MIKÂ 5:1 - Mara Bible RV (BSI)

¹ Hy pheisaihzy sawchanô y, Na pheisaihzy pahmaohpakhy teh; Miah dôh ei ta, Izarei ryureituhpa baih liata Chôchahrei ta ama tu hih.

MIKÂ 5:1 ပူးပေါင်းရင်းမြစ်များ

ÂTHAONA 35:19

Râkheli cha thi ta, Epharâ lâpi liata ama pabu. Epharâ cha Bethlehe a châ.

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

1 ABEIZY 22:24

Cha khaipa nahta, Kenânâ sawchapawpa Zedekia ta a vaw hnia ta, Mikai baih liata vaw chabaih ta, a hnohta, “Kheihta ma Abeipa Thlahpa cha kei tawhta puapa ta, na hnohta bie a reih thai aw?” tah ta.

2 ABEIZY 24:2

Abeipa ta Kaldia pheisaihzy, Aramia pheisaihzy, Môabâ pheisaihzy nata Amawna pheisaihzy cha Zehôki a dyuh awpa ta tuah ta. Abeipa ta a chakaotuhpa hrohsopazy hmâpa ta a vaw rei hapa Abeipa bie hawhta, Zudâh siehnao ta parao awpa ta a tuapa ei a châ.

ZAWBÂ 16:10

Ama pakah na pakawh chiepa ta, Sâlâ kawpa ta ei baih na chabaih ei ta, A paraoh ei ta eina tei ei.

BIESOZY 8:23

Tlyzaw ta a ypa châ na ta, Leilô y hlâta taopa châ na ta, Tao tuachaipa ei châ.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 8:9

Phopizy saih u, paraopa ta y u la, Pakeichheihpa ta y teh u. Râh hlapa zydua saih u, Nama nah pachôh teh u; Chariah chhaichhi a tao u la, Pakeichheih khaipa ta y teh u; Chariah chhaichhi a tao u la, Pakeichheih khaipa ta y teh u.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

CHAPHÔHTUNA 3:30

A baih a chabaihtuhpa châta a baih dao sala, Reipachhiena ta bie mawh sy.

EZEKIA 21:32

Mei liata tipa châ aw chi ta, alei liata na thisaih loh aw ta, a thei thlâh hapa châ khao aw va chi, kei Abeipa ta ei reih haw,’ tah mah y,” tah ta.

EZEKIA 24:2

“Chyhsa sawchapawpa y, he noh, tanoh tlai he khâpa noh ma a châ tahpa roh teh. He noh he Babylaw bei ta Zerusale a vaw siehnaona noh a châ.

DÂNIAH 9:25

Chavâta he he pahno la, na novâh mawh sy. Zerusale padua pathi awpa nata sa pathi awpa ta bie a pua tawhta Mesia Bei â vyna taihta hâta ei sari a châ aw. Hâta ei sycharu nata ei no chhôh tlyliah nata khaohtlôzy taopathipa châ aw ta, châhrasala he chhôh he daihti rairuna a châ aw.

ZÔELA 3:9

Phopizy hry liata he he phuah teh u: Adyuhna a chhuanoh u la, Pasaiphazy pathyu teh u. Pheisaih zydua a vaw hnia ei sala, A khy mawh ei sy.

AMÔSÂ 2:3

Ryureituhpa cha ano tawhta chhawh pathlah aw na ta, A beimachâ zydua chhao a hnohta ei thie khai aw ei,” Abeipa ta a tah.

HABAKU 1:6

Moh teh u, Kaldia mo ei padua hai ei hih; Âmo cha phopi nôchhiepa châ ei ta, Phopi chahraochatôhpa ama châ; Alei doh nata hâ chahryh ei ta, Chyhsa râhzy a chhu laihpa phopi ama châ.

HABAKU 3:16

Ei thei nahta ei châh-ao a chalyu ta, A pyu ta ei hmao a chathosa; Ei ruzy hmy ta, Ei pheizy â chalyu. Chatahrasala miah a siehnaopa phopi chô liata Nôpona noh a vaw tlô awpa cha ei hâ hualua. Hla chhituhpa châta: Pyungiapa ri chhaopa ta sa awpa

MATHAI 26:67

A hmia liata ama pachih ta pachhao ei ta, tu ei ta, thokha ta chabaih ei ta,

MATHAI 27:30

Ama pachih ta pachhao ei ta, lohthi cha la ei ta, a luh liata tu ei ta.

MATHAI 5:39

Kei deikua ta cha ei cha chho ei, moleipa a dyuh khah u. Chyhsa ta na baih chachâh lâ a cha chabaih khiahta cha, hiakha lâ chhao dao mah y.

ZAWHÂNA 18:22

Cha bie cha a rei khai nahta, a kiapâh liata a duahpa hyutuhpa pakha ta Zisu cha chabaih ta, “Kha hawhta ma theihthai beichaipa nâ chhy?” tah ta.

ZAWHÂNA 19:3

A kiapâh lâ a vy ei ta, “Zuzy Beipa, eimâ châ naoh na!” tah ei ta, chabaih ei ta.

HMOTAOPAZY 23:2

Theihthai beichaipa Anania ta Pawla kiapâh liata a duahpazy hnohta a pakah liata chabaih awpa ta biepie ta.

2 KAWRINI 11:20

Chyhsa ta sei ta cha tao ei sala, cha nie khai ha ei sala, cha tlybai ei sala, âmo hmia a pasah ei sala, nama hmia liata cha chabaih ei sala, nâmo la nama chhyh thei.

RYHPACHANEINA 28:49

“Abeipa ta nâmo châ dyuh awpa ta, khizaw chhâna lâhlapi tawhta phopi miakha pahmôhpi a pathlôpa hawhta vaw tuah aw ta, cha phopi cha a reih nama thei leipa,

RYHPACHANEINA 33:27

Tlyzaw Khazohpa cha na pahrâna châ ta, A ry lâta chhâzaw bâhzy a y; Na hmiakô tawhta chariahpa papua ta, ‘Pahleipadia teh u,’ a tahtuhpa a châ.

RYUREITUHPAZY 17:7

Zudâh râh Bethlehe khih liata Zudâh satlia pakha y ta, ano he Livai chi châ ta, Epharai tlâh râh lâ khitlyh ta.