MIKÂ 7:6 - Mara Bible RV (BSI)

⁶ Sawchapaw ta a paw saw ta rei leipa ta, Sawchanô ta a nô a dyuh ta, Myuhnô ta a nohnô tei ta, Chyhsapa chariahpazy cha, A o liata chyhsazy cheingei ama châ.

MIKÂ 7:6 ပူးပေါင်းရင်းမြစ်များ

ÂTHAONA 49:4

Châhrasala ti hawhta a i leipa na châ; Na paw rakhô kiah chi ta, Na papuapaleipa vâta, Chônôchaina to khao aw va chi. Ei rakhô a kiapa kha!

2 SAMUELA 16:11

Dâvi ta Abisai nata bei chakaotuhpa zydua hnohta, “Pachâ teh u, ei sawchapawpa, ei chhôh chhipa cheingei ta thie einâ chhuahpa châ ta, he Benzami chyhsa chhochhi heta cha, thie einâ chhuah pachai aw dia! Kheihta hmahta tah khah u. Chhie cha sa thlâh ha lah vâ. Abeipa ta a pataosapa na a châ aw.

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

BIESOZY 30:11

Ama pawzy chô liata chhie a sapazy y ei ta, Ama nôzy byhnâ a awpa leipazy chhao ama y.

BIESOZY 30:17

Paw a mohnaopa mokhaoh nata Nô a nawhtawpa mokhaoh cha, Saikao raawhzy ta thaoh aw ei ta, Vâkhiehzy ta ama nie aw.

ISAI 3:5

Chyhsazy amâ tlybai raihrie aw: Ama chyhsa châ lâhpazy tlybai aw ei ta, Ama vaihzy ama tlybai aw. Thyutliapa ta machâpa chô liata sâlâ kaw aw ta, Chyhsa nawhpa chhao zachhihpa chô liata a sâlâ kaw aw.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

ZEREMIAH 12:6

Na unawhpa, na paw pathlazy cheingei ta, Âmo tlai ta cha dôvei ei ta; Cha chadai ei ta, A paropa ta ama cha awsao khawh. Bie pha châ chho hra ei sala, Âmo cha zo khah y.”

ZEREMIAH 20:10

Bieparu hluhpi thei na ta, Su to liata chichhihpa a y. Ei viasa phapazy ta, Ei pao awpa a byhpa ta, “Leih teh u! Leih ei suh u! Dôvei theipa a châ thlâh ngyu aw; Chatanachata pahnie aw pi ta, A chô liata eima phuh eima la thei aw,” ama tah.

ZEREMIAH 9:4

“Chyhsa to ama vaih tawhta a vaih ei sala, Ama unawhpa chhao ngâ khah ei sy. Unawh to dôvei a hmâhpa sai châ ei ta, Vaihzy chhao kyh rei a thaipa sai ama châ.

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

ÔBADIA 1:7

Na viasa zydua ta na râhri taihta cha chadai ei ta, Nâ nata adyhna a taopazy ta Cha dôvei ei ta ama cha pahnie haw. Na viahchhâ a niepazy ta Na ry lâta khoheih cha chôkhâh ei ta, Châhrasala pahno va chi.

MATHAI 10:21

Thie awpa ta, unawhpa ta a unawhpa patusa aw ta, paw ta a saw a patusa aw. Sawzy ta nôpawzy a dyuh aw ei ta, ama pathiesa aw.

MATHAI 26:23

Zisu ta, “Beikoh liata a ku nâ chapaolâhpa ta eina patusa aw.

LUKA 12:53

Amâ chhaih aw. A paw ta a sawchapawpa a dyuh aw ta, a sawchapawpa ta a paw â dyuh aw. A nô ta a sawchanô a dyuh aw ta, a sawchanô ta a nô â dyuh aw. A nohnô ta a myuhnô a dyuh aw ta, a myuhnô ta a nohnô â dyuh aw,” tah ta.

LUKA 21:16

Nama nôpawzy, nama unawhzy, nama chiheihzy nata nama viasazy cheingei ta cha patusa aw ei ta, thokha chhochhi cha ama cha thie aw.

ZAWHÂNA 13:18

Nama zydua kyh reih va na. Ei tlyhpazy cha ei pahno ei. Châhrasala, ‘Ei viahchhâ a niepa ta a phei chakoh eina hy thlu,’ tahpa Biehrai kha a vaw tlô aw.