MIKÂ 5:6 - Mara Bible RV (BSI)

⁶ Asuria cha zaozi ta parao aw ei ta, Nimraw râh cha â ngiana liata ama parao aw. Asuria cha eima râh lâ a vy sala, Eima râh chhôh liata a phei a vaw tly tita, Ano ta miah a pachha aw.

MIKÂ 5:6 ပူးပေါင်းရင်းမြစ်များ

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

1 THÂTIHZYRONA 1:10

Kusi ta Nimraw sa ta, ano cha alei chô liata chyhsa thatlô riahphapa a y tuapa a châ.

2 THÂTIHZYRONA 33:11

Chavâta Abeipa ta Asuria pheisaih hyutuhpazy vaw tuah ta, Manase cha patu ei ta, a hnari daohpa ta dawh bâlia ta buh ei ta, Babylaw lâ ama siekhei haw.

ZAWBÂ 29:22

Kei ei rei khai tawhta cha reih khao tyh veih ei, Ei biezy ta a pahnie ha tyh ei.

HLAZY 110:3

Hrâ na sie noh ta, Âmo lôhthai ta na phopi châ vaw hlâ aw ei ta; Pathaihna nata rônahna ta a tobipa ta, My diati tlapa hawhta, Na thyutliazy tha thiehpa ta nâ lâ amâ vy aw.

HLAZY 72:6

Abei cha sibie thlyupa chô liata vâsua hawhta châ sala, Alei a baopa khihti hawhta châ mawh sy!

ISAI 14:2

Phopizy ta Izarei pathlazy cha a chhipa ta, ama y nawpa su tlôkhei aw ei ta, Izarei pathlazy ta âmo cha seichapawzy nata seichanôzy ta Abeipa râh liata ama hnei aw. Sei ta âmo a vaw patu tyhpazy kha, Izarei pathlazy ta sei ta patu aw ei ta, âmo a vaw tlybai tyhpazy chô liata ryu ama reih aw.

ISAI 14:25

Asuria cha ei râh lia tlai ta parao aw na ta, Ei tlâhzy liata phei ta ei tlypâ aw; A raopaky cha ei phopi tawhta pahluhpa châ aw ta, A phaohri ama ngiatlâh tawhta pachhôpa a châ aw,” Tahpa ta bie a taih ha ta.

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 37:37

Chatanachata Asuria bei Senâkeri cha pua ta, Ninivâ khihpi lâ a lie ha ta.

ISAI 6:13

Râh liata chyhsa su hrawh su kha a ngua hra ei sala, Roryhrapa ta paysapa a châ heih aw. Châhrasala terebi nata ôkâ thozy thlu nota, Ama chuahmizy pahlôhpa a châpa hawhta, Chipathla pathaihpa cha Izarei thaby châta pahlôhpa a châ aw.”

ZEREMIAH 14:22

Pho hropa khazohzy hry liata, Avâ a pasuasa theipa ama y ma? Avâzy khi ta avâ ama pasuasa thei ma? Hy Abeipa eima Khazohpa, Avâ a pasuasa theipa cha nâ deita châ va chi ma? He hmo zydua he nâma taopa a châpa vâta, Nâma lia deita ta eima hnabeiseihna a y.

NÂHU 2:11

Chakeibarôhneipa lôkhaoh cha, Khataih liata a y? Chakeibarôhneipa lochopazy lao niena su cha, Khataih liata a y? A pachisa awpa y leina Chakeibarôhneipa tawzy yna su, Chakeibarôhneipa tôhpa nata chakeibarôhneipa panô pangaina su cha, Khataih liata a y?

ZEPHANIA 2:13

Maw lâ râh chô liata a ku hy aw ta, Asuria râh a parao aw; Ninivâ khihpi roryhrapa ta tao aw ta, Râhchâwhpa hawhta a chawhkarai aw.

ZEPHANIA 3:12

Nama hry liata nônaipa nata areisipazy deikua cha, Pahlôh aw ei na ta, Abeipa moh cha amâ bohna a châ aw.

LUKA 1:71

Eima chariahzy tawhta pachhapa ta y aw pi ta, Miah a haopazy ku tawhta pachhapa ta eima y aw.

LUKA 1:74

Eima chariahpazy ku tawhta miah a pachha haw.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

RYHPACHANEINA 32:2

Ei pachuna avâ hawhta suah sala, Ei bie diati hawhta tla mawh sy; Si panyupa chô liata avâ di hawhta tla sala, Sihnapa chô liata avâ hawhta suah mawh sy.