MIKÂ 4:9 - Mara Bible RV (BSI)

⁹ “Khazia aoh tlili ta na cha? Abei hnei va chi ma? Ryh châ raokheituhpa a leidia ha ma? Chanô sawzeih pasapa hawhta ma, Pasana ta a cha patu haw?

MIKÂ 4:9 ပူးပေါင်းရင်းမြစ်များ

ISAI 13:8

Chipa ta y aw ei ta, Pasana nata rietheitaona ta âmo cha a patu aw; Chanô saw a zeihpa hawhta, Pachârôh ngaitapa ta ama y aw. Thlazoh pachârôhpa ta a moh raihrie aw ei ta, Ama hmiazy meipaleih hawhta a saih aw.

ISAI 21:3

Chavâta ei chai nata ei zôhzy pasana ta bie ta, Chanô sawzeihpa pasana hawhpa Pasa­na ta eina patu haw. Pasa ei tao tupa vâta, Ei nah ta thei thei khao leipa ta; Ei pachârôh tupa vâta, Ei mo ta hmô thei khao vei.

ISAI 26:17

Chanô saw phaohpa nawh hnei chy ta, Sawzeih pasapa ta a taikalô ta, A awhsâhpa hawhta, Hy Abeipa, keimo chhao, Nâma vâta sawzeih pasa eima tao.

ZEREMIAH 22:23

Hy Lebanaw râh liata pahrâ chi ta, Sidy tho hry liata bu a tupa y, Pasana na chô liata vaw tlô aw ta, Chanô sawzeihpa hawhta pasana ta a cha vaw tlô thlu tita, Ngiachhie nâ chhih awpazie rimâ cha!”

ZEREMIAH 30:10

“Chavâta Hy nâ chakaotuhpa Zakaw y, chi leipa la, Hy Izarei y, ngiarohpa ta y khah y,” Abeipa ta a tah. “Pachâ teh, lâhlapi tawhta cha pachha aw na ta, Na pathlazy ama seichâna râh tawhta ei pachha aw ei. Zakaw cha kua heihpa ta sidiapa nata chhôhmohpa ta y aw ta, Ahy ta hmahta pachisa khao aw veih ei.

ZEREMIAH 4:21

Khati taih ma ngiana poh chaluahpa hmô aw na ta, Chiahmie pyu ei thei aw tly?

ZEREMIAH 4:31

Chanô sawzeihpa chana ao thei na ta, Saw tuapa a sa ngâpa pasataona ao ei thei. Zaio sawchanô ta hu chhâpa ta a kuzy pazawh ta, “Ei hu a po kaw dia! Lianycheihtuhpazy hmiakô liata ei panao haw,” Tahpa ta a chapa pyu ei thei.

ZEREMIAH 48:41

Keriô khihpi cha pahniepa châ aw ta, A thokhyzy lapa a châ aw. Cha noh liata, Môabâ pasaiphazy palôh cha, Chanô sawzeihpa palôh hawhta a châ aw.

ZEREMIAH 50:43

“Babylaw bei cha ama thâtih a thei nahta, A bâhtha a tlo khai haw; Nôpona ta patu ta, Chanô sawzeih pasapa tlu ta pasana ta a patu haw.

ZEREMIAH 8:19

Râh do nata hâ liata, Ei phopi zuah chana ao he nathlie tua u: “Zaio liata Abeipa y vei ma? A chhôh liata ano Bei y vei ma?” “Khazia ama nothlahpa taopazy ta ei hie na pahâh ei ta, Chihropa khazoh nothlahpazy ta ei hie eina pahâh ei?”

CHAPHÔHTUNA 4:20

Eima hnapasu liata husona Abeipa sathawthupa cha, Ama khaohtlôzy liata patu ha ei ta; “A nohdi ry liata phopizy hry liata eima pahrâ aw,” Eima tah tyhpa chyhsa cha ama patu haw.

HÔSIA 10:3

Chatawhcha âmo ta, “Abeipa eima chi leipa vâta, Bei hnei ma pi; Bei cha a hneipa rai châ sih la, Khâpa ma miah a taopa thei aw?” ama tah aw.

HÔSIA 13:13

Chanô sawzeih pasana ta tlô thlu ta, Châhrasala sawchapaw so leipa a châ; A daihti vaw tlô ta a vaw luah leipa ta, Chhi â pahypa lâ a vy vei.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

MIKÂ 5:3

Chavâta sawzeihpa ta saw a sa hlâlei cha, Abeipa ta âmo cha a heihsai chy aw ta, Cha khai tawhta a unawh laibâhpazy cha, Izarei sawzy lâ ama kua heih aw.

ZAWHÂNA 16:21

Chanô cha nawh â zeih nota a pachâ a rôh tyh, a daihti a tlô hapa vâta. Châhrasala nawh a pih nahta, khizaw liata chyhsa a vaw pihpa cha â ly kawpa vâta, a pachârôhna a thei khao vei.

BIEPHUAH 12:2

Chanô cha saw phaoh ta, saw zeih pasapa nata saw sa riethei taopa vâta thata cha ta.