MIKÂ 6:5 - Mara Bible RV (BSI)

⁵ Hy ei phopi, Môabâ bei Bâlâka ta Nama chô liata tao â chhuahpazy kha a thei u la, Beô sawchapawpa Bâlâma ta  chhynazy chhao kha a thei teh u; Siti tawhta Kilkal taihta Hmo tlôpazy kha a thei teh u; Chatanachata Abeipa ta Siana ta hmo a taopazy nama pahno thei aw.”

MIKÂ 6:5 ပူးပေါင်းရင်းမြစ်များ

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 143:11

Hy Abeipa, na moh vâta, Ei hrona he pabohsa la; Na siana vâta ei thlahpa he, Nôpona tawhta papua mah y!

HLAZY 36:10

Châ pahnotuhpazy hnohta na kyhpachâna tleih beih leipa paluahsa lymâ la, Palôh dopazy hnohta na siana paluahsa lymâ mah y!

HLAZY 71:19

Hy Khazohpa, na siana nata na hmo­taotheina ta avâ sâhpazy kaw daih ta, Nâ cha hmo rônahpazy a taotuhpa na châ; Hy Khazohpa, nâ hawhpa he ahy ma a y?

ISAI 1:27

Zaio cha adona ta chatlaipa châ aw ta, A tlâh chyhsa molei ropazy chhao, Siana ta chatlaipa ama châ aw.

MALUHREINA 22:41

A mylâ my ta Bâlâka ta Bâlâma cha a chhi ta, Bâlâ su sâhpazy lâ khykhei ta. Cha su tawhta Izarei zawpi yna su thokha cha hmô theipa châ ta.

MALUHREINA 23:27

Bâlâka ta Bâlâma hnohta, “A vy teh, su hro lâ ei châ chhi aw. Cha su chhâ ta cha Khazohpa palôh patlâh thei ngyu aw ta, cha tawhna chata âmo cha chhie eina sapa thei ngyu aw chi,” tah ta.

MALUHREINA 25:1

Siti liata Izarei a y nota, Izarei sawzy ta Môabâ chanôzy sihryhkhei ei ta.

MALUHREINA 25:2

Chanôzy ta ama khazohzy lâta atheihna hlânazy liata Izarei sawzy cha hrua ei ta. Izarei sawzy ta atheihnazy cha niepa ta, Môabâ khazohzy lâta a bôh ei ta.

MALUHREINA 31:16

Pachâ teh u, âmo kha Bâlâma ryhraona ta Peô liata Izarei sawzy Abeipa chô liata paraona a pataosatuhpazy châ ei ta, âmo vâta Abeipa chyhsazy chô liata potlana a vaw tlôpa kha.

MALUHREINA 31:8

Midia beizy chhao, ama chyhsa thiepazy hry liata thie pâ hra ei ta, Midia bei papangawh, Ivi, Reke, Zuri, Hurâ nata Rebâ nata Beô sawchapawpa Bâlâma chhao zaozi ta ama thie haw.

MALUHREINA 33:49

Zawdâh kiah Bezesimô tawhta Abesiti taihta Môabâ bypi liata riehmozy ama paryh lymâ.

EPHESI 2:11

Chavâta he he a thei thlâh ha teh u. Hlâno ta cha, nâmo, sapa liata Zenitaizy cha chopawtaipazy ta, “Chopawtaileipa” ama cha tah tyh. Chopawtaipa cha pôhpa liata ku ta taopa a châ.

RYHPACHANEINA 16:3

Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.

RYHPACHANEINA 23:6

Ama thlalôh nawpa nata ama hneirôh nawpa ta, nama hro chhôh zydua khati ta hmahta nama pachâkhei awpa ei châ vei.

RYHPACHANEINA 8:18

Abeipa nama Khazohpa cha namâ thei thlâh ha awpa a châ. Ano tlai cha nama hneirôh nawpa ta hmotaotheina châ pietuhpa ei châ ta, tanoh ta namâ tyhpa hawhna heta, châ pathlatuhpazy hnohta bie â taihpa a biehrai a pa-ituhpa a châ.

RYHPACHANEINA 8:2

A biepiepazy nama zyh ma, zyh vei ma tahpa nama palôh pahno nawpa ta, cha panawh ta, cha pasia awpa ta, Abeipa nama Khazohpa ta kô sypalih dua râhchawhpa liata a châ chhipa ei namâ thei thlâh awpa a châ.

RYHPACHANEINA 9:7

“Râhchawhpa liata Abeipa pathi nama pa-iapa kha a thei thlâh ha u la, my beih khuh vy. Izi râh tawhta nama kaw pua noh tawhta, he su nama vaw tlôna taihta, Abeipa a dyuhtuhpazy nama châ.

ZAWSUA 2:1

Nunâ sawchapawpa Zawsua ta mohparutuhpa pano Siti tawhta arulâta tuah ta, ama hnohta, “Sie u la, râh kaw moh u la, a eih pachaipa ta Zerikô khihpi kaw moh muh vy,” tah ta. Mohparutuhpazy cha sie ei ta, Rahâbi ama tahpa âzuahnô o liata a ngia ei ta, cha liata tlô ei ta.

ZAWSUA 3:1

Zawsua cha mydi kari ta thyu ta, Izarei saw zydua chhaota Siti tawhta Zawdâh lâ a pasie ei ta. Chavah ama chaka hlâta cha liata a rie ei ta.

ZAWSUA 4:19

Izarei phopi cha cha thla khana, noh hrawhna noh ta Zawdâh tawhta pua ei ta, Zerikô nochhi râhri Kilkal liata riehmo paryh ei ta.

2 PITY 2:15

Lâpi dopa tleisai ei ta, ama pavia haw. Hmo doleipa taopa tawhta athôhna hmô a tlaichhaipa Beô sawchapawpa Bâlâma lâpi amâ chhih.

1 ZAWHÂNA 1:9

Eima moleinazy palâhâh sih la, reihpha eima chei khiahta cha, eima moleinazy a ngiahthai awpa nata eima sialeina zydua pasia awpa ta, ano cha ngâchhihpa nata a siapa a châ.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

BIEPHUAH 2:14

Châhrasala pasina chyhta ei cha hnei. Nama hry liata chyhsa thokha Bâlâma pachuna khâchâ a patupazy y ei ta. Bâlâma cha Izarei sawzy hmiakô liata achapiana lô so awpa ta Bâlâka a pachutuhpa châ ta, Izarei sawzy cha nothlahpa lâta hlâpa niedozy paniesa ta, apatlana moleina pataosa a chhuahpa kha a châ.

RYUREITUHPAZY 11:25

Nâ he Môabâ abei Zipô sawchapawpa Bâlâka hlâta na pha via hlei ma? Ano kha Izarei a dyuhpa ta, Izarei a siehnao beih ma?

RYUREITUHPAZY 5:11

Libaw katuhpazy pyu hlâta paro viapa ta, Ti yna suzy liata Abeipa hmotao siapa cha phuah aw ei ta, Izarei liata a khihsawzy hmotao siapa kyh ama phuah aw. Chatanachata Abeipa phopi cha, Khihpi thokhy chhikaozy lâ amâ pahri aw.

1 SAMUELA 12:7

Chavâta tahmâ a chalihpa ta a duah u la, Abeipa ta nama chô liata nata châ pathlatuhpazy chô liata siana hmo a tao tyhnazie zy kha, Abeipa hmiakô liata ei châ laichadaikhei aw ei.