MIKÂ 6:4 - Mara Bible RV (BSI)

⁴ Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

MIKÂ 6:4 ပူးပေါင်းရင်းမြစ်များ

2 SAMUELA 7:23

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?

HLAZY 77:20

Mawsi nata Arawna ku ta, Mietaku zaw hawhta na phopi na chhihtha.

PUASAINA 12:51

Chatanachata cha noh lia tlai chata, Abeipa ta Izarei sawzy cha, a py py ta Izi râh tawhta â chhi papua ha ei.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 3:10

Chavâta tahmâ a vy teh, ei phopi Izarei sawzy Izi tawhta a chhi papua awpa ta Phiraoh lâ ei cha tuah aw,” tah ta.

PUASAINA 4:10

Châhrasala Mawsi ta Abeipa hnohta, “Hy ei Beipa, kei la pakah paleih thaipa châ leipa na ta, khahlâ tawhta nata châ chakaotuhpa hnohta bie na reih tawhna chhao heta, kahchôleiâpa nata reikah sôpa châ tlôh na ta,” tah ta.

PUASAINA 4:16

Ano ta nâma vyuhpa ta zawpi lâ bie reih aw ta, nâma châta pakah châ aw ta, nâ cha ano châta Khazohpa hawhta na châ aw.

PUASAINA 6:27

Cha Mawsi nata Arawna cha, Izarei sawzy Izi râh tawhta a chhi papua awpa ta, Izi bei Phiraoh a chhotuhpa ama châ.

ZEREMIAH 32:21

Na phopi Izarei he, ngianazy nata hmonoâhpazy chhaota Izi râh tawhta a chhi papua chi ta, ku thatlôpa nata bâh pazawhpa ta, rarôh y ngaitapa ta a kaw chhi papuapa ta,

AMÔSÂ 2:10

Izi râh tawhta châ kaw chhi ei na ta, Amawri mo râh hnei awpa ta, Râhchawhpa liata kô sypalih chhôh ei cha chhihtha ei.

MALUHREINA 12:1

Miria nata Arawna ta Mawsi cha Kusi zuah lapinô ta a hneipa vâta reipachhie ei ta.

MALUHREINA 33:1

Hezy he Izarei sawzy ta Izi râh ama puasai nota, Mawsi nata Arawna chhihthana ry liata a chhâh chhâh ta nata a py py ta ama siena su mohzy a châ.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

RYHPACHANEINA 15:15

Izi râh liata sei ta y ei chi ta, Abeipa nama Khazohpa ta a cha chatlaipa ei kha namâ thei thlâh awpa a châ. Chavâta he biezy he tanoh ei cha pie ei.

RYHPACHANEINA 24:18

Nâmo chhao Izi râh liata sei ta y ei chi ta, Abeipa nama Khazohpa ta cha su tawhta a cha chatlaipa ei kha namâ thei thlâh ha awpa a châ. Chavâta cha hmo cha tao awpa ta bie ei cha pie ei.

RYHPACHANEINA 4:20

Tanoh nama châna hawhna heta, Abeipa ta a ryuto phopi châ awpa ta, Izi râh tawhta, thua patisana mei tawhta cha la papua ei ta, a châ kaw chhi papuapa ei kha a thei thlâh ha muh vy.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 5:6

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

RYHPACHANEINA 7:8

Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.

RYHPACHANEINA 9:26

Abeipa lâ thlahchhâ na ta, a hnohta, ‘Hy Abeipa Zehôvâh, na rônahna ta na pachhapa, Izi râh tawhta ku thatlôpa ta nâ kaw chhi papuapa na phopi nata na ryutozy he rie pahleipadia khah y.

1 SAMUELA 12:6

Samuela ta Izarei phopi hnohta, “Mawsi nata Arawna a raotuhpa Abeipa nata châ pathlatuhpazy Izi râh tawhta a kaw chhi papuatuhpa ta a cha pahnokhei ei.