MIKÂ 4:5 - Mara Bible RV (BSI)

⁵ Phopi to ama khazoh moh chyu ta charei ei ta, Keimo deikua cha, Abeipa eima Khazohpa moh ta, Chhâzaw nata tlyzaw ta eima charei aw.

MIKÂ 4:5 ပူးပေါင်းရင်းမြစ်များ

ÂTHAONA 17:1

Abarâ cha kô sychaki nata kô chaki a châ nahta, a hnohta Abeipa a vaw luah ta. Abeipa ta Abarâ hnohta, “Kei he Khazohpa Atotaotheipa ei châ. Ei hmiakô liata y la, seina rai hnei leipa ta y mah y.

2 ABEIZY 17:29

Châhrasala phopi to ta ama khazoh chyu a tao pyly ei ta, Samâri chyhsazy ta su sâhpazy liata achhyna su ama taopazy liata soh ei ta, cha hawhna chata phopi to ta ama pahrâna khihpizy liata tao ei ta.

2 ABEIZY 17:34

Ama taozietyhpa hawhta tanoh taihta ama tao lymâ. Abeipa chi leipa ei ta, Abeipa ta Izarei tahpa ta a bipa Zakaw pathlazy hnohta a piepa bieraopazy, pachianazy, ryhpazy nata biepiepazy zyh khoh veih ei.

HLAZY 20:6

Tahmâ Abeipa ta a sathawthupa a pachha tahpa ei pahno haw; A vâ pathaihpa tawhta a zâ chhy aw ta, A ku chachâh lâta pachhana thatlôna ta a zâ chhy aw.

HLAZY 48:14

Ano cha Khazohpa cha châ ta, Chhâzaw nata tlyzaw ta eima Khazohpa a châ; Thina khô lâ taihta miah a chhihtha aw.

HLAZY 71:16

Hy Abeipa Zehôvâh, Na hmotao rônahpa reithaipa ta a vy aw na ta, Na siana ei phuah aw, Nâma siana tlai cha ei phuah aw.

ISAI 2:5

Hy Zakaw pathlazy saih u, a vy u la, Abeipa khaihna liata charei ei suh u.

ISAI 26:13

Hy Abeipa eima Khazohpa, Nâ deita eima chô liata ryureih leipa chi ta, Bei hropazy chhao ta ryu ama reih tyh; Châhrasala nâma moh deita eimâ thei tyh.

ISAI 26:8

Hy Abeipa, na lâpi dopa liata cha hâ pi ta, Na moh nata na mohphana zy he, Eima hro ta a tlaichhaipazy cha a châ.

ZEREMIAH 32:40

Ama hnohta tlyzaw biehrai tao aw na ta, ama chô liata hmo pha taopa a heihsai khao aw va na. Ama palôh liata keima china soh aw na ta, nâ heihsai khao aw veih ei.

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

HMOTAOPAZY 14:16

Hlâno daihtizy liata cha, phopi to âmo lâpi chyu a chhih awpa ta Khazohpa ta pasaih ta.

RYHPACHANEINA 27:10

Chavâta Abeipa nama Khazohpa bie nama zyh awpa châ ta, tanoh ta eima cha piepa a bieraopazy nata a biepiepazy he nama zyh awpa a châ,” tah ei ta.

KAOLAOSÂ 2:6

Chavâta Krista Zisu Abeipa namâ pyh ha tawhta cha, ano liata y u la,

KAOLAOSÂ 3:17

Nama taopa maih, biereipa rai châ sala, hmotaopa rai châ sala, Abeipa Zisu moh ta ato tao u la, ano zawhzi ta Paw Khazohpa hnohta alyna bie reih tyh muh vy.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.