MIKÂ 7:7 - Mara Bible RV (BSI)

⁷ Kei deikua cha Abeipa lâ ei moh aw; Ei pachhana Khazohpa hâ aw na ta, Ei Khazohpa ta einâ thei aw.

MIKÂ 7:7 ပူးပေါင်းရင်းမြစ်များ

ÂTHAONA 49:18

“Hy Abeipa, na pachhana ei hâ thlâh haw!

HLAZY 109:4

Ei kyhpachâna cha leihna ta na thô ei ta, Châhrasala kei la thlah ei chhâ lymâ.

HLAZY 130:5

Abeipa cha hâ na ta, Ei thlahpa ta hâ thlâh ha ta, A bie liata hnabeiseihna ei hnei.

HLAZY 25:5

Na biehmeiseihpa liata nâ chhi la, Na pachu mah y; Ei pachhana Khazohpa châ chi ta, Noh y ta nâ ei cha hâ.

HLAZY 37:7

Abeipa hmiakô liata a chalih la, Ano cha hâ hualua mah y. Moleipa a dyhpha tita na pachâ chhie leipa sala, Chhiena a patlôsatuhpa chyhsa vâta na pachâ chhie hra khah sy!

HLAZY 38:15

Châhrasala Hy Abeipa y, Kei cha nâma châ hâpa châ na ta, Hy Abeipa ei Khazohpa y, Nâ chhy awpa cha nâma na châ.

HLAZY 50:15

Nôpona noh liata na pado la, Cha pachha aw na ta, Chatanachata eina parôhnasa aw chi,” Abeipa ta a tah.

HLAZY 65:2

Hy thlahchhâna a theituhpa y, Chyhsapa zydua nâ lâ amâ vy aw.

HLAZY 85:5

Chhâzaw ta ma eima chô liata na hie a hâh aw? Chhâ zydua taihta ma na hie a hâh ngâ thlâh ha aw?

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 17:7

Cha noh liata, chyhsa ta ano a Taotuhpa lâ moh aw ta, a mo ta Izarei Mo Pathaihpa cha a hmô aw.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

CHAPHÔHTUNA 3:24

Chavâta ei hro ta, “Abeipa cha ei tovyuh châ ta, Chavâta ano liata ei hnabei a seih aw,” a tah.

DÂNIAH 3:17

Patina meihô liata thypa eima châpa chhao ta, eima chakaopa eima Khazohpa ta patina meihô ru ngaitapa tawhta miah pachha thei ta, Hy abei y, nâma ku tawhta chhao miah a pachha thei.

HÔSIA 12:6

Na Khazohpa lâ kua la, Ngâchhihna nata adona patu la, Na Khazohpa cha khâ ngâ mah y!

ZÔELA 1:19

Hy Abeipa, nâma tlai ei cha pado. Râhchawhpa sibiepazy cha, Mei ta a patlô khai haw; Lyu liata thozy chhao, Meipaleih ta a kâ khai haw.

HABAKU 2:1

Ei riahvaina su liata a duah aw na ta, O sâhpa chô liata yna ei paryh aw; Abeipa ta ei hnohta a rei awpa mokhâh aw na ta, Ei paphôhna â chhyna ei mokhâh aw.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

MALUHREINA 5:28

Chanô cha a papuapalei leipa sala, a pathaih khiahta cha, a chô liata khâpa hmah tlô leipa aw ta, chi chhao a pathla thei aw.