MIKÂ 6:16 - Mara Bible RV (BSI)

¹⁶ Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

MIKÂ 6:16 ပူးပေါင်းရင်းမြစ်များ

1 ABEIZY 18:4

Zezebel ta Abeipa hrohsopazy a thie no ei khata, Ôbadia he hrohsopa za kha a chhi ta, lôpu liata sypangawh sypangawh ta nyu ta, viahchhâ nata ti ta a pasatuhpa kha a châ.

1 ABEIZY 9:8

He o he raona a pachona a châ aw. A chapiapa maihta noâhpa ta ama hmaotô chie aw ei ta, ‘Khazia ma Abeipa ta he râh nata he o he, he hawhta a tao ha tly?’ tah aw ei ta,

2 ABEIZY 16:3

Izarei beizy lâpi tlao a chhih hra ta. Abeipa ta Izarei sawzy hmiakô liata a papua hapa phopizy ta hmo pasichhih ngaitapa ama tao tyhpazy tao hrapa ta, a sawchapawpa cha raopa hlâna ta hlâ ta.

2 ABEIZY 21:3

A paw Hezekia ta a parao hapa su sâhpazy paduapathi ta, Izarei bei Ahabâ taozie hawhta, Bâlâ châta maisâhzy padua ta, Aseri tôhzy bô ta, avâ liata a ypa zydua a chhy ta, a chakao ei.

2 THÂTIHZYRONA 22:4

Ahabâ chhôhkha taozie hawhta, Abeipa mohmô liata hmo pha leipa tao ta. A paw a thi tawhta, Ahabâ chhôhkha cha Ahazia ryhraokheituhpazy châ ei ta, raona ama patyhsa hapa a châ.

2 THÂTIHZYRONA 34:25

Na siesai ei ta, khazoh hropazy lâta atheihnazy hlâ ei ta, ama ku ta ama taopa zydua ta ei hie eina pahâh ei. Chavâta he su chô liata ei pathiiana mei lei thlu aw na ta, pachhaipa châ aw vei.

HLAZY 1:1

Hmoparaopazy ryhraona a chhih beih leipa, Moleipazy lâpi liata a duah beih leipa, Chyhsa a mohnao thaipazy dyuchhai liata a tyuh beih leipa, Cha hawhpa chyhsa cha a nohlao na.

HLAZY 44:13

Eima opazy pahneisao awpa ta miah tao chi ta, Eima kiapâh liata a ypazy ta mohnaopa ta, Ama pasipasawh awpa ta miah na tao haw.

HLAZY 44:14

Râhzy liata chhiena lâta rei tyh awpa ta miah tao chi ta, Phopizy luh chahuah chie awpa ta miah na tao haw.

ISAI 25:8

Thina cha tlyzaw ta pahlei aw ta, Abeipa Zehôvâh ta Chyhsa zydua hmia tawhta mothlihzy hru khai aw ta; A phopi nohzaona chhao, Khizaw zydua liata a pachhâsa aw; Cha bie a reihpa cha Abeipa a châ.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ZEREMIAH 19:8

He khihpi he roryhrapa ta paysa aw na ta, hmaotô chie awpa ta ei tao aw. A chapiapa maihta rarôh y tah aw ei ta, a hmah zydua vâta ama hmao ama tô chie aw.

ZEREMIAH 25:18

Tanoh duahmo hawhna heta, roryhrapa nata rypa ta paysapa awpa nata hmaotô chiepa nata chhiesapa ta paysa awpa ta, Zerusale nata Zudâh khihpizy nata a beizy nata beimachâzy;

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 29:18

Zaozi nata chakâhna nata potlana zy ta a chadai aw ei na ta, alei chô liata khinarâh zydua châta rarôh ypa ta tao aw ei na ta, âmo ei to papuana phopi zydua hry liata chhiesapa, chichhihpa, hmaotô chiepa nata reipachhiepa châ awpa ta ei tao aw ei.

ZEREMIAH 51:51

‘Chi hropazy vaw tlô ei ta, Abeipa o su pathaihpazy liata amâ ngiapa vâta, Reipachhiena biezy eima thei; Nozapa ta y pi ta, Nohzaona ta eima hmia a khu haw.’

ZEREMIAH 7:24

Châhrasala zyh khoh leipa ei ta, nah pachôh khoh hra veih ei. Âmo ryhraona nata ama palôh molei kuhchhana liata sie ei ta, hmia tôh leipa ta hnôh tlao amâ sy.

CHAPHÔHTUNA 5:1

Hy Abeipa y, eima chô liata a vaw tlôpa he a thei la, Eima maophyuhna he moh la, hmô mah y!

EZEKIA 39:26

Ahy hmahta âmo cha pachisa khao leipa ta, ama râh liata chhôhmohpa ta ama pahrâ tita, ama nozana nata ei chô liata ama paraona zydua ama my khai ha aw.

DÂNIAH 9:16

Hy Abeipa, ei châ haw na, siana ta na hmotaozie zydua hawhta, na hiehâhna nata na pathiiana cha Zerusale, na tlâh pathaihpa tawhna heta rie pakuasa ha mah y. Keimo moleinazy nata miah pathlatuhzy paraona vâta, Zerusale nata na chyhsazy he eima chheipâh chyhsazy ta ama rei tyh awpa eima vaw châ ha hih.

HÔSIA 12:14

Epharai ta Abeipa cha thata a hie a pahâh haw; Chavâta a thisaih maoh paphaosa aw ta, A reipachhienazy vâta viari a thô aw.

HÔSIA 5:11

Epharai cha hmo puapa tao awpa Khâchâ â chhuah hapa vâta, Tlybaipa ta y ta, Reikheituhpa hnei khao vei.

MIKÂ 2:6

Ama hrohsopazy ta, “Bie chho leipa u la, Cha hawhpa bie cha chho khah u; Chhiena miah vaw tlô thlu aw vei,” Tahpa ta bie ama chho.

MIKÂ 6:13

Chavâta kei chhao ta, A pasa kawpa ta cha tu na ta, Na moleina vâta, Roryhrapa ta ei cha tao haw.

BIEPHUAH 2:20

Châhrasala pasina ei cha hnei, Zezebel ama tahpa, anosasyh ta hrohsonô ta â reihpa chanô na chhyh thaipa vâta. Ano cha sihryh awpa nata nothlahpa atheihna pati nie awpa ta nâ chakaotuhpazy pachu ta, a no leipa lâta a paviasa tyhpa a châ.