NÂHU 1:15 - Mara Bible RV (BSI)

¹⁵ “Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

NÂHU 1:15 ပူးပေါင်းရင်းမြစ်များ

HLAZY 107:15

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

HLAZY 107:8

A kyhpachâna tleih beih leipa vâta, Abeipa cha reithai ei sala; Chyhsa sawzy châta a hmotao noâhpazy vâta, Abeipa cha reithai mawh ei sy!

ISAI 41:27

Keima tlai he Zaio hnohta, “Moh teh, he liata ama y,” A tah tua chaipa châ na ta, Zerusale hnohta thâtih phapa a phuah tua chaipa ei châ.

ISAI 42:11

Râhchawhpa nata a khihpizy ta ama ao papua ei sala, Kedâ mo pahrâna khihzy ta ama ao papua mawh ei sy; Selâ khihsawzy thaphapa ta hla sa ei sala, Tlâh lakizy tawhta awh mawh ei sy.

ISAI 52:1

Hy Zaio, a hra la, a hra la, Na thatlôna ta a tobi mah y; Hy Zerusale, khihpi pathaihpa, Na chysia a ngiapazy ta a tobi mah y. Tahmâ tawhta cha, Chopawtaileipa nata pathaih leipazy Na chhôh liata a ngia khao aw veih ei.

ISAI 52:7

Thlalôhna bie phuahpa ta, Lôtlâhna bie vaw tlôkhei ta, Zaio pachhana phuahpa ta, Zaio hnohta, “Na Khazohpa ta ryu a reih,” a tahtuhpa, Tlâhzy liata thâtihpha a vaw tlôkheituhpa phei cha, Â ngia ngaita kaw dia!

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

THEIHTHAINA 23:2

“Izarei sawzy chho la, ama hnohta hetana heta reih teh: Hezy he Abeipa châta kyhchhi raopa, pakhypi pathaihpa ta nama phuah awpa châ ta, chazy cha keima raopa kyhchhizy a châ.

THEIHTHAINA 23:4

“Hezy he Abeipa châta kyhchhi raopa, pakhypi pathaihpa châ ta, hmâh awpa ta a daihti raopa liata nama phuah tyh awpa a châ:

NÂHU 1:14

Abeipa ta nâma kyh liata Hetana heta bie a pie haw: “Na moh y zôzaw khao aw vei; Nothlah khiepa nata nothlah leihpa zy cha, Na khazohzy o tawhta ei chhawh pathlah ha aw. Zakhei nâ chhih tu hapa vâta, Na thlâ ei cha chaopa aw.

LUKA 2:10

Vâlyuhchâpa ta ama hnohta, “Chi khah u la, nathlie teh u, mo to châta thâtihpha lychhih ngaitapa ei cha vaw tlôkheipa ei.

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

HMOTAOPAZY 10:36

Khazohpa ta Izarei sawzy hnohta bie vaw tlôkhei ta, Zisu Krista hmâpa ta thlalôhna thâtihpha cha ama hnohta vaw tlôkhei tlai ta, châhrasala Zisu cha ato zydua Beipa a châ.

RAWMA 10:15

Tuapa ama châ vei khiahta cha, kheihta bie ama chho thei aw? “Thatihpha a vaw tlôkheituhpazy phei cha â ngia kaw dia!” tahpa ta ropa a châ.