MIKÂ 7:10 - Mara Bible RV (BSI)

¹⁰ Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

MIKÂ 7:10 ပူးပေါင်းရင်းမြစ်များ

2 SAMUELA 22:43

Alei dohlei hawhta phy padi ei na ta, Khiliah chiatlao hawhta tly ei na ta ei pazao khai ha ei.

HLAZY 109:29

Nâ leihtuhpazy cha nohzaona ta tobipa châ ei sala, Nozana poh a bu mawh ei sy!

HLAZY 115:2

Khazia phopizy ta, “Ama Khazohpa cha khataih liata a y haw?” ama tah aw?

HLAZY 18:42

Thlih ta a phao pahaipa dohlei hawhta phy padi ei na ta, Khiliah chiatlao hawhta ei thiah ha ei.

HLAZY 35:26

Ei chhiena liata a lytuhpazy cha, Maophyuhpa nata hnabeidypa ta y ei sala, Nâ palai thlupazy cha, Hmiachhiena nata nohzaona ta tobipa châ mawh ei sy!

HLAZY 42:10

Ei ruzy zaozi ta chhawhpa pasapa hawhta, Ei khakhaipazy ta na taola ei ta; Noh y ta ei hnohta, “Khataih liata ma na Khazohpa cha a y haw?” ama tah.

HLAZY 42:3

Chyhsazy ta noh y ta, “Na Khazohpa cha khataih liata a y haw?” na tah ei ta; Ei mothlihzy he chhô nah zâ ta ei pati a châ bâ.

HLAZY 58:10

A phuh lapa a châpa a hmô tita, Mosiapa cha a ly aw ta; Moleipazy thisaih liata a phei â si aw.

HLAZY 79:10

Khazia ma phopizy ta, “Ama Khazohpa cha khataih liata a y?” ama tah aw? Châ chakaotuhpazy thisaih phuh miah lapa la, Eima hmiakô lia tlai ta, Phopizy hry liata pahnopa ta y mawh sy!

HLAZY 92:12

Mosiapa cha thiahrâ kô hawhta locho aw ta, Lebanaw sidy tho hawhta a laiseih aw.

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 41:25

Maw lâ tawhta chyhsa pakha pathyu na ta, A vaw tlô haw; Nochhi lâ tawhta ei moh na vaw pado aw ta, Ryureituhpazy cha chiatlao hawhta tlypâ aw ta, Beihvituhpa ta beihlei a tlypa hawhta a tly aw ei.

ZEREMIAH 49:15

Pachâ teh, phopizy hry liata cha panawh aw na ta, Chyhsapazy hry liata mohnaochhihpa ta ei cha tao aw.

ZEREMIAH 51:24

Châhrasala Babylaw khihpi nata Kaldia chyhsazy cha, Zaio chô liata hmo chhiepa ama taopa zydua vâta, Nama mohmô lia tlai ta viari ei thô aw ei,” Abeipa ta a tah.

ZEREMIAH 51:51

‘Chi hropazy vaw tlô ei ta, Abeipa o su pathaihpazy liata amâ ngiapa vâta, Reipachhiena biezy eima thei; Nozapa ta y pi ta, Nohzaona ta eima hmia a khu haw.’

EZEKIA 7:18

Latho poh a bu aw ei ta, chichhihna ta a khu aw ei. Ama zydua hmiachhiepa ta y aw ei ta, ama luh zydua a pôlô khai aw.

DÂNIAH 3:15

Tahmâ chiahmie zy, ramo zy, totâ zy, tlaipih zy, totâ laipa zy, bâzâ nata paropasyu theipa chi to pyu nama theipa nahta, âkhu lâta paopa ta nothlahpa ei taopa namâ chhy khiahta cha a pha. Namâ chhy leipa khiahta deikua cha, patina meihô ru ngaitapa liata thlai thypa nama châ aw. Keima ku tawhta châ pachha thei awpa khazoh ahy ma a y?” tah ta.

ZÔELA 2:17

Abeipa chakaotuhpa theihthaipazy cha, Aikah nata maisâh likawh liata cha ei sala, Hetana heta cha mawh ei sy: “Hy Abeipa, na phopi he pahlôh la, Na ryutozy he pahneiparâsao awpa pasaih leipa la, Phopizy châta pakhona bie châ awpa pasaih khah y. Khazia phopizy hry liata, ‘Ama Khazohpa cha, Khataih liata a y haw?’ Ama tah aw?”

ÔBADIA 1:10

“Na unawhpa Zakaw chô liata thachahra na hmâpa vâta, Nozana ta cha khu aw ta, Chhâzaw ta chhawh pathlahpa na châ aw.

ÔBADIA 1:12

Na unawhpa chhiena â tyh noh kha, Kheihta ma a lypa ta moh thei chi ta, Zudâh pathla raona amâ tyh noh kha, Kheihta ma thaphapa ta na sai thei tly! Ama pachârôhna noh liata, Kheihta ma na pakah a kawh chie thei tly!

MIKÂ 4:11

“Nâma châ dyuh awpa ta, Phopi hluhpi a hmaohpakhy ei ta, ‘Papuapaleipa ta y sala, Eima mozy ta Zaio tawpâ mawh sy,’ ama tah.

MIKÂ 7:8

Hy ei chariahpa y, Na palôh nâ eih khah y; Ei paopa chhao ta, Ei thyu heih aw; Zohna lia ei tyupa chhao ta, Abeipa cha ei khaihna a châ aw.

ZEPHANIA 3:15

Abeipa ta nâma hriena pachhâsa ha ta, Na chariahpazy a pasipathai ha ei. Abeipa, Izarei Beipa cha na hnohta y ta, Hmo pha leipa chi beih khao aw va chi.

ZEKARIA 10:5

Adyuhna liata pasaiphazy hawhta châ aw ei ta, Ama chariahpazy cha, Khiliah chiatlao liata ama tlypâ aw. A dyuh aw ei ta, Abeipa ama hnohta a ypa vâta, Arâ pheisaihzy cha nozapa ta ama soh aw.

MALAKHAI 1:5

Cha cha nama mokhaoh cheingei ta hmô aw ei chi ta, “Abeipa he Izarei râh khô lâ taih chhao ta a rônah tlai na,” nama tah aw.

MALAKHAI 4:3

Cha hmozy ei tao noh liata cha, moleipazy tlypâ aw ei chi ta, nama pheipazah ry liata buchâh hawhta ama châ aw,” Pheisaihzy Abeipa ta a tah.

MATHAI 27:43

Khazohpa ngâ ta, ‘Khazohpa Sawchapawpa ei châ’ a tah mâh tâh. Khazohpa ta a chô liata â ly tlai khiahta cha, tahmâ pachha bao sa,” tah ei ta.

ZAWSUA 7:9

Cha thâtih cha Kâna mo nata a râh liata a pahrâpa zydua ta thei aw ei ta, miah dôh aw ei ta, alei chô tawhta eima moh ama pahlei ha aw he zaw! Chata a châ khiahta cha, na moh rônahpa pabohsa awpa ta kheihta ma na tao khao aw?” tah ta.

BIEPHUAH 18:20

“Hy avâ, ano vâta a ly la, Nâmo, mopathaihpazy, Nâmo, lyuhchâpazy, Nâmo, hrohsopazy, Ano vâta a ly teh u; Khazohpa ta a chô liata Viari a cha thôpa ha ei hih.”