MIKÂ 5:10 - Mara Bible RV (BSI)

¹⁰ Abeipa ta hetana heta a tah: “Cha noh liata, Na arâzy nâ tawhta chhawh pathlah aw na ta, Na talailihzy ei parao aw.

MIKÂ 5:10 ပူးပေါင်းရင်းမြစ်များ

ISAI 2:7

Ama râh cha tâkâ nata ngôh ta bie ta, Ama sôh nata thihzy chhâ tiah vei; Ama râh cha arâzy ta bie ta, Ama talailihzy chhâ tiah vei.

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

HÂKAI 2:22

Khinarâh beidyuchhaizy thy pathlah aw na ta, phopi to khinarâh thatlônazy ei parao khai aw. Arâ talailih nata a chô liata a kiahpazy papao aw ei na ta, arâ nata a kiahtuhpazy cha ama unawhpa zaozi ta ama pao aw.

ZEKARIA 9:10

Epharai tawhta talailih chhawh pathlah aw na ta, Zerusale tawhta adyuhna arâ ei chhawh pathlah aw; Adyuhna libaw thlie pachhôpa châ aw ta, Phopizy hnohta adyhna bie a phuah aw; A ryureina cha tilaipi tawhta tilaipi taihta châ aw ta, Chavah tawhta khizaw kaokih chhâna taihta a châ aw.

RYHPACHANEINA 17:16

Bei cha arâzy deikua a hluhpi a hnei awpa châ leipa ta, arâ hluhpi hnei thei nawpa ta Izi râh lâ chyhsa a tuah awpa châ vei. Abeipa ta, ‘Tahmâ tawhta cha, cha lâpi lâ nama kua beih khao awpa châ vei,’ cha tah ha tlôh ei ta.