NÂHU 1:5 - Mara Bible RV (BSI)

⁵ Ano hmiakô liata la, Tlâhpizy a sih ei ta, Tlâhthlôhzy ama zao khai; Ano mohmô liata la, Alei chhao he a chalyu ta, Khizaw nata a chhôh liata a ypa zydua amâ chalyu.

NÂHU 1:5 ပူးပေါင်းရင်းမြစ်များ

2 SAMUELA 22:8

“Alei he a chathopa ta a chalyu ta, A hie a hâhpa vâta, Avâzy abôna a chachhao ta â sih.

ZAWBÂ 26:11

Avâ tôhzy a chalyu ta, A rana ei noâh ama tah kaw.

ZAWBÂ 9:5

Tlâhzy pasie ta, Pahno leipa ei ta; A hiehâhpa ta âmo paliepatheih ta, Pahno veih ei.

HLAZY 104:32

Ano cha alei he moh ta, Chalyusa ta; Tlâhpizy hria ta, A khuh a pakhusapa a châ.

HLAZY 114:4

Tlâhpizy ta mietaku tôhpazy hawhta châki zoh ei ta, Tlâhthlôhzy ta mietakutawzy hawhta châki ama zoh.

HLAZY 114:6

Hy tlâhpizy saih u, Khazia mietaku tôhpazy hawhta châki nama zoh? Hy tlâhthlôhzy saih u, Khazia mietakutawzy hawhta châki nama zoh?

HLAZY 18:7

Alei he a chathopa ta a chalyu ta, A hie a hâhpa vâta, Tlâhpizy abôna chhao a chachhao ta â sih.

HLAZY 18:8

A hnapasu tawhta meikhuh puapa ta, A pakah tawhta meipaleih pua ta, Ano tawhta meiia a vaw pua.

HLAZY 46:6

Phopizy a tyhreihpa ta, Khinarâhzy pao ei ta; A ao papua ta, Leilô he a zao khai haw.

HLAZY 68:8

Khazohpa, Sinai Khazohpa hmiakô liata, Khazohpa, Izarei Khazohpa hmiakô liata, Alo a sih ta, Avâzy ta avâ a za pasuasa.

HLAZY 98:7

Tilaipi nata a chhôh liata a ypa zydua a aoh ei sala, Khizaw nata a chhôh liata a pahrâpazy a rôh mawh ei sy!

PUASAINA 19:18

Abeipa ta Sinai Tlâh liata mei ta a za chôpa vâta, tlâh cha meikhuh ta pahly khai ha ta. Cha meikhuh cha patina meikhuh hawh tlai ta avâ lâ kiah ta, a tlâh duata thata a chalyu ta.

ISAI 24:1

Pachâ teh u, Abeipa ta alei he parua aw ta, Roryhrapa ta a tao aw; Alei hmia he palie patheih aw ta, Alei chô liata a pahrâpazy a hiepatla khai aw ei.

ISAI 24:20

Alei cha a paripa hawhta paochheichhâpa ta y ta, Byureih hawhta â chanei; A paraona ta thata vi ta, Pao ta, thyu heih khao aw vei.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 10:10

Abeipa deikua cha Khazoh hmeiseihpa châ ta, Khazoh hrohpa nata tlyzaw Bei a châ. A hiehâhna ta alei a chalyu ta, Phopizy ta a pathiiana tao thei veih ei.

ZEREMIAH 4:24

Tlâhpizy moh na ta, A chalyu ngâ kaw ei ta, Tlâhthlôh zydua ta amâ pasie pasâ ngâ lâ.

EZEKIA 38:20

Tilaipi ngazy, avâ pavawzy, râh sazy, alei liata âlyhpa sa zydua nata alei chô liata chyhsa zydua ei hmiakô liata amâ chalyu aw. Tlâhpizy pahnaipa châ aw ei ta, lôkâhpazy cho aw ta, thokhy to alei liata a pao aw.

ZÔELA 2:10

Ama hmiakô liata alei a sih ta, Avâzy â chalyu. Noh nata thlâpâ zoh ei ta, Awhsizy khaih khao vei.

AMÔSÂ 9:5

Pheisaihzy Abeipa Zehôvâh cha, Alei hria ta a patisa theipa châ ta, Cha liata a pahrâpa zydua mâchhie ama sa; Nile chavah hawhta alei pôhpalôhpa pasâh thei ta, Izi Nile hawhta a pasysa heih theipa a châ.

MIKÂ 1:4

Mei liata kheihlôh a zaopa hawhta, Pâdawhpa liata ti a chakhaopa hawhta, Tlâhpizy cha ano ry liata zao aw ei ta, Saikaozy ama kaichheih aw.

HABAKU 3:10

Tlâhpizy ta cha hmô ei ta amâ taikalô; Tisaihzy a chakhao ei ta, Tilaipi a aoh ta, A kuzy avâ lâ a pazawh.

ZEKARIA 4:7

Hy tlâhpi laipa, khâ ma na châ hlei tly? Zerubâbe hmia liata la pahnaipa ta paby khaipa na châ aw. Alô pha chaipa vaw tlôkhei aw ta, ‘Â ngia tlai na, â ngia tlai na’ tahpa ta awh aw ei ta ama dy aw,” tah ta.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 27:51

Achhyna o pohraipa cha, a chô lâ tawhta a ry lâ taihta â khophie ta a hrie ta, alo a sih ta, lôpanôzy a patlaw ta.

MATHAI 28:2

Alo thata a vaw sih ta, vârâh tawhta Abeipa vâlyuhchâpa za chô ta, thlâ pamaina lô cha pasie ta, a chô liata a tyuh ta.

BIEPHUAH 20:11

Chatawhcha beidyuchhai diehpa rônahpa nata a chô liata a tyuhpa hmô na ta. A hmiakô tawhta alei nata avâ a râ ei ta, âmo châta su rai y khao vei.

BIEPHUAH 6:14

Avâ cha châbu chatypa hawh tlai ta vaw lei ha ta, tlâhpi nata liahpahlô to chhao ama yna tawhta pasiepa ta y khai ha ei ta.

RYUREITUHPAZY 5:5

Tlâhpizy Abeipa hmiakô liata a chalyu ei ta, Sinai tlâh chhao Abeipa Izarei Khazohpa hmiakô liata â chalyu.