MIKÂ 7:8 - Mara Bible RV (BSI)

⁸ Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

MIKÂ 7:8 ပူးပေါင်းရင်းမြစ်များ

ZAWBÂ 31:29

“Nâ haotuhpa ta raona â tyh tita a lypa ta, Hmo pha leipa ta a tla thlu nota thaphapa ta ei vaw y hapa chhao ta,

HLAZY 112:4

Chyhsa dopa châta cha, Zohna liata a y no chhao ta khaihna a vaw pua tyh; Abeipa cha ngiachhiena nata zawngiahna a hneipa châ ta, Khazohpa siapa a châ.

HLAZY 143:3

Chariahpa ta ei thlahpa a chadai ta, Ei hrona he alei liata taichheih ta; Ama thi tawhta bohpi a châ hapazy hawhta, Zohna liata eina pahrâsa haw.

HLAZY 20:8

Âmo cha a hluah ei ta ama pao, Keimo deikua cha thyu pi ta â ipa ta eima duah.

HLAZY 27:1

Abeipa cha ei khaihna nata ei pachhana châ ta, Ahy ei chi aw? Abeipa cha ei hrona thokhy châ ta, Ahy ei chi aw?

HLAZY 35:19

A chhâpa y leipa ta nâ khakhaipazy cha, Ei chô liata hmo a tlôpa vâta amâ ly awpa pasaih leipa la; A chhâpa y leipa ta nâ haotuhpazy chhao, Eina mopasih awpa ei pasaih khah y.

HLAZY 37:21

Moleipa cha dyuchei ta, Châhrasala thô khao tyh vei; Mosiapa deikua cha a riapha ta, A saipa ta a pie tyh.

HLAZY 37:24

Abeipa ta a ku liahsa a patu hapa vâta, Pao hra sala, Pao pathlah aw vei.

HLAZY 38:16

“Ei phei â chakhao tita, Nâ palai thlu tyhpazy ta, Ama palôh einâ eih awpa ei pasaih khah y,” tah na ta.

HLAZY 84:11

Zehôvâh Khazohpa cha noh nata vyhphao châ ta, Abeipa cha khokheina nata palyupalihna a pietuhpa a châ. Âdopa ta a ypazy châta cha, Hmo phapa thlyu aw vei.

HLAZY 97:11

Mosiapa châta khaihna piepa châ ta, Palôh dopa châta alyna piepa a châ.

ISAI 2:5

Hy Zakaw pathlazy saih u, a vy u la, Abeipa khaihna liata charei ei suh u.

ISAI 49:9

Chatanachata atâhpazy hnohta, ‘Pua teh u,’ tah aw ei chi ta, Zohna liata a ypazy hnohta, ‘A vaw luah teh u,’ nama tah aw. Lâpizy liata ama lao bâ aw ei ta, Aw tlâhzy cha ama tlaihna a châ aw.

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

ISAI 9:2

Zohna liata a chareipa phopi ta, Khaihna rônahpa hmô ei ta; Thina nohpahli râh liata a pahrâpazy chô liata, Khaihna a vaw khaih haw.

ZEREMIAH 48:27

Izarei kha na pahneisao tyh vei ma? Ano kyh na reina maihta na luh chahuah awpa ta, Parutuhpazy hry liata hmôpa a châ beih ma?

ZEREMIAH 50:11

“Hy ei ryuto a hraotuhpazy saih u, Thaphapa nata thapawh kawpa ta ypa ta, Si panyupa su liata viahchao zeinô hawhta a chapiepa ta, Arâ tôhpa hawhta sâh hra u la,

ZEREMIAH 8:4

“Ama hnohta hetana heta reih teh, Abeipa ta hetana heta a tah: Chyhsapa cha ama pao nahta, Thyu heih tyh veih ei ma? Lâpi ama tlei nahta, Kua heih tyh veih ei ma?

EZEKIA 25:6

Abeipa Zehôvâh ta hetana heta a tah: Izarei râh na ku chabaih chie chi ta, na phei a tlai chiepa ta, reipachhiena to ta na reipachhiena liata na palôh â ly kawpa vâta,

EZEKIA 35:15

Izarei pathlazy ryuto roryhrapa ta a ypa nâ lypa hawhna khata, na chô liata ei tao aw. Hy Seirâ Tlâh, roryhrapa ta na y aw. Edômâ cha tlokhuh roryhrapa ta a y aw. Chatanachata Abeipa ei châ tahpa ama pahno aw.”

EZEKIA 36:5

Chavâta Abeipa Zehôvâh ta hetana heta a tah: Ei hiatlia pasana ta phopi hropazy nata Edômâ mo zydua chô liata hiehâh ngaitapa ta bie vaw reih ha na ta. Âmo cha palôh a ly ngaitapa nata papeisana rai hnei leipa ta ei râh nâ chhupazy châ ei ta, râh sibie phana suzy cha ama hraona sôh ta a taopazy ama châ.

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

ÔBADIA 1:12

Na unawhpa chhiena â tyh noh kha, Kheihta ma a lypa ta moh thei chi ta, Zudâh pathla raona amâ tyh noh kha, Kheihta ma thaphapa ta na sai thei tly! Ama pachârôhna noh liata, Kheihta ma na pakah a kawh chie thei tly!

MIKÂ 4:10

Hy Zaio sawchanô y, Chanô sawzeihpa hawhta, A taikalô la a rôh teh; Khihpi tawhta pua aw chi ta, Lyurâhpa liata na pahrâ aw; Babylaw lâ sie aw chi ta, Cha liata pachhapa na châ aw; Cha liata na chariahpazy ku tawhta Abeipa ta a cha chatlai aw.

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

ZEKARIA 12:8

Cha noh liata, Abeipa ta Zerusale liata a pahrâpazy pabohsa aw ta, ama hry liata chyhsa chiehlei chaipazy chhao, cha noh liata cha Dâvi hawhta châ aw ei ta, Dâvi pathlazy cha Khazohpa hawhta châ aw ei ta, ama hmia lâta a siepa Abeipa vâlyuhchâpa hawhta ama châ aw.

MALAKHAI 4:2

“Châhrasala nâmo, ei moh a chizapazy châta siana noh, a mathlaw liata tlâhna a ypa noh a vaw chhi aw. Pua aw ei chi ta, viahchaotaw a o tawhta pazopa hawhta châki nama zoh aw.

MATHAI 4:16

Zohna liata a tyuhpazy ta Khaihna rônahpa ama hmô haw; Thina nohpahli râh liata atyuhpazy chô liata, Khaihpa a vaw khaih haw,” tahpa ta a reipa kha a vaw tlô thei nawpa ta a châ.

ZAWHÂNA 16:20

Hmeiseihta ta, hmeiseihta ta ei cha chho ei, nâmo cha, cha aw ei chi ta, chaphôh nama tu aw, khizaw deikua cha â ly aw. Pachârôhpa ta y aw ei chi ta, châhrasala nama pachârôhna cha thaphana lâta â lie aw.

ZAWHÂNA 8:12

Zisu ta ama hnohta bie reih heih ta, “Kei he khizaw khaihpa ei châ. Ahy rai nâ zipa cha zohna liata charei leipa aw ta, hrona khaihpa tlao a hnei aw,” tah ta.

HMOTAOPAZY 26:18

Ama mozy pavâsapa ta, zohna tawhta khaihna lâ paheisa awpa nata Sâtâ hmotaotheina tawhta Khazohpa hmotaotheina lâ paheisa awpa ta ei cha tuah aw. Chatanachata molei ngiahthaina hmô aw ei ta, einâ ngiapâpa vâ ei ta, pathaisapazy hry liata tovyuh ama hnei hra aw,’ tahpa ta eina chho.

2 KAWRINI 4:6

“Zohna tawhta khaihna vaw khaih mawh sy,” a tahtuhpa Khazohpa ta, Khazohpa rônahna pahnona khaihna cha miah pie awpa ta, Zisu Krista hmia liata eima palôh a pakhaihsa haw.

2 KAWRINI 4:9

Taolapa ta y pi ta, châhrasala siesaipa ta y ma pi. Chheipa ta y pi ta, châhrasala pahleipadiapa châ ma pi.

BIEPHUAH 21:23

Khihpi pakhaihsa awpa ta noh a ngiah leipa ta, thlâpâ chhao a ngiah hra vei, Khazohpa rônahna ta pakhaihsa ta, Mietakutaw cha a meiôh a châ.

BIEPHUAH 22:5

Zâ y khao leipa aw ta, meiôh khaihpa nata noh khaihpa a ngiah khao aw veih ei. Abeipa Khazohpa cha ama khaihpa châ aw ta, chhâzaw nata tlyzaw ta ryu ama reih aw.