NÂHU 1:4 - Mara Bible RV (BSI)

⁴ Tilaipi rapa ta pakua ta, Chavah zydua a pakua khai; Bâsanâ nata Kâmel raoh ei ta, Lebanaw pawpi a uah.

NÂHU 1:4 ပူးပေါင်းရင်းမြစ်များ

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

2 SAMUELA 22:16

Abeipa ta ra ta, A hnapasu hu a tôpa vâta, Tilaipi khaoh a vaw lâ ta, Khizaw abônazy â lâ khai.

ZAWBÂ 38:11

‘He rakha he a vy aw chi ta, Vaw khô aw va chi, Na tichatlaopa rônahpa chhao, he liata a chhâ aw,’ A tahtuhpa kha ahy ma a châ tly?

HLAZY 104:7

Na rapa vâta tizy a râ ei ta, Na tôkalôhpa pyu vâta rawrôhpa ta amâ râ haw.

HLAZY 106:9

Tilaipi Saihpa rapa ta pakua ta, Râhchawhpa liata siepa hawhta, Ti athupa kuapa liata a siekhei ei.

HLAZY 114:3

Tilaipi ta moh ta a râ ta, Zawdâh a hnawh lâ â lie.

HLAZY 114:5

Hy tilaipi, khazia nâ râ haw? Hy Zawdâh, khazia na hnawh lâ nâ lie haw?

HLAZY 18:16

Chô lâ tawhta za pazapa ta na patu ta, Tisaih tawhta einâ daophi.

HLAZY 74:15

Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

ISAI 33:9

Râh cha mâchhiesapa ta panao ta, Lebanaw cha nohzaopa ta a uah lymâ. Saraw bypi cha râhchawhpa lyu ta, Bâsanâ nata Kâmel chhao ama hnazy a zô khai haw.

ISAI 42:15

Tlâhpizy nata tlâhthlôhzy roryhrapa ta tao aw na ta, Ama thoti ramawh zydua ei paraoh khai ha aw. Chavahzy cha liahpahlôzy ta tao aw ei na ta, Tipozy ei pakua ha aw ei.

ISAI 44:27

Ti a thupa hnohta, ‘Kua teh, na chavahzy ei pakua khai aw,’ A tahtuhpa ei châ.

ISAI 51:10

Tilaipi a pakuatuhpa kha, Nâma châ chi ta; Ti a thu ngaitapazy a pakuatuhpa chhao kha, Nâma ma na châ vei? Chatlaipazy haosâ lâ chakasa awpa ta, Tilaipi athupazy liata lâpi a taotuhpa chhao kha, Nâma tlai he ma na châ vei?

EZEKIA 30:12

Nile chavah pakua aw na ta, Râh chhao moleipazy hnohta ei zuah aw; Chihropazy ku hmâpa ta, Râh nata a chhôh liata a ypa zydua chô liata Roryhrana ei patlôsa aw; Kei Abeipa ta ei reih haw.’

EZEKIA 38:20

Tilaipi ngazy, avâ pavawzy, râh sazy, alei liata âlyhpa sa zydua nata alei chô liata chyhsa zydua ei hmiakô liata amâ chalyu aw. Tlâhpizy pahnaipa châ aw ei ta, lôkâhpazy cho aw ta, thokhy to alei liata a pao aw.

AMÔSÂ 1:2

Amôsâ ta, “Abeipa cha Zaio tawhta a rôh ta, Zerusale tawhta ao a papua; Mietaku vaituhpa sibiepa suzy mâchhiesa ei ta, Kâmel tlâh laki a uah,” tah ta.

AMÔSÂ 5:8

Awhsicharu nata Vaothawlâpia zy tao ta, Thina nohpahli cha my pachâsa ta, Chhô chhao zâ zohpa ta taopa ta, Tilaipi tizy aw ta alei chô lia a patlaituhpa cha, A moh Zehôvâh a châ.

MATHAI 8:26

Zisu ta ama hnohta, “Ngiapâna chyhpa saih u, khazia nama chi?” tah ta. Thyu ta thlihzy nata tichatlaopa cha ra ta, sidia ha ta.

ZAWSUA 3:16

machha lâ tawhta ti a zâ loh haipa cha a duah ta, lâhlapi taihta, Zarethâ kiapâh ta a ypa Âdâh khihpi taihta â sâh pi ta a opa ta a toh ta, Tilaipi Iahpa, Arabâ Tilaipi lâta a lohpa ti cha chie pachhô ta, zawpizy cha Zerikô khih dady liata Zawdâh haosâ lâ ama pua haw.