MIKÂ 3:2 - Mara Bible RV (BSI)

² Nâmo, hmo phapa a hao ei chi ta, Hmo chhiepa a pasôpazy; Nâmo, ei chyhsazy vo hlaih ei chi ta, Ama ruzy tawhta ama sa a kaopazy;

MIKÂ 3:2 ပူးပေါင်းရင်းမြစ်များ

1 ABEIZY 21:20

Ahabâ ta Elaizâh hnohta, “Eina vaw hmô ha chi ma, nâ ei khakhaipa?” tah ta. Elaizâh ta a chhy ta, “Abeipa mohmô liata hmo pha leipa tao awpa ta nâmasasyh ta nâ zua hapa vâta, ei cha hmô ha heih hih.

2 THÂTIHZYRONA 19:2

Hânani sawchapawpa hrohsopa Zehu cha ano dy awpa ta pua ta. Bei Zehôsaphâ hnohta, “Moleipa a châhkhei aw chi ta ma, Abeipa a haotuhpazy kyh na pachâ aw? Chavâta na chô liata Abeipa pathiiana a vaw tlô haw.

HLAZY 15:4

A mo ta hrochhiepa chhyh thai leipa ta, Abeipa a chipa deikua a palyupalihpa; Pasana a tlôkhei theipa chhao ta a bietai khâ a patupa,

HLAZY 53:4

Moleina hmo a tao tyhpazy he ama novâh vei tlyma i? Viahchhâ niepa hawhta ei chyhsazy nie khai ei ta, Khazohpa padona châh pahno veih ei.

BIESOZY 28:4

Ryhpa a heihsaituhpazy cha moleipazy reithai tyh ei ta, Ryhpa a zyhtuhpazy deikua ta cha moleipazy amâ dyuh tyh.

ISAI 3:15

Kheihta ma dyhchhiepazy hmia chariehpa ta, Ei phopi cha nama chanaoh ngâ tly?” Pheisaihzy Abeipa Zehôvâh ta a tah.

ISAI 5:20

Hmo chhiepa cha hmo phapa tah ta, Hmo phapa cha hmo chhiepa a tahpa zy; Khaihna cha zohna ta rao ta, Zohna cha khaihna ta a raopa zy; Akhapa cha athlôhpa ta rao ta, Athlôhpa cha akhapa ta a raopazy cha, Ama hu a po na!

ISAI 57:12

Na siana kyh phuahpa ta, Na hmotaopazy reih hraw sah la, Na châta phahnai hlei aw vei.

EZEKIA 11:7

Chavâta Abeipa Zehôvâh ta hetana heta a tah: Khihpi chhôh liata sawvawhpa ri nama pazawhpazy kha sa cha châ ei ta, khihpi he sa pasyuna beih cha a châ. Châhrasala khihpi tawhta papuapa nama châ aw.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 24:4

Sa tlozy thla u la, A sa phapa zydua nata a phei nata a palaihzy thla u la, A rupa phapazy ta pabie teh u.

EZEKIA 34:3

A thawhpazy tlao nie ei chi ta, mietaku hmi ta namâ tobi. Mietaku thawhpazy thie ei chi ta, châhrasala mietakuzy pasa veih ei chi.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 5:15

Chhiena a haopa ta phana khoh u la, Thokhy chhikao liata ryureina dopa padua teh u; Cha hawhta nama tao khiahta cha, Zehôvâh, Pheisaihzy Khazohpa ta Zawsi chi laibâhpazy cha, A ngiachhie thei ngyu aw.

MIKÂ 2:8

Châhrasala atlia tawhta cha, Ei phopi ta chariah hawhta thyu ei chi ta, Thlalôh kawpa ta châ chapiapazy cha, Ama chysia phapazy pahluhpa ei chi ta, Adyuhna lâ tawhta a vaw liepazy hawhta nama tao tyh.

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

LUKA 19:14

Châhrasala a khihsawzy ta ano cha a hao ei ta, ‘He chyhsa he eima bei châta khoh ma pi,’ tah awpa ta, ano hnôh lâta lyuhchâpa tuah hra ei ta.

ZAWHÂNA 18:40

Châhrasala ao paro ngaitapa ta awh heih ei ta, “Kha chyhsa kha papua leipa la, Bârabâ kha papua teh!” tah ei ta. Bârabâ cha hraotuhpa a châ.

ZAWHÂNA 7:7

Khizaw ta nâmo cha châ hao thei vei, kei deikua cha einâ hao, a hmotaopazy a moleizie ei palâhâhpa vâta.

RAWMA 1:32

Cha hawhpa hmo a taopazy cha, a thi tlâh ama châ tahpa Khazohpa bieraopa pahno thlâh hana chôta, âmo taopa dei châ leipa ta, mohropazy taopa chhao amâ lykhei tyh.

RAWMA 12:9

Kyhpachâna cha haiphiana a hlao leipa châ mawh sy. Moleina a hao u la, hmo phapa khâchâ patu muh vy.

2 TIMAWTHY 3:3

kyhpachâna a pikhei leipazy, aryhna a tao khoh leipazy, haipa ta chyhsa leih hmâhpazy, a sohsi thei leipazy, nôchhiepazy, hmo pha a khoh leipazy,