NÂHU 1:2 - Mara Bible RV (BSI)

² Abeipa cha hiatlia a pasapa Khazohpa châ ta, Phuh a lapa Khazohpa a châ; Abeipa cha phuh lana nata pathiiana ta a biepa châ ta, Abeipa cha a khakhaipazy chô liata phuh la ta, A chariahpazy châta pathiiana a pachôtuhpa a châ.

NÂHU 1:2 ပူးပေါင်းရင်းမြစ်များ

ZAWBÂ 20:23

Py biepa nata lôhrâtlôpa ta a y nota, Khazohpa ta a pathiiana a chô liata vaw tuah aw ta, A hriena chaihhrai ta avâ hawhta a sua thlu aw

HLAZY 94:1

Hy Abeipa, phuh latuh Khazohpa, Hy phuh latuh Khazohpa y, Khaih lymâ mah y!

PUASAINA 20:5

Chazy cha nâ chhy awpa châ leipa ta, na chakao awpa châ hra vei. Kei Abeipa na Khazohpa he, Khazoh hiatlia pasapa châ na ta, pawzy paraona vâta sawzy a hrie tyhpa ei châ. Nâ haotuhpazy cha chhâ thôhna nata chhâ palihna taihta a hrie tyhpa châ na ta,

PUASAINA 34:14

Khazoh hropa rai namâ chhy awpa châ vei. Abeipa cha a moh Hiatlia châ ta, a hiatlia pasa kawpa Khazohpa a châ.

PUASAINA 34:7

chyhsa sâh hluhpi chô liata ngiachhiena palâsa ta, taopasina nata paraona nata moleinazy a ngiahthai ta, thailei a châpazy deikua hrie leipa ta a pakhôsa leipa, pawzy hmoparaona cha saw nata samoh sahlâhzy chô liata patlôsa ta, chhâ thôhna nata chhâ palihna taihta a patlôsapa,” tahpa ta a phuah ta.

ISAI 42:13

Abeipa cha pasaipha hawhta pua aw ta, Pheisaih hawhta a phahnai ngiahna a pathyu aw. Paro ngaitapa ta awhpa ta a pahôpahâh aw ta, A khakhaipazy chô liata a thatlôna a palâsa aw.

ISAI 51:17

Hy Zerusale, a hra la, Nâmasasyh ta a pahra la, a duah teh. Nâ, Abeipa ku tawhta a hiehâhna nyu doh chi ta, Biebuh chaopahrâ taihta dohpa ta, Paochheichhâna nyu a dohtuhpa y, A hra la, nâmasasyh ta a pahra mah y.

ISAI 51:20

Na sawchapawzy panao ei ta, Sao liata sathawh a aopa hawhta, Khiliah chaki to liata amâ zia; Abeipa pathiiana ta bie ei ta, Na Khazohpa rana ta ama bie.

ISAI 66:15

“Moh teh u, a pathiiana lei thlupa ta, Meipaleih ta chhorei awpa ta, Abeipa cha mei chhaota vaw tlô aw ta, A talailihzy cha khisô hawhta a châ aw.

ZEREMIAH 25:15

Abeipa, Izarei Khazohpa ta hetana heta eina chho: “He hiehâhna kresawhti nyu he ei ku tawhta la la, ama hnohta ei cha tuana phopi zydua padosa mah y.

ZEREMIAH 28:8

Nâ nata kei hlâta a vaw y tuapa hlâno hrohsopazy khata, râh hluhpi nata khinarâh rônahpazy chô liata adyuhna, chakâhna nata potlana a tlô awpa kyh hrohsona biezy ama phuah tyh.

ZEREMIAH 3:5

Chhâzaw ta ma na hie a hâh thlâh ha aw? Achhâna taihta ma na pathi a ia aw?’ na tah vei? Pachâ teh, cha hawhta reih tlôh chi ta, Châhrasala molei thei chaipa hawhta na molei lymâ.”

ZEREMIAH 36:7

Abeipa ta he phopi chô liata hiehâhna nata pathiiana a phuahpa kha pasa ngaita tlôh ta, chavâta zawngiah awpa ta amâ hawna cha Abeipa hmiakô liata vaw tlôpa ta, chyhsa to ama hrozie chhiepa tawhta amâ palie thei ngyu aw lah,” tah ta.

ZEREMIAH 4:4

Hy Zudâh râhsawzy nata Zerusale khihsawzy saih u, Abeipa lâta nama chopaw tai u la, Nama palôh chopawzy tai teh u; Chataleipatala moleina hmo nama taopazy vâta, Ei hiehâhna mei hawhta pua aw ta, Ahy hmahta pachhai thei leipa ta a kâ pathlei aw na.”

ZEREMIAH 50:15

Su to tawhta rahao chie teh u; A chariahpa ku liata â pie ha ta, A diasuazy pao ta, A thokhyzy a cho haw. Abeipa phuh lana a châ hih: A chô liata phuh la u la, A taopa hawhta a chô liata tao hra teh u.

CHAPHÔHTUNA 4:11

Abeipa ta a pathiiana papua ta, A hiehâhna ru ngaitapa a patlai haw; Zaio liata mei patih ta, Â bônazy a kâ khai haw.

EZEKIA 36:6

Chavâta Izarei râh kyh liata hrohsona bie phuah la, tlâhpizy nata tlâhthlôhzy, chavahzy nata saikaozy hnohta hetana heta reih mah y. Abeipa Zehôvâh ta hetana heta a tah: Pachâ teh u, phopizy reipachhiena nama taopa vâta, ei hiatlia pasana ta hiehâhpa ta bie vaw reih ha na ta.

EZEKIA 38:18

Châhrasala cha noh liata, Kawkâ ta Izarei râh a vaw siehnao awpa noh lia tlai ta, ei hiehâhna ru ngaitapa a pua aw, Abeipa Zehôvâh ta a tah.

EZEKIA 38:19

Ei hiatliana nata ei pathiiana ru ngaitapa ta, cha noh liata Izarei râh liata losihpa ru ngaitapa â sih awpazie ei phuah.

EZEKIA 39:25

“Chavâta Abeipa Zehôvâh ta hetana heta a tah: Tahmâ cha Zakaw vânoh patosa heihpa ta, Izarei pathla zydua zawh a ngiah heih aw ei na ta, ei moh pathaihpa cha liahsa ei pabohsa ha bâ aw.

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

EZEKIA 6:12

Lâhlapi ta a ypa cha potlana ta thi aw ta, lâhnia liata a ypa zaozi ta paopa ta, ahrohpa ta pahlôhpa cha chakâhna ta a thi aw. Cha hawhta taopa ta, ama chô liata ei hiehâhna cha ei padia aw.

EZEKIA 8:18

Chavâta kei chhao ta pathi iapa ta hmo ei tao aw. Ei mo ta pahlôh leipa aw ei ta, ngiachhie aw veih ei na. Ao paro ngaitapa ta ei nah liata awh hra ei sala, nathlie aw veih ei na,” tah ta.

ZÔELA 2:18

Chatawhcha Abeipa ta A râh cha a hiatlia ta, A phopi cha ngiachhie heih ta.

THEIHTHAINA 26:28

kei chhao hiehâhpa ta nama kho leizie ta y aw na ta, nama moleinazy vâta a lie sari ta ei cha hrie aw ei.

MIKÂ 5:15

Reingiah leipa phopizy chô liata, Hiehâhna nata pathiiana ta phuh ei la aw.”

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

ZEKARIA 1:14

Chatawhcha bie nâ chhotuhpa vâlyuhchâpa chata, ‘Awh teh, Pheisaihzy Abeipa ta hetana heta a tah: Zerusale nata Zaio chô liata ei hiatlia a pasa ngaita.

ZEKARIA 8:2

“Pheisaihzy Abeipa ta hetana heta a tah: Zaio cha hiatliana pasa ngaitapa ta ei hia na tlia ta, pathiiana ru ngaitapa ta ei hia eina tlia.

MALUHREINA 25:11

“Theihthaipa Arawna sawchapawpa Eliaza sawchapawpa Phinehâ ta Izarei chô liata ei hiehâhna a papai haw. Ama chô liata ei hiatliana liata ano chhao a hia eina tliakhei hrapa vâta, ei hiatliana ta Izarei sawzy cha pahleipadia khao aw va na.

RAWMA 12:19

Kho ngaitapa saih u, nama phuh a la leipa u la, Khazohpa pathiiana tlei hri teh u. “Phuh cha keima la awpa châ ta, kei ta viari ei thô aw, Abeipa ta a tah,” tahpa ta ropa a châ.

RAWMA 13:4

Ano cha na pha nawpa ta Khazohpa chakaotuhpa a châ. Hmo moleipa na tao khiah deikua cha, chi kaw mah y, zaozi cha a chaba thlâhthli vei. Ano cha Khazohpa chakaotuhpa châ ta, hmo paraotuhpa chô liata Khazohpa hiehâhna phuhlatuhpa a châ.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

RYHPACHANEINA 7:10

Ano a haotuhpazy deikua cha, hmiadaisâ ta viari thô ta, a pahleipadia tyh ei. Ano a haotuhpazy viari thô awpa ta hawh aw vei. Hmiadaisâ ta viari a thô aw ei.

HEBRAI 10:30

“Phuh cha keima la awpa châ ta, kei ta viari ei thô aw,” a tahtuhpa eima pahno. “Abeipa ta a phopi a pachia aw,” a tahtuhpa chhao eima pahno.

ZAWSUA 24:19

Châhrasala Zawsua ta zawpi hnohta, “Abeipa chakao thei aw veih ei chi. Ano cha Khazoh pathaihpa châ ta, hiatlia a pasapa Khazohpa a châ. Nama paraonazy nata nama moleinazy a ngiahthai aw vei.

2 PITY 2:9

Cha hawhna chata Abeipa ta ano a pachâtuhpazy cha reipasaona tawhta a pachha nawpazie pahno ta, sialeipazy cha pachiana noh a tlô hlâlei hriena ry liata soh chy nawpazie chhao a pahno.