NÂHU 1:12 - Mara Bible RV (BSI)

¹² Abeipa ta hetana heta a tah: “Ama thatlôpa ta hluh kaw hra ei sala, Chhawh pathlahpa châ aw ei ta ama thi aw; Cha vaw pasasa ha hra aw sah la, Cha pasasa heih khao aw va na.

NÂHU 1:12 ပူးပေါင်းရင်းမြစ်များ

2 ABEIZY 19:35

Cha zâ ta Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, riehmo cha athihpa ri ta a biepa hmô ei ta.

2 ABEIZY 19:37

Noh kha cha a khazoh Nisrô achhyna o liata khazoh â chhy hai nota a sawchapawzy, Adarâmele nata Sareze ta zaozi ta chhawhsao ei ta, Ararâ râh lâ amâ râ hapa vâta, a sawchapaw hropa Esâhadô ta ano su liata â bei haw.

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

ISAI 10:16

Chavâta Pheisaihzy Abeipa Zehôvâh ta, Asuria bei pasaipha thatlôpazy chô liata chaohna hri a patlôsa aw; Â papiparysana ry liata mei patipa châ aw ta, Meipaleih ta a kâ khai aw.

ISAI 17:14

Moh tua u, zâlâ ta chichhihpa eikhapi ta vaw y ta, Khihdei hlâta a lei ha tyh. Cha hawhpa cha miah hraotuhpazy tovyuh châ ta, Eima hmo a parutuhpazy hmô awpa cha a châ.

ISAI 30:19

Hy Zerusale liata a pahrâpa Zaio phopi y, cha khao aw va chi. Na awna ao vâta Abeipa ta cha ngiachhie tlai aw ta, a theipa nahta, a cha chyh-ei aw.

ISAI 31:8

“Asuria cha a pao aw, Chyhsapa zaozi ta deikua châ leipa aw ta, Chyhsapa zaozi a châ leipa zaozi ta a palâ aw. Zaozi tawhta a râ aw ta, A satliazy cha raihriatuhpazy ta taopa ama châ aw.

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 51:22

Nama Beipa Zehôvâh ta hetana heta tah ta, A phopi a reikheituhpa nama Khazohpa ta hetana heta a tah: “Paochheichhâna nyu nama ku tawhta la ha na ta, Ei hiehâhna nyu doh khao aw veih ei chi.

ISAI 7:20

Cha noh liata, Ufrâti Chavah haosâ lâta Asuria bei tawhta â hlâpa chaidâh hmâpa ta, Abeipa ta nama sâ nata keih hmizy ngyu khai aw ta, nama kâhhmi chhao a ngyu khai aw.

ISAI 8:8

Zudâh chhao tisaih ta tlô thlu aw ta, a rao taih tlai ta a vao aw,” a tah. Châhrasala Khazohpa eima hnohta y ta, Na râh doh nata hâ zydua A mathlaw ta a khu khai aw.

DÂNIAH 11:10

“Maw bei sawchapawzy ta a dyuh awpa ta a pachhuahpanoh aw ei ta, pheisaih hri hluh ngaitapa awpakhy aw ei ta, tisaih toh thei leipa hawhta vaw pua via ngâ thlâh ha aw ei ta, chho bei thokhy tlôna taihta amâ dyuh laih lymâ aw.

ZÔELA 2:19

Abeipa ta a phopi cha chyh-ei ta, Hetana heta â chhy ei: “Nathlie teh u, sâh vaw patlôsa aw na ta, Kresawhti nata sathaw zy ei vaw patlôsa aw; Chatanachata lôhrâtlôpa ta y aw ei chi ta, Phopizy hry liata Pahneiparâsaopa ta cha tao khao aw veih ei na.

NÂHU 1:15

“Moh teh u, tlâhpizy liata thâtihpha vaw tlôkhei ta, Adyhna bie a vaw phuahtuhpa pheizy huh! Hy Zudâh, na kyhchhizy tao lymâ la, Na bietaizy patlô mah y; Moleipa cha tlokhuh chhawh pathlah hapa châ ta, Cha chapia heih beih khao aw vei.”

BIEPHUAH 7:16

Ama nodi khao leipa aw ta, Ama dâhphi khao aw vei; Noh ta âmo vawh leipa aw ta, Noh lona ta ama rie pathei khao aw vei.