MIKÂ 5:2 - Mara Bible RV (BSI)

² Nâ, Bethlehe Ephrâthâ y, Zudâh phozy hry liata chyh chaipa châ hra la, Nâma tawhta ei châta Izarei ryureituhpa a vaw pua aw. Ano cha hlâno tawhta a y hapa châ ta, Chhâzaw ta a y kôzawpa a châ.

MIKÂ 5:2 ပူးပေါင်းရင်းမြစ်များ

ÂTHAONA 35:16

Bethel tawhta sie ei ta, Epharâ khih ama tlô nawpa â hla kaw chyna su liata Râkheli cha saw a zeih ta, a nawh pi ru ngaita ta.

ÂTHAONA 35:19

Râkheli cha thi ta, Epharâ lâpi liata ama pabu. Epharâ cha Bethlehe a châ.

ÂTHAONA 48:7

Keima kyh liata cha, Pâdâ tawhta ei vaw sie no kha, Râkheli cha lâpi liata Kâna râh liata na thisai ha ta. Epharâ khih tlô nawpa a hla kaw chy ta, chavâta Râkheli cha Epharâ lâpi liata ei pabu. Epharâ cha Bethlehe a châ,” tah ta.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

1 THÂTIHZYRONA 2:54

Salmâ pathlazy cha Bethlehe mo, Netôpha mo, Atôbezôabâ mo, Mânahâ mo khophie nata Zôri mozy ama châ.

1 THÂTIHZYRONA 4:4

Penia ta Kedaw sa ta, Eze ta Husah a sa. Âmo cha Bethlehe paw Ephrâthâ sawchapaw uhtheipa Hurâ pathlazy ama châ.

1 THÂTIHZYRONA 5:2

Zudâh cha a unawhzy hry liata thatlô chaipa châ ta, ryureituhpa chhao ano tawhta pua ta, châhrasala sawchapaw uhtheipa tovyuh deikua cha Zawsi eih a châ.

HLAZY 132:6

Cha bie cha Ephrâthâ liata thei pi ta, Ziari lyuzy liata eima hmô.

HLAZY 90:2

Tlâhpizy ama y hlâta y ha chi ta, Leilô nata khizaw zy na padua hlâ chhao ta na y haw; Chhâzaw nata tlyzaw ta Khazohpa na châ.

PUASAINA 18:21

Cha thota, chyhsa hmâ tlâhpa, Khazohpa a chipa, ngâchhihpa nata avyuhna a haopa chyhsazy zawpi hry tawhta a tlyh aw chi ta, âmo cha sâh kha chô liata hyutuhpa ta zy, za kha chô liata hyutuhpa ta zy, sypangawh chô liata hyutuhpa ta zy, pahrawh chô liata hyutuhpazy ta na rao aw ei.

PUASAINA 18:25

Mawsi ta Izarei saw zydua hry tawhta hmâ tlâhpa chyhsazy a tlyh ta, âmo cha Izarei phopi hyutuhpazy ta tao ta, a sâh chô liata hyutuhpa ta zy, a za chô liata hyutuhpa ta zy, sypangawh chô liata hyutuhpa ta zy nata pahrawh chô liata hyutuhpa zy ta a rao ei.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 53:2

Ano cha tho daw hawhta Abeipa hmiakô liata laiseih ta, Alei hipa liata tho thari hawhta a laiseih. Mo khoh kaw awpa pizie phana hnei leipa ta, Chhithaina hnei vei; Eima tlaichhai kaw awpa Angiana hnei hra vei.

ISAI 55:4

Ano cha phopizy châta pahnokheituhpa ta rao na ta, Phopizy chhituhpa nata hyutuhpa ta ei rao.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ZEREMIAH 30:21

Ama chhituhpa cha, Âmo chyhsa tlai châ aw ta; Ama ryureituhpa chhao, Âmo hry tawhta a vaw pua aw; Âmo rei ta nâ hnia ngâh awpa ama y leipa vâta, Nâ hnia awpa ta ano cha tao aw na ta, Eina vaw pangai aw.

HÔSIA 6:3

Abeipa pahnona chadai sih la, Ano cha pahno lymâ suh u; Khihdei awpa a siapa hawhta, Ano chhao â vaw luah tlai aw. Vâsua hawhta keimo lâ a vy aw ta, Châhvâ vâsua ta chhaohlei a padâpa hawhta â vy aw.”

AMÔSÂ 9:11

“Cha noh liata, Dâvi byureih a pao hapa cha, Ei pathyu aw; Apyupazy pamai aw na ta, Araopazy ei padua aw; Hlâno tahpa hawhna khata, Ei paduapathi heih aw.

MIKÂ 4:10

Hy Zaio sawchanô y, Chanô sawzeihpa hawhta, A taikalô la a rôh teh; Khihpi tawhta pua aw chi ta, Lyurâhpa liata na pahrâ aw; Babylaw lâ sie aw chi ta, Cha liata pachhapa na châ aw; Cha liata na chariahpazy ku tawhta Abeipa ta a cha chatlai aw.

ZEKARIA 13:7

“Hy Zaozi, a hra teh; Ei mietaku vaituhpazy a dyuh la, Nâ chakaotuhpa a dyuh teh,” Pheisaihzy Abeipa ta a tah. “Mietaku vaituhpa tu la, Mietakuzy pai aw ei ta, Mietakutawzy chô liata ei ku ei pazawh aw.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

MATHAI 2:1

Herawda â bei nota Zudia râh Bethlehe khih liata Zisu a vaw pi nahta, nochhi chyhsa sopazy Zerusale lâ a vy ei ta,

MATHAI 2:6

“‘Nâ, Bethlehe, Zudâh râh liatapa, Zudâh ryureituhpazy hry liata chyh chai cheita aw va chi; Ei phopi Izarei vaih awpa ta, Na chhôh tawhta ryureituhpa a vaw pua awpa vâta,’ tahpa ta a vaw roh,” tah ei ta.

MATHAI 28:18

Zisu cha âmo lâ a vy ta, ama hnohta, “Avâ nata alei liata biehneina zydua ei hnohta piepa a châ haw.

LUKA 23:2

“He chyhsa heta eima phopi pasiesa chheipa ta, Kaisarâ lâ chhie pie awpa miah pakhâ ta, anosasyh ta Mesia â tahpa nata abeipa â tahpa eima thei,” tahpa ta leih ei ta.

LUKA 23:38

A luh chô liata Krikâh reih, Rawma reih nata Hebrai reihzy ta, “He he Zuzy Beipa a châ,” tahpa ta tawh ei ta.

ZAWHÂNA 7:42

Mesia cha Dâvi pathla hry tawhta, Dâvi yna khih Bethlehe tawhta a vaw pua awpa a châ, tahpa ta Biehrai ta reih vei ma?” tah ei ta.

RYHPACHANEINA 1:15

Chatanachata nama chi to tawhta chyhsa sopa nata novâhna ta a biepa hyutuhpazy a chhi ei na ta, nama chô liata hyutuhpazy ta ei tao ei. A sâh chô liata hyutuhpazy, a za chô liata hyutuhpazy, sypangawh chô liata hyutuhpazy, pahrawh chô liata hyutuhpazy nata nama chi chhituhpazy ta ei tao ei.

KAOLAOSÂ 1:17

Ano cha ato y hlâta a ypa châ ta, ano liata ato â syhpahmaoh khai.

HEBRAI 13:8

Zisu Krista cha zâhia nata tanoh nata chhâzaw ta a ualua ta a y thlâhpa a châ.

HEBRAI 7:14

Eima Beipa cha Zudâh chi tawhta a vaw puapa a châzie pahnopasiapa châ ta, cha chi nata a zaopa ta Mawsi ta theihthaipazy kyh khâpa hmah reih vei.

1 ZAWHÂNA 1:1

Hrona bie, âthaona liata a ypa, eima nah ta thei pi ta, eima mo ta eima hmôpa, moh thlâh ha pi ta, eima ku ta eima hriapa thâtih cha he he a châ.

BIEPHUAH 19:16

A poh liata nata a byhpi liata, “Beizy Beipa nata hyutuhpazy Hyutuhpa,” tahpa moh ropa a hnei.

BIEPHUAH 2:8

“Smynâ Awnanopa vâlyuhchâpa hnohta hetana heta roh teh: ‘Âthaona nata achhâna, thi ha ta, a vaw hroh heihpa khata he biezy he a reih.

BIEPHUAH 21:6

Chatawhcha ei hnohta, “A ngoh haw! Kei he Alphâ nata Ômekâ châ na ta, âthaona nata achhâna ei châ. Dâhphipa hnohta hrona tihnawh tawhta ti a saipa ta ei pie aw.

RYUREITUHPAZY 17:7

Zudâh râh Bethlehe khih liata Zudâh satlia pakha y ta, ano he Livai chi châ ta, Epharai tlâh râh lâ khitlyh ta.

RUTHI 1:1

Ryureituhpazy ta ryu ama reina daihtizy liata, Izarei râh liata chakâhna vaw tlô ta. Zudâh râh Bethlehe chyhsa pakha cha, a lapinô nata a sawchapaw panopazy chhaota Môabâ râh liata pahrâ chy awpa ta sie ta.

RUTHI 4:11

Khihpi hawka liata zawpi zydua nata machâzy ta, “Pahnokheituhpazy eima châ. Na o liata chanô a vaw ngiapa cha, Izarei phopi hmaohkha ta a paduapa Râkheli nata Liah hawhna khata Abeipa ta tao mawh sy. Ephrâthâ liata na nohâh y sala, Bethlehe liata na moh pathâh mawh sy.

1 SAMUELA 10:19

Châhrasala tanoh he nama chhiena nata nôpona zydua tawhta châ pachhatuhpa, nama Khazohpa cha khoh leipa ei chi ta, a hnohta, ‘Châ vei, eima chô liata bei miah paduapa teh,’ nama tah. Chavâta tahmâ a chi chi nata a pho pho ta Abeipa hmiakô liata a vaw luah teh u,” tah ta.

1 SAMUELA 17:12

Dâvi cha Zese sawchapawpa châ ta, Zese cha Zudâh râh Bethlehe liata Ephrâthâ chyhsa kha a châ. Zese cha sawchapaw pacharie hnei ta, Sawla â bei daihti liata cha, pawpipa kô uhthei kawpa châ ha ta.

1 SAMUELA 17:18

Sâhpiti kuapa tlo hrawh he, ama py liata pheisaih sâh kha hyutuhpa na phaopa aw. Na uhtazy cha ama pha ma tahpa kei hiahri la, ama thâtih na vaw tlôkhei aw,” tah ta.

1 SAMUELA 23:23

Chavâta chyhsa â nyukhâhna su zydua pahno a chhuah u la, keima lâ a vy heih u la, bie siapa na vaw chho aw ei chi ta, nama hnohta ei vaw sie hra aw. He râh liata a y tlai khiahta cha, Zudâh chyhsa sâh hluhpi hry tawhta tluapapua aw na ta, ei hmô thlyu aw,” tah ta.

1 SAMUELA 8:12

Âmo cha a pheisaih sâh kha hyutuhpa nata sypangawh hyutuhpazy ta rao aw ta, thokhazy cha ano châta lei palietuhpa châta zy, a sâh hriatuhpa châta zy, a chariah chhaichhi taotuhpa châta nata a talailih chhaichhi taotuhpa châta zy a rao aw ei.