MIKÂ 7:9 - Mara Bible RV (BSI)

⁹ A chô liata ei molei hapa vâta, Ei kyh na reikhei sala, Pachiana eina taopa hlâlei cha, Abeipa ruchhôna ei phaoh aw. Khaihna lâ nâ chhi papua aw ta, A thaipachâsana ei hmô aw.

MIKÂ 7:9 ပူးပေါင်းရင်းမြစ်များ

2 SAMUELA 24:17

Dâvi ta chyhsa a thietuhpa vâlyuhchâpa a hmô nahta, Abeipa bie a chho ta, a hnohta, “Pachâ teh, ei vaw molei haw, a do lei ngaitapa ta hmo ei vaw tao haw. Châhrasala he mietakuzy heta khâpa hmo ma ama tao tly? Ei châ haw na, na ku cha keima chô liata tla sala, ei paw chhôhkha chô liata tla mawh sy,” tah ta.

ZAWBÂ 23:10

Châhrasala lâpi ei chhihpa pahno ta, Eina pasia khai tawhta la ngôh hawhta ei vaw pua aw.

ZAWBÂ 35:14

Cha hawhta a châ nota, Khazohpa na hmô leipa hawhta reih chi ta, Bie pachia awpa cha a hmiakô liata y ta, Na hâ thlâh hapa hawhta na reipa chhochhi cha, A cha nathlie nâ pangiasa ma?

HLAZY 119:154

Ei bie a duakheipa ta na pachha la, Na bietai hawhta na pahro heih mah y.

HLAZY 37:6

Na siana cha khaihna hawhta papua aw ta, Nâ dona chhao nohchhô hawhta a châ aw.

HLAZY 43:1

Hy Khazohpa, nâ duakhei la, Thai na pachâsa mah y! Khazohpa a pachâ leipazy tawhta na pachha la, Dôvei hmâhpa nata chyhsa doleipa tawhta na pachha mah y!

HLAZY 7:6

Hy Abeipa, na hiehâhpa ta thyu la, Ei chariahpazy ruchhôna thyuhnao mah y; Keima châta a hra la, Adona bie pathlu mah y.

HLAZY 94:15

Mosiapa hnohta adona vaw kua heih aw ta, Palôh dopa zydua ta ama zi aw.

ISAI 42:16

Mochaopazy cha, Ama pahno beih leipa lâthlôh liata a chhi aw ei na ta, Ama pahno beih leipa lâpi liata ei chhihtha aw ei. Ama hmiakô liata zohna cha khaihna ta tao aw na ta, Su byuhpazy ei paraih khai aw. Cha hmozy cha tao aw na ta, Âmo siesai aw veih ei na.

ISAI 42:7

Mochaopazy mo pavâsa aw chi ta, Atâhpazy na papua aw ei; Âmo cha lei ry patâhna o tawhta papua aw chi ta, Patâhna o zohpa tawhta na papua aw ei.

ISAI 46:13

Ei siana vaw pahniasa hai na ta, A hla khao vei; Ei pachhana chhao, Bohpi châ khao aw vei. Zaio liata pachhana patlôsa aw na ta, Izarei liata ei rônahna ei paysa aw.”

ISAI 51:22

Nama Beipa Zehôvâh ta hetana heta tah ta, A phopi a reikheituhpa nama Khazohpa ta hetana heta a tah: “Paochheichhâna nyu nama ku tawhta la ha na ta, Ei hiehâhna nyu doh khao aw veih ei chi.

ISAI 56:1

Abeipa ta hetana heta a tah: “Ei pachhana vaw tlô daihmâ ha ta, Ei siana â vaw lâ patoh awpa vâta, Adona zyh u la, Siana tao teh u.

ZEREMIAH 10:19

Ei hmahphaopa vâta ei hu po ta, Ei hmah a ru kaw dia! Châhrasala, “He he pasataona cha châ ta, Ei tao awpa tlai na a châ,” ei tah tyh.

ZEREMIAH 14:7

“Eima paraonazy ta miah leih hra sala, Na moh vâta, Hy Abeipa, rai hria mah y; Eima paonazy hluh ngaita ta, Na chô liata eima vaw molei haw.

ZEREMIAH 51:10

Abeipa ta thai miah pachâsa ha ta, A vy u la, Abeipa eima Khazohpa hmotaopa cha, Zaio liata phuah suh u.

CHAPHÔHTUNA 1:18

“Abeipa cha a siapa châ ta, A bie a zyh leipa cha keima he ei vaw châ; Chatahrasala Hy phopi zydua saih u, nathlie u la, Ei pasataona he moh tua u; Ei satlia laihsa zy Seichâna lâ ama sie khai ha hih.

THEIHTHAINA 26:41

ama paraonazy vâta ama kho leizie ta hmo tao na ta, ama chariahpazy râh lâta ei chhipa ei kha pahnopa ta, ama pathipalôh chopawtaileipa a panawh ei sala, ama hmo paraona tawhta a taopathi amâ chhuah khiahta cha,

MALAKHAI 3:18

Chatanachata mosiapa nata moleipa likah ananona nata Khazohpa a chakaopa nata a chakao leipa likah ananonazy nama hmô heih aw.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 TIMAWTHY 4:8

Tahmâ cha siana lakho ei châta sopa châ ha ta, cha cha Abeipa, pachiatuhpa sia ngaitapa ta, cha noh liata eina pie aw. Kei dei châ leipa ta, â vaw luahna a mokhâhtuhpa zydua hnohta chhao a pie aw ei.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”

1 SAMUELA 24:15

Chavâta Abeipa ta nâma nata keima likah pachia sala, bietluna tao mawh sy. Hmo yzie moh sala, ei chhâh a châ sala, na ku tawhta na pachha mawh sy,” tah ta.

1 SAMUELA 25:39

Dâvi ta Nâbâ a thi haw tahpa a thei nahta, “Nâbâ ku liata pasipasawh ei tyhpa viari nâ thôpatuhpa nata ano a chakaotuhpa heta hmo pha leipa ei tao ha awpa tawhta nâ pakhâpa Abeipa cha reithaipa ta y mawh sy. Nâbâ molei paraona cha Abeipa ta ano luh chô liata a patlasa haw,” tah ta. Chatawhcha Dâvi ta a chakaotuhpazy tuah ta, Abikai cha a lapinô châta za pahiasa ta.

1 SAMUELA 26:10

Dâvi ta, “Abeipa hrona reipa ta ei reih, Abeipa ta a chô liata ku a pathla aw. Cha hawhta a châ leipa chhao ta, a thina noh vaw tlô thei ta, adyuhna lâ sie aw ta a leidia thei hra.

1 SAMUELA 3:18

Chatanachata Samuela ta Eli cha hmo to chho khai ta, ano liata phihpa khâpa hmah hnei vei. Eli ta, “Cha cha Abeipa a châ chu, ano ta pha a tahpa hawhta tao mawh sy,” tah ta.