MIKÂ 7:19 - Mara Bible RV (BSI)

¹⁹ Zawh miah a ngiah heih aw ta, Eima moleinazy phei ta a tlypâ aw. Eima moleina zydua cha, Tilaipi ry lâ na thy ha aw.

MIKÂ 7:19 ပူးပေါင်းရင်းမြစ်များ

2 SAMUELA 24:14

Dâvi ta Kâdâ hnohta, “Ei nô a po ngaita. Abeipa ku liata eima pao thlu aw, ano cha zawngiah thei ngaitapa châ tlôh ta. Chyhsapa ku liata la na papaosa khah y,” tah ta.

HLAZY 103:12

Nochhi nata notla â hlapa tlu ta, Eima paraonazy cha keimo tawhta lâhlapi lâta a pasie haw.

HLAZY 130:8

Izarei cha pachha aw ta, A moleina zydua tawhta a pachha aw.

HLAZY 85:3

Na pathiiana zydua pachhâsa chi ta, Na hiehâhna ru ngaitapa nâ heihsai haw.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 33:8

Ei chô liata ama moleina thaileichâna zydua tawhta pathaisa aw ei na ta, ei chô liata ama moleina thaileichâna zydua a ngiahthai aw ei na ta, einâ dyuhna zydua chhao ei kha ei ngiahthai aw ei.

ZEREMIAH 50:20

Laibâhpa châta ei pahlôhpazy cha, Ei ngiahthai awpa vâ ei ta, Cha nohzy nata cha daihti liata, Izarei liata paraona tlua aw ei ta, Hmô aw veih ei; Zudâh liata moleina tlua aw ei ta, Hmô aw veih ei,” Abeipa ta a tah.

CHAPHÔHTUNA 3:22

Chhawh pathlahpa ta eima y leipa he Abeipa kyhpachâna vâta châ ta, A zawngiahna a chhâ beih leipa vâta a châ.

CHAPHÔHTUNA 3:32

Ama pachâ parôhsa ha hra sala, A kyhpachâna tleih beih leipa vâta zawh â ngiah heih aw ei.

EZEKIA 18:22

Moleina a vaw tao hapa khâpa hmah a theipa châ khao leipa aw ta, siana a vaw tao hapa vâta a hroh aw.

EZEKIA 39:29

Âmo tawhta ei hmia nyu khao leipa aw na ta, Izarei pathlazy chô liata ei Thlahpa tlao ei hry aw, Abeipa Zehôvâh ta a tah.”

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

HÔSIA 14:2

Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

HÔSIA 14:4

“Ama paosaina patlâh aw na ta, A saipa ta ama kyh ei pachâ aw; Ei hiehâhna ta a kuasai ha ei.

ZEKARIA 3:4

Vâlyuhchâpa ta, Zawsua chakaotuhpazy hnohta, “A chysia puapazy kha pahluhpa teh u,” tah ta. Zawsua hnohta, “Moh teh, na moleina ei cha lapa haw. Chysia rônahpazy ta ei cha tobi aw,” tah ta.

RAWMA 6:14

Ryhpa ry liata y khao leipa ei chi ta, ngiachhiena ry liata nama y hapa vâta, moleina ta nama chô liata biehnei khao aw vei.

RAWMA 8:13

Sapa khozie hawhta nama hroh khiahta cha, thi aw ei chi ta, nama pôhpa hmotaopazy Thlahpa ta nama thie lymâ khiahta deikua cha, nama hroh aw.

RYHPACHANEINA 30:3

Abeipa nama Khazohpa ta nama seichâna tawhta cha pakuasa aw ei ta, a cha ngiachhie aw ei. Abeipa nama Khazohpa ta a cha papaipatlana râh phopizy tawhta cha pakhy aw ei ta, a cha pakuasa aw ei.

RYHPACHANEINA 30:6

Abeipa nama Khazohpa cha nama pathipalôh tlokhuh ta nata nama thlahpa tlokhuh ta kyhpachâpa ta, na hroh thei nawpa ta, Abeipa nama Khazohpa ta nama pathipalôh nata nama pathlazy pathipalôh chopaw a cha taipa aw ei.

RYHPACHANEINA 32:36

Hmotaotheina ama hnei khao leipa Abeipa ta hmô ta, Sei chhao khotalaipa chhao ama y khao lei tita, Abeipa ta a phopi thaipachâsa aw ta, A chakaotuhpazy chô liata zawh â ngiah aw.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

HEBRAI 8:12

Ama paraopazy liata zawh a ngiah aw na ta, Ama moleinazy a thei khao aw va na.”

1 ZAWHÂNA 3:8

Ahripa cha âthaona tawhta a molei ngâ thlâh hapa châ ta, chavâta a molei ngâ thlâh hapa chyhsa cha ahripa tawhta a puapa a châ. Ahripa raihria pahleipadia awpa cha, Khazohpa Sawchapawpa â vaw luahna chhâpa a châ.