MIKÂ 5:4 - Mara Bible RV (BSI)

⁴ Ano cha a duah aw ta, Abeipa thatlôna ta a mietaku zaw a vaih aw; Abeipa a Khazohpa moh rônahna ta A mietaku zaw cha a vaih aw ei. Â bohpa ta y aw ei ta, A rônahna cha, Khizaw kaokih chhâna taihta a tlô aw.

MIKÂ 5:4 ပူးပေါင်းရင်းမြစ်များ

HLAZY 145:12

Chyhsa sawzy hnohta na hmotao rônahpazy pahnosa aw ei ta, Na khinarâh rônahzie nata ngiazie ama pahnosa aw.

HLAZY 22:27

Khizaw kaokih zydua ta a thei aw ei ta, Abeipa lâ amâ heih aw; Râh to liata chi tozy a hmiakô liata amâ bôh aw.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 72:8

Tilaipi tawhta tilaipi taihta biehnei sala, Chavah tawhta alei chhâna taihta biehnei mawh sy!

HLAZY 93:1

Abeipa ta ryureih ta, Abei poh ama pabu; Abeipa cha abei poh pabu ei ta, Thatlôna ta a chai â saih. Khizaw he pa-ipa châ ha ta, A chalyu beih aw vei.

HLAZY 98:3

A kyhpachâna tleih beih leipa nata a ngâchhihna cha, Izarei phopi châta a thei thlâh ha ta; Eima Khazohpa pachhana cha, Khizaw kaokih zydua ta ama hmô haw.

PUASAINA 23:21

Na nah pachôhpa ta, a bie nathlie la, ano cha chakhia khah y. Ei moh ano liata y tlôh ta, chavâta nama paraonazy a ngiahthai aw vei.

ISAI 45:22

“Khizaw kaokih liata a ypa zydua saih u, Kei lâ a vaw heih u la, Pachhapa ta y teh u! Kei he Khazohpa cha châ na ta, Khazoh hropa y veih ei.

ISAI 49:5

Abeipa mohmô liata palyupalihpa ta y na ta, Ei Khazohpa cha ei thatlôna a vaw châ hapa vâta, Ano lâta Zakaw a chhi pakhua heih ta, A hnohta Izarei pahmaoh heihna raihria liata A chakaotuhpa châ awpa ta, Chhi tawhta nâ paduatuhpa, Abeipa ta hetana heta a tah:

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 52:13

Pachâ teh u, nâ chakaotuhpa cha, So kawpa ta hmo a tao aw; Palyupalihpa nata pasâhsapa ta y aw ta, Cheihchalopa ta a y aw.

ISAI 8:7

pachâ teh u, Abeipa ta Ufrâti Chavah hawhta a laipa nata thatlôpa Asuria bei nata a rônahna zydua ama chô liata a palo thlu aw. A kao zydua bie aw ta, a ngiahkâ zydua taihta a bie khai aw.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

MALAKHAI 1:5

Cha cha nama mokhaoh cheingei ta hmô aw ei chi ta, “Abeipa he Izarei râh khô lâ taih chhao ta a rônah tlai na,” nama tah aw.

MATHAI 16:18

Chavâta ei cha chho, nâ cha Pity na châ. He lôpanô chô liana heta ei Awnanopa padua aw na ta, Athihkhih chhikaozy ta pahnie aw vei.

MATHAI 2:6

“‘Nâ, Bethlehe, Zudâh râh liatapa, Zudâh ryureituhpazy hry liata chyh chai cheita aw va chi; Ei phopi Izarei vaih awpa ta, Na chhôh tawhta ryureituhpa a vaw pua awpa vâta,’ tahpa ta a vaw roh,” tah ei ta.

MATHAI 25:31

“Chyhsa Sawchapawpa he a vâlyuhchâpa zydua chhaota rônah ngaitapa ta â zu tita, a rônahna beidyuchhai liata a tyuh aw ta,

LUKA 1:32

Ano cha chyhsa rônahpa châ aw ta, Chônôchaipa Sawchapawpa bipa a châ aw. A pathlatuhpa Dâvi beidyuchhai cha Abeipa Khazohpa ta a hnohta pie aw ta,

ZAWHÂNA 10:38

Paw rai a hriapa ei châ khiahta deikua cha, kei na zo vei hra u la, ei raihriazy chhâ zo teh u. Chatanachata Paw cha keima liata y ta, kei chhao Paw liata ei y tahpa pahno aw ei chi ta, nama no â vâh aw,” tah ta.

ZAWHÂNA 20:17

Zisu ta a hnohta, “Na patu khah y, Paw lâ kiah mâh va na. Ei unawhzy lâ vawh la, ama hnohta, ‘Ei Paw nata nama Paw, ei Khazohpa nata nama Khazohpa lâ ei kiah aw,’ a tah na tahpa ta kei chho mah y,” tah ta.

EPHESI 1:3

Khazohpa nata eima Beipa Zisu Krista Paw cha reithaipa ta y mawh sy. Ano chata avâ suzy liana khita Krista zawhzi ta thlahpa lâ byhnâ to miah pie ta.

1 PITY 1:5

Daihti hnôhchaipa liata palâhâh awpa ta a mâ chiehpa ta a ypa ngiapâna vâta pachhana nama hmô thei nawpa ta, Khazohpa hmotaotheina ta vaipa nama châ.

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

BIEPHUAH 11:15

Chatawhcha vâlyuhchâpa pasarina ta a chiahmie tô ta, “Khizaw khinarâh cha eima Beipa nata a Krista khinarâh a vaw châ haw. Ano ta chhâzaw nata tlyzaw ta ryu a reih aw,” tahpa ta ao paro ngaitapazy avâ liata vaw y ta.