MIKÂ 6:6 - Mara Bible RV (BSI)

⁶ “Khâpa a cheipa ta ma, Abeipa hmiakô lâ vawh aw na ta, Khazoh chônôchaipa hmiakô liata ei bôh aw tly? Raopa hlânazy cheipa ta ma, Viahchaotaw kô khapazy cheipa ta ma, Abeipa hmiakô lâ cha ei vawh aw?

MIKÂ 6:6 ပူးပေါင်းရင်းမြစ်များ

2 SAMUELA 21:3

Dâvi ta Kibiô mo hnohta, “Khâpa ma ei cha taopa aw ei? Abeipa ryuto râh he byhnâ nama awpa thei nawpa ta, kheihta ma chatlaina ei tao aw?” tah ta.

HLAZY 116:12

Ei chô liata a phana zydua vâta, Abeipa cha khâpa ei pie hri aw?

HLAZY 22:29

Lei hneirôhpa zydua ta kyhchhipa ta ano cha a chhy aw ei ta, Dohlei lâta a zu awpa zydua ta a hmiakô liata amâ bôh aw; Anosasyh â pahro thei leipa chhao ta Abeipa cha â chhy aw.

HLAZY 95:2

Alyna bie reipa ta a hmiakô lâ vawh ei sih la, Reithaina hla sapa ta thaphapa ta ano lâ ao papua ei suh u!

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

PUASAINA 12:5

Nama mietakutaw cha seina a hnei leipa, a chapawpa kô khapa a châ awpa châ ta, mietaku hry liatapa tlyma, mie hry liatapa tlyma namâ so thei.

PUASAINA 23:15

Viahchhâ thinô pahlao leipa kyhchhi na tao awpa châ ta, bie ei cha piepa hawhta, noh sari chhôh viahchhâ thinô pahlao leipa na nie awpa a châ. Kyhchhi cha Abi thla daihti raopa liata na tao tyh aw, cha daihti liata Izi râh tawhta na kaw puapa vâta. Ahy hmah ku ruapa ta ei hmiakô liata namâ vaw luah awpa châ vei.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

ISAI 40:16

Maisâh meithu châta Lebanaw thozy ta a khi leipa aw ta, A râhsazy chhao raopa hlâna châta a daih aw vei.

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

EZEKIA 46:9

“Kyhchhi nohzy liata, râh zawpizy ta Abeipa a chhy awpa ta a hmiakô liata amâ vy tita, maw chhikao lâ tawhta a ngiapazy cha, chho chhikao lâ tawhta pua aw ei ta, chho chhikao lâ tawhta a ngiapazy cha, maw chhikao lâ tawhta ama pua aw. Ahy hmahta amâ ngiana chhikao lâ tawhta amâ lie awpa châ leipa ta, chyhsa to ama hmia lâta ama sie lymâ awpa a châ.

DÂNIAH 3:26

Chatawhcha Nebukaneza cha patina meihô chhikao kiapâh lâ vâ hnia ta, awh ta, “Sâdarâka, Mesâka, Abenekô, Khazohpa Chônôchaipa chakaotuhpa saih u, vaw pua u la, he lâ a vy teh u,” tah ta. Sâdarâka, Mesâka nata Abenekô zy cha mei tawhta vaw pua ei ta.

DÂNIAH 4:9

“Hy Beltesâza, moliethaipazy hyutuh chaipa y, khazoh pathaihpazy thlahpa na hnohta y ta, chavâta nâma châta la bienyupa ru tupa y vei, tahpa ei pahno; ei mâ lâta ei hmôpa aluahna nata a chhopasiana na chho teh.

DÂNIAH 5:18

Hy abei y, Khazohpa Chônôchaipa ta na paw Nebukaneza hnohta khinarâh zy, laina zy, rônahna zy, abeina zy pie ta.

DÂNIAH 5:21

Khazohpa Chônôchaipa ta chyhsazy khinarâh chô liata ryureih ta, a khopa maih khinarâh chô liata a pabeisa tyh tahpa a pahno hlâlei cha, chyhsazy hry tawhtapa papuapa ta y ta, râhsa palôh paphaosapa châ ta, râh alâzy hry liata pahrâ ta, viahchaozy hawhta sibiepa pabâsapa châ ta, a pôhpa avâ diati ta padâpa ta a y.

HÔSIA 5:6

Ama mietaku zaw nata ama viahchao hrizy chhaota sie aw ei ta, Abeipa cha ama tlua aw; Châhrasala hmô aw veih ei, Âmo tawhta â chhei haw.

AMÔSÂ 5:22

Raopa hlâna nata niepa hlânazy na hlâ hra u la, A pyh leipa aw na ta; Aryhna hlâna nama sa thawhpazy chhao, Moh aw va na.

MALUHREINA 7:51

raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

MATHAI 19:16

Chyhsa pakha Zisu lâ a vy ta, a hnohta, “Pachutuhpa, chhâzaw hrona ei hnei thei nawpa ta khâpa hmo phapa ma ei tao aw?” tah ta.

MÂKA 12:33

Khazohpa cha pathipalôh tlokhuh ta, pahnona tlokhuh ta nata thatlôna tlokhuh ta kyhpachâpa nata sasyh kyh a pachâpa hawhta vaih kyhpachâpa cha, a pôhpa duata rao khaipa raopa hlânazy nata atheihnazy hlâta pha via syulyupa a châ,” tah ta.

MÂKA 5:7

Ao paro ngaitapa ta awh ta, “Zisu, Khazohpa Chônôchaipa Sawchapawpa, ei chô liata khâpa tao awpa ma nâ chhuah? Khazohpa moh ta ei châ haw na, na taola khah y,” tah ta.

LUKA 10:25

Dâhthaipa pakha a kaw duah ta, Zisu cha pasia a chhuahpa ta a hnohta, “Pachutuhpa, chhâzaw hrona ei hnei nawpa ta khâpa ei tao aw?” tah ta.

ZAWHÂNA 6:26

Zisu ta âmo cha a chhy ta, “Hmeiseihta ta, hmeiseihta ta ei cha chho ei, hmonoâhpazy nama hmôpa vâta nâ tluapa châ leipa ei chi ta, viahchhâ nie ei chi ta, nama py biepa vâta nâ tluapa tlao nama châ.

HMOTAOPAZY 16:17

Cha chanô chata Pawla nata keimo miah zi ta, “He chyhsazy he Chônôchai Khazohpa chakaotuhpazy ama châ, pachhana lâpi ama cha vaw chho hih,” tahpa ta awh ta.

HMOTAOPAZY 16:30

Âmo cha puakhei ta, “Pâpuh saih u, pachha ei châ thei nawpa ta khâpa ei tao aw?” tah ta.

HMOTAOPAZY 2:37

Cha biezy cha ama thei nahta, ama palôh chhô ha ta, Pity nata lyuhchâ hropazy hnohta, “Unawh saih u, khâpa eima tao aw,” tah ei ta.

EPHESI 3:14

Cha vâna chata Paw hmiakô liata pakhu paneihpa ta ei bôh tyh.

HEBRAI 10:11

Theihthaipa maihta chakao awpa ta noh chareih a duah ei ta, moleinazy a siekhei thei leipa atheihna ama hlâ tyhpazy cha, a ualua ta ama hlâ chanei ngâ thlâh ha tyh.

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.