozana ei pamosa aw ei.

ZAWSUA 11:6

Abeipa ta Zawsua hnohta, “Âmo kha chi khah y. Mylâ tahmâ ti heta âmo cha thie chiehpa ta Izarei ku liata ei pie aw ei. Ama arâ chazawzy chhawh aw chi ta, ama talailihzy mei ta na rao khai aw,” tah ta.

ZAWSUA 11:9

Abeipa ta bie a piepa hawhta, Zawsua ta ama chô liata tao ta, ama arâ chazawzy chhawh ta, ama talailihzy mei ta rao ta.