MIKÂ 3:8 - Mara Bible RV (BSI)

⁸ Kei deikua cha Zakaw hnohta a paraona phuah ta, Izarei hnohta a moleina phuah nawpa ta, Hmotaotheina ta ei bie; Abeipa Thlahpa ta bie na ta, Adona nata thatlôna ta ei bie.

MIKÂ 3:8 ပူးပေါင်းရင်းမြစ်များ

ZAWBÂ 32:18

Bie rei awpa hluhpi hnei na ta, Kei liata a ypa thlahpa ta eina pareisa raruah ha bâ.

ISAI 58:1

“A chado leipa ta a paro ngaitapa ta awh la, Chiahmie hawhta na ao papua teh. Ei phopi hnohta ama paraona phuah la, Zakaw pathlazy hnohta ama moleinazy phuah teh.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 61:2

Abeipa palôhtlâhna kô phuah awpa ta na tuah ta, Eima Kha­zohpa phuh lana noh phuahpa ta, Mâchhie a sapa zydua thlapalôh awpa ta eina tuah.

ZEREMIAH 1:18

Pachâ teh, he noh liana heta Zudâh râh zydua châta thokhy khihpi ta cha tao na ta, thua tôh nata dawh thokhyzy ta ei cha tao. Zudâh beizy, a beimachâzy, a theihthaipazy nata râhsawzy châta thokhy khihpi châ aw chi ta, thua tôh nata dawh thokhyzy na châ aw.

ZEREMIAH 20:9

“Abeipa pado leipa aw na ta, A moh ta bie reih khao aw va na,” Tah hraw sah la, Ei rupa chhôh liata mei iapa â khôpa hawhta, Ei palôh liata y ta, A chalihkhei a chhuah taraw na ta, Châhrasala a chalihkhei thei va na.

ZEREMIAH 6:11

Chavâta Abeipa pathiiana ta bie na ta, Mao-oh ngâ thlâh hapa he ei tha a chhâ kaw bâ. “Na pathiiana cha khiliah liata hawtizy chô liata patlai la, Satlia a y pakhypazy chô liata patlai mah y. A chanô chapaw ta lapa châ aw ei ta, Machâpazy nata nôpi pawpipazy chhao lapa ama châ aw.

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

EZEKIA 16:2

“Chyhsa sawchapawpa y, Zerusale cha a pasichhihnazy pahnosa la,

EZEKIA 20:4

Âmo cha na pachia aw ei ma, Hy chyhsa sawchapawpa, na pachia aw ei ma? Âmo pathlatuhpazy pasichhihnazy pahnosa la,

EZEKIA 22:2

“Nâ, chyhsa sawchapawpa y, thisaih lona khihpi cha na pachia aw ma, na pachia aw ma? Na pachia awpa khiahta cha, a pasichhihna zydua phuah thlu mah y.

EZEKIA 23:36

Abeipa ta ei hnohta reih hei ta: “Chyhsa sawchapawpa y, Ôhôlâ nata Ôhôlibâ cha na pachia aw ei ma? Ama pasichhihnazy ama hnohta phuah mah y.

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

EZEKIA 43:10

“Hy chyhsa sawchapawpa y, ama paraonazy vâta ama noza sala, Achhyna o sanazie awpa ama thlie thei nawpa ta, Izarei pathlazy cha Achhyna o nothlahpa pamosa mah y.

MATHAI 7:29

Ryhpa pachutuhpazy hawhta châ leipa ta, biehneina a hneipa hawhta a pachupa vâta a châ.

MÂKA 3:17

Tôkalôhpa sawzy tahpa ta ama moh a bipa Zebâdi sawchapawpa Zâmie nata a unawhpa Zawhâna,

1 KAWRINI 2:4

Ei biereipa nata ei biechhopazy kha, chyhsa sona hmâpa ta pahnie a chhuahpa biezy châ leipa ta, Thlahpa nata hmotaotheina palâsapa ta ei reih tyhpa a châ.