MIKÂ 4:13 - Mara Bible RV (BSI)

¹³ Hy Zaio sawchanô y, Thyu la, sâh tly teh; Thua ta na ki tao aw na ta, Dawh ta na chakiezy ei tao aw; Chatanachata phopi hluhpizy cha, Na pakeichheih aw ei. Ama sâhzy Abeipa lâ hlâ aw chi ta, Ama sôhzy khizaw zydua Abeipa lâ na hlâ aw.”

MIKÂ 4:13 ပူးပေါင်းရင်းမြစ်များ

HLAZY 24:1

Alei nata a chhôh liata a ypa zydua he Abeipa eih châ ta, Khizaw nata a chhôh liata a pahrâpa zydua chhao Abeipa eih a châ.

HLAZY 68:29

Zerusale liata nâma Achhyna o vâta, Beizy ta kuhriazy ama cha vaw cheipa aw.

HLAZY 72:10

Tâsi nata liahpahlô beizy ta ano lâ râhpaw pie ei sala, Sebâ nata Sibâ beizy ta kuhriazy pie mawh ei sy!

ISAI 18:7

Cha daihti liata, Phopi doh sâhpa nata mitlaohpa, Lâhnia lâhla ta ama chipa phopi, Râh thatlôpa nata pahnietuhpa, Chavahzy ta ama râh a pachhaihpa tawhta, Pheisaihzy Abeipa lâ kuhria vaw cheih aw ei ta, Pheisaihzy Abeipa moh yna su, Zaio Tlâh lâ kuhria ama vaw cheih aw.

ISAI 21:10

Hy sawhri sâh, ei sâh chakhy chiehpa y, Pheisaihzy Abeipa tawhta ei theipa cha chho na ta, Izarei Khazohpa tawhta ei theipa ei cha chho.

ISAI 23:18

Châhrasala sôhpaliena tawhta â thôhna nata a hlaozy cha Abeipa châta hmo pathaihpa a châ aw. Cha sôhzy cha pachôpa tlyma, pasopa tlyma châ aw vei. A sôhzy cha ABEI­PA hmiakô liata a pahrâpazy ta lôhrâtlôpa ta ama niedo thei nawpa nata chyhsa phapazy amâ tobi thei nawpa châta hmâpa a châ aw.

ISAI 5:28

Ama châtaizy tiah kaw ta, Ama libaw zydua a kei chiehpa ta y ta, Ama arâ chakiezy cha pachielô lyu ta, Ama talailih tiakizy cha khisô a lyu.

ZEREMIAH 51:20

“Hy Babylaw, nâ cha ei chariah tuna ahrei châ chi ta, Ei adyuhna chaihrai na châ; Nâma hmâpa ta phopizy chaphie ei na ta, Nâma hmâpa ta khinarâhzy ei pahleipadia ha ei.

ZEREMIAH 51:33

Pheisaihzy Abeipa, Izarei Khazohpa ta hetana heta a tah: “Babylaw sawchanô cha, Sâh tly nota sawhri hawhta a châ; Bohpi leipa ta a sâh hria daihti a vaw tlô aw.”

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

HÔSIA 10:11

Epharai cha viahchao zeinô hrie chiehpa châ ta, Sâh tly a khoh kaw tyh. A rao ngyuhpa liata raopaky paky aw na ta, Epharai ta a haoh aw; Zudâh ta alei palie aw ta, Zakaw ta alei tlo a padi aw.

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

HABAKU 3:12

Pathi iapa ta khizaw chahryh chi ta, Hiehâhpa ta phopizy na tlysao ei.

ZEKARIA 12:3

Cha noh liata, Zerusale cha khizaw phopi zydua châta alô a hri ngaitapa ta tao aw na ta, a chalopa maih cha âmosasyh ta hmah amâ paphao lymâ aw. Chatawhcha khizaw râh zydua a paraoh aw ei ta, ano cha amâ dyuh aw.

ZEKARIA 12:6

“Cha noh liata, Zudâh chhituhpazy cha thoiah hry liata meithu a kâ ngâpa hawhta tao aw ei na ta, sapiahzy hry liata meirei hawhta ei tao aw ei. Chavei chachâh ta âmo a dôhpa phopizy cha kâ patlô khai aw ei ta, Zerusale cha a su liata, Zerusale lia tlai ta, â duah lymâ aw.

ZEKARIA 4:14

“Hezy he khizaw zydua liata Abeipa a chakao awpa sathawthupa panozy ama châ,” tahpa ta na chho ta.

ZEKARIA 6:5

Vâlyuhchâpa ta, “Kha talailihzy kha, khizaw zydua Bei hmiakô liata amâ lâ khai tawhta, avâ thlih miapalihpazy lâta a siepazy ama châ.

1 KAWRINI 16:2

Ei vy tita thyuna khei chhyhpa a châ lei nawpa ta, hâta noh hmiatuapa lia maihta, chyhsa to byhnâ nama topa lymâ hawhta thyuna sohpakhypa ta nama pachô lymâ aw.

RYHPACHANEINA 33:25

Na thokhy chhikao hrainazy cha, Thua nata dawh châ sala; Na hro chhôh zydua ta Thatlôpa ta y mah y.”

ZAWSUA 6:19

Tâkâ, ngôh, dawh nata thua hmobaohzy deikua cha, Abeipa châta châ khai aw ta, Abeipa sôh o liata so awpa a châ,” tah ta.