NÂHU 1:7 - Mara Bible RV (BSI)

⁷ Abeipa cha pha ta, Nôpona noh ta thokhy a châ; Ano liata chhaipazy a pahno ei.

NÂHU 1:7 ပူးပေါင်းရင်းမြစ်များ

1 THÂTIHZYRONA 16:34

Abeipa lâ alyna bie hlâ teh u; Ano cha pha ta, A kyhpachâna a tleih beih leipa a châ.

1 THÂTIHZYRONA 5:20

Adyuhna liata Khazohpa lâ thlahchhâ ei ta, ano ama ngâpa vâta, a para ngaitapa ta ama hiana cha Khazohpa ta chyh-ei ta, Hâkari mo nata ama hnohta a ypa zydua cha ama ku liata a pie ha ei.

2 THÂTIHZYRONA 13:18

Cha daihti liata Izarei maw lâ pheisaihzy cha panawhpa ta y ei ta, Zudâh pheisaihzy deikua cha, ama pathlatuhpazy Khazohpa Abeipa liata amâ pahniehpa vâta, pahniena patosapa ama châ.

2 THÂTIHZYRONA 32:11

Hezekia ta, ‘Abeipa eima Khazohpa ta Asuria bei ku tawhta miah a pachha aw,’ tahpa ta a cha chhopa ei kha, nodipa nata dâhphipa ta thi awpa ta a châ chhi chheipa ei tlao a châ.

2 THÂTIHZYRONA 32:21

Abeipa ta vâlyuhchâpa za tuah ta, ano chata Asuria bei riehmo liata pasaiphazy, pheisaih hyutuhpazy nata chhituhpa zydua a thie khai ha ei. Chatanachata Senâkeri cha noza hmiachhiepa ta a râh lâ â lie haw. Noh kha cha a khazoh o lâ a vaw nota, ano sawchapawzy ta zaozi ta ama chhawhsao haw.

2 THÂTIHZYRONA 32:8

Ano chhâh a châpa cha sapa pheisaih châ ei ta, keimo chhâh a châpa cha Abeipa eima Khazohpa a châ. Ano ta miah bao aw ta, eima chariah miah â dyuhpa aw,” tahpa ta thapatlôna bie reih ta.

EZRÂ 3:11

Abeipa liata amâ lyna nata ano reithaina cha, “Abeipa cha pha ta, A zawngiahna cha, Izarei chô liata chhâzaw ta a y,” tahpa ta hla ta amâ chhy palie. Abeipa o lôbô ama bô hapa vâta, zawpi zydua ta ao paro ngaitapa ta awh ei ta, Abeipa ama reithai.

HLAZY 1:6

Abeipa ta mosiapazy lâpi cha pahno ta, Hmoparaopazy lâpi deikua cha a leidia aw.

HLAZY 100:5

Abeipa cha pha ta, A kyhpachâna cha chhâzaw châta a daih ta, A ngâchhihna chhâ zydua taihta â daih.

HLAZY 20:1

Nôpona noh liata Abeipa ta châ chhy sala, Zakaw Khazohpa moh ta cha pabohsa mawh sy!

HLAZY 25:8

Abeipa cha aphapa nata adopa châ ta, Chavâta moleipazy lâpi a pahmô tyh ei.

HLAZY 27:5

Nôpona noh liata a o liata na nyu aw ta, A poh o ta na chhôhkhâhpa ta, Lôpanô chô liata eina patyu aw.

HLAZY 37:39

Mosiapazy pachhana cha Abeipa tawhta châ ta, Nôpona daihti liata ama thokhy a châ.

HLAZY 37:40

Mosiapazy cha ano amâ chhaipa vâta, Abeipa ta âmo cha baopa ta, Pachha tyh ta, Moleipazy tawhta pachha ta, A pabohsa tyh ei.

HLAZY 46:2

Chavâta leilô he a vaw nanopa ta, Tlâhzy tilaipi chhôh lâ a pasie hra sala, Chi aw ma pi.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 59:16

Kei deikua cha na thatlôna hla sa aw na ta, Na kyhpachâna tleih beih leipa kyh Mydi ta a paropa ta ei sa tyh aw. Nâ cha ei thokhy châ chi ta, Ei nôpona noh ta ei chhaipa na châ.

HLAZY 71:3

Khâ ei pangai tyh awpa, Ei chhaina lôpanô na châpa la; Ei lôpanô nata ei thokhy châ chi ta, Na pachha awpa ta biepie mah y.

HLAZY 86:7

Einâ chhy awpa vâ chi ta, Ei nôpona noh liata ei cha pado tyh aw.

HLAZY 9:10

Na moh a pahnopazy ta châ ngâchhâ ei ta, Hy Abeipa, nâ cha châ tluatuhpazy a heihsai beih va chi.

HLAZY 91:15

Eina pado tita a chhy aw na ta, Nôpona daihti liata a hnohta ypa ta, Pachha aw na ta ei palyupalih aw.

BIESOZY 18:10

Abeipa moh cha thokhy a sâhpa thatlôpa châ ta, Mosiapazy ta cha lâ a râ ei ta amâ boh tyh.

ISAI 25:4

Sipasapa châta thokhy châ chi ta, Dyhchhiepa nôpo daihti liata a thokhy na châ; Thlihpipa tawhta abohna châ chi ta, Noh lopa châta nohdi na châ. Nôchhiepa hu deikua cha, Thlihpipa ta pâhchhô a vawhpa hawhta châ ta;

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

ZEREMIAH 16:19

Hy Abeipa, ei thatlôna nata ei thokhy, Nôpona noh liata ei chhai tyhpa y, Phopizy khizaw kaokih tawhta nâ lâ a vy aw ei ta, Hetana heta ama tah aw: “Haipa biezy tah leipa ta cha, Miah pathlatuhpazy ta khâpa ryu hmah to leipa ei ta; Athôhna a hnei leipa hmo phahnai leipazy tah leipa ta cha, Khâpa ryu hmah to veih ei.

ZEREMIAH 17:17

Ei châta chichhihpa châ khah y, Nâ cha chhiena noh liata ei chhaipa mah na châ tâh.

ZEREMIAH 24:5

“Izarei Khazohpa Abeipa ta hetana heta a tah: Zudâh râh tawhta seichâna lâ a siepa, he râh tawhta Kaldia mo râh lâta ei tua hapazy cha, theiku phapa hawhna khata ei pachâ aw ei.

ZEREMIAH 33:11

Alyna nata thaphana aozy thei heihpa châ aw ta, myuhneituhpa nata myuh aozy chhao thei heihpa châ aw ta, Abeipa o lâta alyna biereina hmohlâpa a vaw cheihpazy ao chhao thei heihpa châ aw ta, “‘Pheisaihzy Abeipa hnohta alyna bie reih teh u, Abeipa cha pha ta, A kyhpachâna tlyzaw ta a ypa a châ!’ ama tah aw. Hmiatuapa daihti hawhna khata, râh cha vânoh ei patosa heih aw,” Abeipa ta a tah.

CHAPHÔHTUNA 3:25

Abeipa cha ano a hâtuhpazy châta pha ta, Ano a tluatuhpa hro châta a pha.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

DÂNIAH 6:23

Abei cha a ly ngaita ta, Dâniah cha lôpu tawhta thao awpa ta biepie ta. Dâniah cha lôpu tawhta thaoh ei ta, ano liata pasana khâpa hmah hmô awpa y vei, a Khazohpa khâchâ a ngâ hapa vâta.

ZÔELA 3:16

“Abeipa cha Zaio tawhta a rôhpa ta, Zerusale tawhta ao papua ta, Alei nata avâ amâ chalyu. Châhrasala Abeipa cha, A phopi châta amâ chhaina châ ta; Izarei sawzy châta ama thokhy a châ.”

ZEPHANIA 3:12

Nama hry liata nônaipa nata areisipazy deikua cha, Pahlôh aw ei na ta, Abeipa moh cha amâ bohna a châ aw.

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.

MATHAI 7:23

Cha tina chata ama hnohta, ‘Nâmo, moleina hmo a taopazy saih u, cha pahno beih veih ei na, na siesai teh u,’ ei tah aw ei.

ZAWHÂNA 10:14

Mietaku vaituh phapa ei châ. Keima eihzy pahno ei na ta, keima eihzy ta eina pahno ei,

ZAWHÂNA 10:27

Ei mietakuzy ta ei ao thei ei ta, kei ta âmo pahno ei na ta, âmo ta eina pazi ei.

RAWMA 11:22

Chavâta Khazohpa phazie nata chichhihzie he pachâ mah y. A paopazy châta chichhihpa châ ta, nâma châta deikua cha, a phana liata na y thlâh ha khiahta cha, Khazoh phapa a châ. Chataleipatala nâ chhao chhawh pathlahpa na châ aw.

KALATIA 4:9

Tahmâ cha Khazohpa nama pahno haw. Khazohpa ta a pahnopa nama châ haw tah awpa tlao a châ. Cha hawhta nama châ tawh hmâchhâh ta, kheihtazieta khizaw ryhpa chiehleipa nata phahnai leipa lâ nama kua thlâh heih tly? Ama sei ta y heih awpa ma nama tlaichhai?

2 TIMAWTHY 2:19

Châhrasala, “Abeipa ta ano eihzy a pahno,” tahpa nata “Abeipa moh a padopa maih moleina siesai mawh sy,” tahpa ta chahnao pa-ipa ta, Khazohpa lôbô a ipa cha â duah thlâh haw.