MIKÂ 4:11 - Mara Bible RV (BSI)

¹¹ “Nâma châ dyuh awpa ta, Phopi hluhpi a hmaohpakhy ei ta, ‘Papuapaleipa ta y sala, Eima mozy ta Zaio tawpâ mawh sy,’ ama tah.

MIKÂ 4:11 ပူးပေါင်းရင်းမြစ်များ

HLAZY 129:5

Zaio a haotuhpa zydua cha, Maophyuhpa ta y ei sala, Hnôh pasysapa châ mawh ei sy!

HLAZY 83:5

Reih kha tlapa ta cha tei ei ta, Châ dyuh awpa ta biehrai ama tao.

ISAI 10:7

Châhrasala Asuria ta, Cha hawhta tao a chhuah leipa ta; A palôh ta pachâ hra vei. Pahleipadia khai awpa palôh tlao hnei ta, Phopi chyhta dei châ leipa ta, Phopi hluhpi pahleipadia awpa palôh a hnei.

ISAI 17:12

Tilaipi a chatlaopa hawhta a chatlaopa Phopi hluhpizy cha ama hu a po na! Tisaih a aohpa hawhta a aohpa Râhzy cha ama hu a po na!

ISAI 29:7

Zerusale a dyuhpa râhzy liata zawpi zydua cha, Ramâ hawhta châ aw ei ta, Zâ ta aluahna hawhta ama châ aw; Zerusale khihpi nata a thokhy a dyuh ta, Zerusale nô a papotuhpa zydua chhao, Ramâ hawhta châ aw ei ta, Zâ ta aluahna hawhta ama châ aw.

ZEREMIAH 52:4

Zedekia â beina kô chakina, thla hrawhna, noh hrawhna noh liata, Babylaw bei Nebukaneza cha a pheisaih zydua chhaota Zerusale siehnao ta. Khihpi cha dôh ei ta, khihpi dôhna diasuazy tao ei ta.

EZEKIA 26:3

Abeipa Zehôvâh ta hetana heta a tah: Pachâ teh, Hy Tyre, ei châ dyuh na. Tilaipi tichatlaopa hawhta, nâma a dyuh awpa ta phopi hluhpi hrâ ei vaw pasiesa aw.

EZEKIA 38:17

“Abeipa Zehôvâh ta hetana heta a tah: Nâ he nâ chakaotuhpa Izarei hrohsopazy thâtih hlâno ta ei reipa kha na châ ma? Cha daihti liata âmo a dyuh awpa ta, hrohsona bie kô hluhpi a phuahpa kha na châ ma?

ÔBADIA 1:12

Na unawhpa chhiena â tyh noh kha, Kheihta ma a lypa ta moh thei chi ta, Zudâh pathla raona amâ tyh noh kha, Kheihta ma thaphapa ta na sai thei tly! Ama pachârôhna noh liata, Kheihta ma na pakah a kawh chie thei tly!

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

ZEKARIA 12:3

Cha noh liata, Zerusale cha khizaw phopi zydua châta alô a hri ngaitapa ta tao aw na ta, a chalopa maih cha âmosasyh ta hmah amâ paphao lymâ aw. Chatawhcha khizaw râh zydua a paraoh aw ei ta, ano cha amâ dyuh aw.