MIKÂ 7:5 - Mara Bible RV (BSI)

⁵ Na opapa zo leipa la, Na viasa chhao ngâ khah y; Na kalachhôh liata a ziapa tawhta Na pakah ochhi vaih mah y.

MIKÂ 7:5 ပူးပေါင်းရင်းမြစ်များ

HLAZY 141:3

Hy Abeipa, ei pakah vaituhpa soh la, Ei hmao ochhi he vaih mah y!

HLAZY 38:14

Bie a thei leipa nahpâpa hawhta châ na ta, A pakah liata chhoreina bie a y leipa hawhta ei châ.

HLAZY 41:9

Viasa lôhkhy ei ngâpa, Ei pati a niepa taihta, A phei eina thuah thlu.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

ZEREMIAH 9:4

“Chyhsa to ama vaih tawhta a vaih ei sala, Ama unawhpa chhao ngâ khah ei sy. Unawh to dôvei a hmâhpa sai châ ei ta, Vaihzy chhao kyh rei a thaipa sai ama châ.

CHAPHÔHTUNA 1:2

Vâsâhpa ta zâ ta cha ta, A baih liata mothlih hi vei; A khopaw zydua hry tawhna khata, A thlah a palôh awpa hnei khao vei; A viasazy ta a paphasai ei ta, A chariahpa lâta amâ lie khai haw.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.

RYUREITUHPAZY 14:17

Ama kyhchhi noh sari chhôh zydua cha a hmiakô liata cha ngâ thlâh ha ta, a noh sarina noh liata, thata â hawpa vâta chho ha ta. Chatawhcha Sâsawna phôh zuapa cha a lapinô ta a chiheihzy cha chho ta.