MIKÂ 3:5 - Mara Bible RV (BSI)

⁵ Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

MIKÂ 3:5 ပူးပေါင်းရင်းမြစ်များ

BIESOZY 28:21

Khokhei viapa hneipa pha leipa ta, Châhrasala viahchhâ tlâ kha vâta, Chyhsa ta hmo a parao thei.

ISAI 3:12

Hawsaihzy ta ei phopi chhihtha ei ta, Chanôzy ta ama chô liata ryu ama reih. Hy ei phopi, châ chhituhpazy ta cha chhihtha chhei ei ta, Nama sie nawpa kyh liata noraihpa ta ama cha tao haw.

ZEREMIAH 23:27

Ama mâ amâ chho raihriepazy hmâpa ta ei phopi cha ei moh pamysa a chhuah ei ta, âmo pathlatuhpazy chhao kha, Bâlâ vâta ei moh ama my hapa kha châ vei ma?

ZEREMIAH 23:32

“Mâ phichhyhpazy reipa ta hrohsona bie a phuahpazy ei dyuh ei,” Abeipa ta a tah. “Âmo cha ei tua leipa pi tlai ei nata bie ei pie leipa pi tlai ei ta, ama haipa biezy nata amâ palaina biezy ta ei phopi a paviasapazy châ ei ta, he phopi châta phahnaina rai a hnei leipazy ama châ,” Abeipa ta a tah.

ZEREMIAH 6:14

Ei phopi hmah cha, Naosiata ta patlâh a chhuahpa ta; Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

ZEREMIAH 6:4

“Zaio sawchanô a dyuh awpa ta a chhuanoh u la, Thyu teh u, nohchhô locho nota a dyuh ei suh u! Châhrasala eima hu a po kaw dia, Noh a kia ha ta, Nohawh â zei ha hih!

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

EZEKIA 13:9

Aluahna phichhyhpa a hmôpa nata haipa ta a pachaopadâhpa hrohsopazy chô liata ei ku ei hy aw. Ei phopi pakhypi liata a hlao leipa aw ei ta, Izarei pathlazy moh rona liata ropa châ hra leipa aw ei ta, Izarei râh a ngia aw veih ei. Chatanachata Abeipa Zehôvâh ei châ tahpa nama pahno aw.

HÔSIA 4:5

Nohchhô sawhvaw ta pao aw chi ta, Zâ ta hrohsopa nata na pao khoh aw; Na nô cha ei pahleipadia aw.

ZÔELA 3:9

Phopizy hry liata he he phuah teh u: Adyuhna a chhuanoh u la, Pasaiphazy pathyu teh u. Pheisaih zydua a vaw hnia ei sala, A khy mawh ei sy.

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MALAKHAI 2:8

“Châhrasala lâpi tleisai ei chi ta, nama pachuna ta chyhsa hluhpi pahluasapa ta, Livai biehrai cha nama parao haw.

MATHAI 15:14

Âmo y ta y thlâh ha ei sa. Chhituhpa mochaopazy ama châ. Mochaopa ta mochaopa a chhihtha khiahta cha, khaohtlô liata hmaohkhata ama tla aw,” tah ta.

MATHAI 7:15

“Hrohso pakheipazy tawhta a vaih muh vy. Chazy cha mietaku vo a bupa ta nâmo lâ a vy ei ta, ama chhôh lâ deikua cha changie chahraochatôhpazy ama châ.

RAWMA 16:18

Cha hawhpa chyhsazy cha, eima Beipa Zisu Krista chakao leipa ei ta, âmo py a chakaopa tlao châ ei ta, reikah pahniapa nata papyupahly thainazy ta chyhsa pha molopazy ama dôvei tyh.