MIKÂ 7:18 - Mara Bible RV (BSI)

¹⁸ Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

MIKÂ 7:18 ပူးပေါင်းရင်းမြစ်များ

ÂTHAONA 4:7

Hmo dopa na tao khiahta cha, A pyhpa châ aw va chi ma? Hmo dopa na tao vei khiahta deikua cha, Moleina ta chhikao liata châ byh ta, Cha hnei awpa a khoh; Na pahnie awpa a châ,” tah ta.

1 ABEIZY 8:23

hetana heta thlahchhâ ta: “Hy Abeipa, Izarei Khazohpa y, nâ hawhpa Khazohpa he, chô lâ avâ liata nata ry lâ alei liata y tlâ veih ei. Nâma cha biehrai patlô chi ta, pathipalôh tlokhuh ta na bie a zyhpa châ chakaotuhpazy chô liata ngiachhiena a palâsa tyhpa na châ.

2 THÂTIHZYRONA 30:9

Abeipa lâ nama kua heih khiahta cha, nama unawhzy nata nama sawzy cha, sei ta a patutuhpazy ta ngiachhie aw ei ta, he râh lâ he amâ vaw lie heih aw. Abeipa nama Khazohpa cha ngiachhiena nata zawngiahna ta a biepa châ ta, ano lâ nama kua heih khiahta cha, châ heihsai aw veih ei,” tah ta.

2 THÂTIHZYRONA 6:21

Châ chakaotuhpa nata na phopi Izarei sawzy ta he su lâ a heihpa ta thlah ama chhâ tita, ama hianazy vaw nathlie tyh mah y. Na pahrâna su vârâh tawhta vaw nathlie la, na thei tita a ngiahthai tyh mah y.

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

HLAZY 103:13

Paw ta a sawzy a ngiachhiepa hawhta, Abeipa ta ano a chituhpazy cha a ngiachhie ei.

HLAZY 130:4

Châhrasala chipa ta na y thei nawpa ta, Nâma liata ngiahthaina a y.

HLAZY 35:10

Ei rupa zydua ta, “Hy Abeipa, nâ hawhpa he ahy ma a y?” tah ei ta, “Thatlôpa tawhta dyhchhiepa a pachhatuhpa, Âmo a hraotuhpa tawhta dyhchhiepa nata phahlapa a pachhatuhpa cha, Ahy ma a y tly?” ama tah aw.

HLAZY 65:3

Moleina ta miah a pahnie tita, Eima paraonazy vâta chatlaina miah na taopa tyh.

HLAZY 65:4

Na dôhpachhôh tlyhmia liata pahrâ awpa ta, A tlyh chi ta, na kiapâh lâ nâ chhipazy cha, Ama nohlao kaw dia! Na o phana vâta lôhrâtlôpa ta y aw pi ta, Nâma Achhyna o pathaihpa vâta lôhrâtlôpa ta eima y aw.

HLAZY 71:19

Hy Khazohpa, na siana nata na hmo­taotheina ta avâ sâhpazy kaw daih ta, Nâ cha hmo rônahpazy a taotuhpa na châ; Hy Khazohpa, nâ hawhpa he ahy ma a y?

HLAZY 86:15

Châhrasala Hy Abeipa, Nâ cha zawngiahna nata ngiachhiena a hneipa Khazoh châ chi ta, A hiehâh a rupa nata kyhpachâna nata ngâchhihna ta a biepa Khazoh na châ.

HLAZY 86:5

Hy Abeipa, nâ cha Khazoh phapa nata a ngiahthai theituhpa châ chi ta, Châ padotuhpazy chô liata zawngiahna a hnei hluh ngaitapa na châ.

HLAZY 89:6

Avâzy liana khita Abeipa pakhopâ thei awpa ahy ma y ta, Abeipa hawhpa he vâmozy hry liata ahy ma a y?

HLAZY 89:8

Hy Zehôvâh Khazohpa Atotaotheipa, Hy Abeipa, nâ hawhta thatlôpa he ahy ma y ta, Nâ hawhta ngâchhihna ta a chadôpa he ahy ma a y?

PUASAINA 15:11

“Hy Abeipa, khazohzy hry liata Nâ hawhpa he ahy ma a y? Pathaihna liata beichaipa châ chi ta, Rônahna liata zachhihpa na châ; Hmonoâhpazy a taotuhpa châ chi ta, Nâ hawhpa he ahy ma a y?

PUASAINA 34:9

Mawsi ta, “Tahmâ na modypa ei châ khiahta cha, Hy Abeipa, ngiachhiepa ta Abeipa cha eima hnohta sie hra mawh sy. Phopi chhorupa châ hrei sih la, eima paraona nata eima moleinazy miah a ngiahthai la, na ryuto châta miah hnei mah y,” tah ta.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 38:17

Pachâ tua, nôpona thata ei tyhpa kha, Keima pha nawpa châta tlao a vaw châ. Châhrasala kyhpachâna ta ei hrona na pachha chi ta, Raona khaohtlô tawhta eina pachha ha chi; Ei moleina zydua kha, Na hnohky lâ na thy khai haw.

ISAI 40:18

Cha hawhpa khiahta cha, Khazohpa cha ahy nata ma pakho aw ei chi ta, Khâpa nata ma nama pakho aw tly?

ISAI 40:25

“Ahy nata ma na pakho aw ei chi ta, Ahy tlu ta ma eina rao aw ei chi?” Mo Pathaihpa ta a tah.

ISAI 43:25

“Kei, keima tlai he, Ei moh vâta na paraonazy a phietuhpa châ na ta, Na moleinazy a thei khao aw va na.

ISAI 44:22

Na paraonazy meihdo hawhta papai ha na ta, Na moleinazy ameih hawhta ei papai haw. Cha chatlai ha na ta, Chavâta kei lâ vaw kua ha mah y.

ISAI 55:7

Moleipa ta a hrozie siesai sala, Sialeipa ta a pachânazy pathleih sala, Abeipa lâ kua heih mawh sy, Abeipa ta a vaw ngiachhie aw; Eima Khazohpa lâ kua heih mawh sy, Khazohpa ta tlokhuh â ngiahthai aw.

ISAI 57:10

Na siena lâpi pasipa vâta, Na tha chhâ kaw hra sala, “Hnabeiseihna rai y vei,” Tah va chi; Thatlôna thiehpa hmô chi ta, Chavâta panao va chi.

ISAI 57:16

Chhâzaw ta a dyuh leipa aw ei na ta, Ei pathi khâ ia aw vei. Chataleipatala thlahpa cha, Ei hmiakô lia tlai ta panao aw ta; Keima tlai ta ei taopa hrona hu chhao, A panao pathlei aw na.

ISAI 62:5

Satlia ta laihsa kôpa a hneipa hawhta, Na sawchapawzy ta cha hnei aw ei ta; Myuhneituhpa ta myuh â lypa hawhta, Na Khazohpa ta a châ ly aw.

ISAI 64:9

Hy Abeipa y, hiehâh ngaitapa ta y leipa la, Eima moleinazy cha, Chhâzaw ta a thei thlâh ha khah y. Ngiachhiepa ta miah moh tua, Eima zydua ta na chyhsa sai eima châ hih.

ISAI 65:19

Zerusale chô liata a ly aw na ta, Ei phopi chô liata ei tha a pha aw. Cha liata chana pyu theipa châ khao leipa aw ta, Nôpopa ta a awhpa pyu chhao theipa châ khao aw vei.

ZEREMIAH 3:12

Sie la, he biezy he maw lâ kaw phuah la, ama hnohta, “‘Hy ngiapâ hnôhsypa Izarei y, Vaw kua ha mah y,’” Abeipa ta a tah. “‘Zawh a ngiah theipa châ na ta, Hiehâhpa ta cha moh khao leipa aw na ta, Chhâzaw ta ei hiehâh aw vei,’” Abeipa ta a tah.

ZEREMIAH 3:5

Chhâzaw ta ma na hie a hâh thlâh ha aw? Achhâna taihta ma na pathi a ia aw?’ na tah vei? Pachâ teh, cha hawhta reih tlôh chi ta, Châhrasala molei thei chaipa hawhta na molei lymâ.”

ZEREMIAH 31:20

Epharai cha ei sawchapaw kho ngaitapa châ ta, Ei saw mopakiapa châ vei ma? A pha leina kyh ei rei tyhpa chhao ta, Khâ ei thei ngâ thlâh ha tyh. Chavâta ei palôh ta ano cha vâ kaw tyh ta, A chô liata zawh ei ngiah tlai aw,” Abeipa ta a tah.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

ZEREMIAH 32:41

Ama phana taopa cha ei lyna châ aw ta, ei palôh nata ei hro zydua ta he râh liata ngâchhihpa ta ei loh aw ei.

ZEREMIAH 33:8

Ei chô liata ama moleina thaileichâna zydua tawhta pathaisa aw ei na ta, ei chô liata ama moleina thaileichâna zydua a ngiahthai aw ei na ta, einâ dyuhna zydua chhao ei kha ei ngiahthai aw ei.

ZEREMIAH 38:8

Ebemele cha abei o tawhta pua ta, abei lâ vawh ta, a hnohta,

ZEREMIAH 50:20

Laibâhpa châta ei pahlôhpazy cha, Ei ngiahthai awpa vâ ei ta, Cha nohzy nata cha daihti liata, Izarei liata paraona tlua aw ei ta, Hmô aw veih ei; Zudâh liata moleina tlua aw ei ta, Hmô aw veih ei,” Abeipa ta a tah.

ZEREMIAH 9:24

Chyhsa ta â palaikhei awpa khiahta cha, He deita he a palaikhei mawh sy: Kei Abeipa he nôphapa châ na ta, Adona nata siana alei chô liata a taotuhpa ei châzie, Novâhpa ta eina pahnona a palaikhei mawh sy. Cha hmozy cha ei lyna châ tlôh ta,” Abeipa ta a tah.

EZEKIA 18:23

Moleipa thina cha ei lyna a châ hlei rai ma? A lâpi a heihsai sala, a hroh awpa cha, ei lyna tlao châ hri vei ma? Abeipa Zehôvâh ta a tah.

EZEKIA 33:11

Ama hnohta hetana heta reih teh: ‘Ei hrona reipa ta ei reih. Moleipa thina liata alyna rai hnei leipa na ta, moleipa ta a hrozie siesaipa ta a hroh awpa cha ei lyna tlao a châ. Nama hrozie pha leipa tawhta kua u la, kua ha teh u. Hy Izarei pathlazy saih u, khazia nama thi aw tly?’ Abeipa Zehôvâh ta a tah.

EZEKIA 33:16

Moleina a vaw tao hapa khâpa hmah a theipa châ khao aw vei. Siana nata adona ta tao ha ta, a hroh tlai aw.

DÂNIAH 9:9

Zawngiahna nata ngiahthaina cha Abeipa eima Khazohpa eih mâh a châ tâh; ano cha a chariah ha hra sih la,

HÔSIA 14:2

Biezy a cheipa ta, Abeipa lâ kua u la, A hnohta hetana heta tah teh u: “Moleina zydua la khai la, Hmo phapa a pyh mah y; Viahchao tôhpa hlâ vyuhpa ta, Eima hmao bietaizy eima cha vaw hlâ.

HÔSIA 14:5

Izarei châta diati hawh châ aw na ta, Ano cha lilipaw hawhta pawh aw ta, Lebanaw tho hawhta thari a thla aw.

ZÔELA 2:32

“Abeipa moh a padopa maih cha, Pachhapa ama châ aw; Abeipa ta a reipa hawhta, Zaio Tlâh nata Zerusale liata laibâhpazy y aw ei ta; Laibâhpazy hry liata, Abeipa ta a awpazy amâ hlao aw.”

AMÔSÂ 1:11

Abeipa ta hetana heta a tah: “Edômâ moleina miathôh vâta, Âh, miaplih vâ chhao rai ta, Hriena chalihsa aw va na; Zaozi ta a unawhpa a chadai ta, Ngiachhiena zydua thy khaipa ta, A hiehâhna ta khâ hriechheih ta, A pathiiana chhâzaw ta â vao thlâh hapa vâta.

AMÔSÂ 7:8

Chatawhcha Abeipa ta ei hnohta, “Amôsâ, khâpa ma na hmô?” na tah ta. Kei ta, “Padona ri,” tah na ta. Abeipa ta hetana heta a tah: “Moh teh, ei phopi Izarei sawzy hry liata padona ri parai na ta, Chapia beih khao aw veih ei na;

AMÔSÂ 8:2

Nopi theilâpa ta a biepa hrâbyh vaw y ta. Abeipa ta, “Amôsâ, khâpa ma na hmô?” na tah ta. Kei ta, “Nopi theilâpa hrâbyh ei hmô,” tah na ta. Chatawhcha Abeipa ta ei hnohta hetana heta tah ta: “Ei phopi Izarei chô liata chhâna noh a vaw tlô haw, Âmo cha chapia beih khao aw veih ei na.”

ZAWNA 4:2

Abeipa lâ thlahchhâ ta, “Hy Abeipa, ei châ haw na. He hmo he ei râh liata ei y thlâh no tawhna khata ei rei hapa châ vei ma? He vâna heta mah a parapa ta Tâsi lâ ei râ pâ ngâ kawpa kha a châ tâh. Nâ cha ngiachhiena nata zawngiahna a hneipa, nônaipa nata kyhpachâna ta a biepa Khazohpa châ chi ta, chhiena patlôsa awpa tawhta a palôh a panano theipa na châ tahpa pahno tlôh na ta.

MIKÂ 2:12

Hy Zakaw y, nama zydua ta cha awpakhy tlai aw ei na ta, Izarei laibâhpazy cha ei pakhy aw; Mietaku o liata mietakuzy hawhta Cha pahmaohpakhy aw ei na ta, Sibiepa su liata mietakuzy hawhta Ei pahmaohpakhy aw ei; Zasâh manôh ama châpa vâta, Kalihpi ama to aw.

MIKÂ 4:7

Pheisypazy cha, Laibâhpazy ta tao aw ei na ta; Thy hapazy chhao, Râh thatlôpa ta ei tao aw ei; Abeipa ta Zaio tlâh liata, Ama chô liata ryu a reih aw; Tahmâ tawhta ama chô liata ryureih aw ta, Chhâzaw ta ryu a reih aw.

MIKÂ 5:3

Chavâta sawzeihpa ta saw a sa hlâlei cha, Abeipa ta âmo cha a heihsai chy aw ta, Cha khai tawhta a unawh laibâhpazy cha, Izarei sawzy lâ ama kua heih aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

ZEPHANIA 3:17

Abeipa na Khazohpa cha na hnohta y ta, Khazoh thatlôpa ta a cha pachha aw. Na chô liata a thapha aw ta, A palôh a tlâh aw; A kyhpachâna ta thlah cha palôh aw ta, Na chô liata â lyna hla a sa aw.’

MALUHREINA 23:21

Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.

LUKA 15:32

Kyhchhi tao ta thapha ngaitapa ta y awpa cha â phuhpa rai a châ. He na nawhta he cha thi ha ta, a vaw hroh ha heih hih. Lei ha ta, eima hmô ha heih hih,’ a tah aw,” tah ta.

LUKA 24:47

ano moh ta rona nata molei ngiahthaina thâtih cha, Zerusale tawhta pathaopa ta, phopi to hnohta chhopa a châ aw.’

RAWMA 11:4

Khazohpa ta kheihta â chhy? “Bâlâ hmiakô liata pakhu paneih beih leipa chyhsa sâh sari kei châta ei pahlôh thlâh haw,” tahpa ta â chhy.

RYHPACHANEINA 33:26

“Hy Zesuruh, Khazohpa hawhpa he ahy hmah y veih ei; Ano cha cha bao awpa ta avâzy chô liata kiah ta, A rônahpa ta avâpi chô a kiahpa a châ.

ZÂMIE 2:13

Zawngiahna a hnei leipa chyhsa cha, pachiana ta ano cha zawh a ngiah hra aw vei. Zawngiahna cha pachiana hlâta a rônah via.

RYUREITUHPAZY 10:16

Chatanachata ama hry liata râh hropa khazohzy thypa ta, Abeipa cha chakao ei ta. Izarei nôpona cha Abeipa ta taokhei ngaita ta.