MIKÂ 4:12 - Mara Bible RV (BSI)

¹² Abeipa pachânazy pahno leipa ei ta, A hmochhuahpazy ama novâh vei; Sawhri liata sapiah pahmaohpa hawhta, Âmo cha a pahmaoh hapa pahno veih ei.

MIKÂ 4:12 ပူးပေါင်းရင်းမြစ်များ

HLAZY 147:19

Zakaw hnohta a bie phuah ta, Izarei hnohta a bieraopazy nata a ryhpazy a phuah.

HLAZY 147:20

Kheihawhpa phopi chô liata hmahta cha hawhta tao beih vei; Chavâta a ryhpazy pahno veih ei. Abeipa cha reithai teh u!

ISAI 10:7

Châhrasala Asuria ta, Cha hawhta tao a chhuah leipa ta; A palôh ta pachâ hra vei. Pahleipadia khai awpa palôh tlao hnei ta, Phopi chyhta dei châ leipa ta, Phopi hluhpi pahleipadia awpa palôh a hnei.

ISAI 21:10

Hy sawhri sâh, ei sâh chakhy chiehpa y, Pheisaihzy Abeipa tawhta ei theipa cha chho na ta, Izarei Khazohpa tawhta ei theipa ei cha chho.

ISAI 29:7

Zerusale a dyuhpa râhzy liata zawpi zydua cha, Ramâ hawhta châ aw ei ta, Zâ ta aluahna hawhta ama châ aw; Zerusale khihpi nata a thokhy a dyuh ta, Zerusale nô a papotuhpa zydua chhao, Ramâ hawhta châ aw ei ta, Zâ ta aluahna hawhta ama châ aw.

ISAI 55:8

Ei pachâpazy cha, Nama pachâpazy châ leipa ta; Nama hroziezy chhao, Ei hroziezy châ vei,” Abeipa ta a tah.

ZEREMIAH 29:11

Nâmo châta achhuahna ei hneipa ei pahno thlâh haw. Nama chhie nawpa châ leipa ta, nama pha nawpa châta achhuahna hnei na ta, hmialâ daihti phapa nata hnabeiseihna cha pie awpa ei ta achhuahna ei hnei, Abeipa ta a tah.

ZEREMIAH 51:20

“Hy Babylaw, nâ cha ei chariah tuna ahrei châ chi ta, Ei adyuhna chaihrai na châ; Nâma hmâpa ta phopizy chaphie ei na ta, Nâma hmâpa ta khinarâhzy ei pahleipadia ha ei.

ZEREMIAH 51:33

Pheisaihzy Abeipa, Izarei Khazohpa ta hetana heta a tah: “Babylaw sawchanô cha, Sâh tly nota sawhri hawhta a châ; Bohpi leipa ta a sâh hria daihti a vaw tlô aw.”

ZÔELA 3:2

Phopi zydua pahmaoh aw ei na ta, Zehôsaphâ Saikao lâ ei chhi aw ei; Cha liata âmo cha, Ei phopi nata ei ryuto Izarei moh ta ei pachia aw ei. Izarei sawzy cha phopizy hry liata papai ei ta, Ei râh amâ raipa vâta, Phopizy cha ei pachia aw ei.

LUKA 3:17

A ku liata barah y ta, a sawhri sâh zie aw ta, a sâh cha pâh liata a ryh aw. Asihpa deikua cha mei pachhai thei leipa liata a rao aw,” tah ta.