NÂHU 1:8 - Mara Bible RV (BSI)

⁸ Châhrasala tisaih patlôsa aw ta, A khakhaipazy a pahleipadia khai aw; A chariahpazy chhao, Zohna lâ a chadaipai khai aw ei.

NÂHU 1:8 ပူးပေါင်းရင်းမြစ်များ

ZAWBÂ 30:15

Chichhihnazy ta nâ palie thlu ei ta, Ei zachhihna cha thlih hawhta phaopa ta y ta, Ei nohlaona chhao meihdo hawhta a pai haw.

ZAWBÂ 40:11

Na hiehâhna khô pathlapa kha leihtha la, Chyhsa apalaipa cha tawpâ la panawh mah y.

BIESOZY 4:19

Hmoparaopazy lâpi cha zoh kaluh ha ta, Khâpa ma amâ chapia tahpa chhao pahno veih ei.

ISAI 13:10

Vâ awhsizy ta ama khaihna papua leipa aw ei ta, Awhsi hlaozy ta ama khaihna papua aw veih ei; Noh a vaw chhipa nahta thlai pazohsapa châ aw ta, Thlâpâ chhao a khaihna papua khao aw vei.

ISAI 13:9

“Moh teh u, Abeipa noh a vaw tlô hai, Ngiachhiena a hnei leipa noh châ ta, Pathiiana nata hiehâhna ru ngaitapa noh a châ. Râh cha roryhrapa ta paysa aw ta, A chhôh liata moleipazy a pahleipadia khai aw ei.

ISAI 28:17

Adona cha thliena ri ta hmâh aw na ta, Siana cha thua bangiehpa padona ri ta ei hmâh aw. Pareih ta haipa bie achhaina cha phi pathlah aw ta, Tizy ta anyuna su a vao khai aw.”

ISAI 28:18

Thina nata biehrai nama taopa phiepa châ aw ta, Athihkhih nata bie namâ taihpa chhao a duah aw vei. Tisaih rarôh ypa a tlô tita, A cha la ha aw.

ISAI 28:2

Moh tua u, Abeipa ta chyhsa thatlôpa hnei ta, Hmotaotheipa a hnei; Ano cha pareih thlihpipa hawhta pathli ta, Chothyu hawhta a chanaohpa a châ; Vâkatlâ hawhta suah ta, Tisaih hawhta a lohpa a châ; A ku ta alei lâ a za pazaw aw.

ISAI 8:22

Alei lâ moh aw ei ta, nôpona nata zohna nata pachârôhna zohmyhna ta a biepa hmô aw ei ta, zohna chha kaluhpa liata thypa ama châ aw.

ZEREMIAH 13:16

Abeipa ta zohna vaw patlôsapa ta, Tlâhpizy chô liata a zoh chy ta nama phei â chapia hlâta, Khaihna na hnabeiseihpa cha zohmyhna lâta pachâsapa ta, Zoh kaluhna lâta a pachâsa hlâta, Abeipa nama Khazohpa cha palyupalih teh u.

ZEREMIAH 51:64

‘He châbu hawhna heta Babylaw cha a pamôh aw ta, a chô liata chhiena ei patlôsa awpa vâta, thyu khao aw vei, thachhâ ngaitapa ta ama y aw,’ tahpa ta reih mah y,” tah ta. Kha via kha Zeremiah biezy cha a châ.

EZEKIA 13:13

“Chavâta Abeipa Zehôvâh ta hetana heta a tah: Thokhy cha tlokhuh parao khai awpa ta, ei pathi iapa ta thlihpipa ru ngaitapa vaw pathlisa aw na ta, ei hiehâhpa ta avâ katlâ pasuasapa ta, ei pathi iapa ta pareih lai ngaitapa ei patlasa aw.

DÂNIAH 11:10

“Maw bei sawchapawzy ta a dyuh awpa ta a pachhuahpanoh aw ei ta, pheisaih hri hluh ngaitapa awpakhy aw ei ta, tisaih toh thei leipa hawhta vaw pua via ngâ thlâh ha aw ei ta, chho bei thokhy tlôna taihta amâ dyuh laih lymâ aw.

DÂNIAH 11:22

Pheisaih hluhpi a hmiakô liata tlokhuh chadai paipa ta y aw ei ta, pachhaih pazaoh khaipa ama châ aw, biehrai hyutuhpa chhao taih ta.

DÂNIAH 11:40

“Chhâna daihti liata, chho bei ta maw bei cha a dyuh aw ta, châhrasala maw bei ta talailihzy, arâ pheisaihzy nata balyh hluhpi chhao ta, chho bei chô liata khiesô hawhta za pathli thlu aw ta, râhzy liata a ngia aw ta, tisaih hawhta âmo cha phaoh aw ta, a sie lymâ aw.

DÂNIAH 9:26

Hâta ei sycharu nata ei no khai tawhta Mesia cha chhawh pathlahpa châ aw ta, khâpa hmah hnei khao aw vei. Abei a vy awpa chyhsazy ta khihpi nata su pathaihpa cha ama parao aw. A chhâ nawpa cha tisaih chhao ta vaw tlô aw ta, a chhâna taihta adyuhna a y aw. Roryhranazy cha vaw tlô awpa ta rao chhielie hapa a châ.

AMÔSÂ 8:8

He vâna heta râh a chalyu aw ta, A chhôh liata a pahrâpa zydua mâchhiesapa ta ama y aw. Râh pôhpalôhpa cha, Nile Chavah hawhta a kaw sâhpa ta, Izi Chavah hawhta pathluahpa châ aw ta, Pasysa heihpa a châ aw,” tah ta.

NÂHU 1:1

He he Ninivâ kyh liata biephuahpa, Ekôsah chyhsa Nâhu ta aluahna a hmôpa a châ.

NÂHU 2:8

Ninivâ cha ti ta â râsaipa Tipo hawhta a châ bâ. “A duah teh! A duah teh!” tah ei ta, Châhrasala ahy hmahta hnôh lâ a heih veih ei.

ZEPHANIA 2:13

Maw lâ râh chô liata a ku hy aw ta, Asuria râh a parao aw; Ninivâ khihpi roryhrapa ta tao aw ta, Râhchâwhpa hawhta a chawhkarai aw.

MATHAI 7:27

Avâ vaw suah ta, ti vaw lai ta, thlih ta o cha vaw su ta, o cha a cho haw. O chopa cha a rarôh y ngaita,” tah ta.

MATHAI 8:12

Khinarâh sawzy hawhta â pachâpazy deikua cha, khôtho lâ zohna liata thypa châ aw ei ta, cha liata chana nata hâh chariehna a y aw,” tah ta.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.