MIKÂ 3:11 - Mara Bible RV (BSI)

¹¹ Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 3:11 ပူးပေါင်းရင်းမြစ်များ

BIESOZY 17:23

Moleipa cha arulâta panaopapana la ta, Adona lâpizy a parao tyh.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 48:2

Namôsasyh ta khihpi pathaihpa â tah ei chi ta, Pheisaihzy Abeipa moh bipa Izarei Khazohpa a ngâchhâpazy saih u, He bie he thei teh u.

ISAI 5:23

Panaopapana lapa ta, Thailei a châpa thai pachâ ei ta, Thai a châpa cha thailei ama pachâsa tyh.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ZEREMIAH 23:17

Abeipa bie khâpa saw ta a reih leipazy hnohta, ‘Nama châta a pha aw,’ tah ei ta, âmo palôh khopa a taopa chhorupa zydua hnohta, ‘Nama chô liata chhiena vaw tlô aw vei,’ ama tah tyh.”

ZEREMIAH 26:7

Zeremiah ta Abeipa o liata cha bie a reipazy cha theihthaipazy, hrohsopazy nata zawpi zydua ta thei ei ta.

ZEREMIAH 5:12

Abeipa kyh haipa ta reih ei ta, “Khâpa hmah tao hlei aw vei; Chhiena eima chô liata vaw tlô leipa aw ta, Zaozi nata chakâhna zy a tyh aw ma pi.

ZEREMIAH 6:13

“A nawh chaipa tawhta a lai chaipa taihta, Chyhsa to karâyna ta bie ei ta, Â doleipa ta athôhna ama tlua; Hrohsopa nata theihthaipa a hlaopa ta, Chyhsa to ta hmo doleipa ama tao.

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.

EZEKIA 22:12

Thisaih palo nawpa ta, panaopapana khihpi chhôh liata la ei ta, a pôhna nata â thôhna la chi ta, na vaihzy tlybaipa ta athôhna hmô chi ta, kei deikua cha eina my ha chi,” Abeipa Zehôvâh ta a tah.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 34:2

“Chyhsa sawchapawpa y, Izarei mietaku vaituhpazy hnohta hrohsona bie phuah teh. Mietaku vaituhpazy hnohta hrohsona bie cha phuah tlai la, ama hnohta hetana heta reih teh. Abeipa Zehôvâh ta hetana heta a tah: Nâmosasyh â pasapa Izarei mietaku vaituhpazy nama hu a po kaw dia! Mietaku vaituhpazy cha mietakuzy ama pasa awpa châ vei ma?

HÔSIA 4:18

A laothaopa ta doh ei ta, Â zaopa ta ama sihryh; Ryureituhpazy cheingei ta Nozachhihpa hmozy ama tao.

HÔSIA 4:8

Ei phopi moleina atheihna sa nie ei ta, Chavâta chyhsazy ta moleina hmo ama tao awpa Tlao ama khoh kaw tyh.

AMÔSÂ 5:14

Nama hro thei nawpa ta, Chhiena tlua leipa u la, Phana tlua teh u; Chatanachata nama reipa hawhta, Zehôvâh, Pheisaihzy Khazohpa ta a cha ypâ aw ei.

AMÔSÂ 9:10

‘Chhiena ta miah chadai leipa aw ta, Miah tlô thlu aw vei,’ a tahtuhpa, Ei phopi liata moleipa zydua cha, Zaozi ta ama thi khai aw.”

MIKÂ 3:5

Ei phopi a chhi chheipa hrohsopazy kyh liata, Abeipa ta hetana heta a tah: Nie awpa ama hnei nota, Adyhna phuah ei ta; Ama pakah pabie awpa a hnei leipazy hnohta, Adyuhna ama phuah tyh.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

ZEPHANIA 3:4

A hrohsopazy cha, Chyhsa â khotlâh kawpa châ ei ta, Dôvei hmâhpa chyhsa ama châ; A theihthaipazy ta hmo pathaihpa papuapalei ei ta, Ryhpa ama parao tyh.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MALAKHAI 2:9

Ei lâpi a chhih leipa ei chi ta, ryhpa kyh liata khokhei viapa nama hnei tyhpa vâta, kei chhao ta chyhsa hmiakô liata cha panawhsa ei na ta, mohnao chhihpa ta ei cha tao ha ei,” Pheisaihzy Abeipa ta a tah.

MALUHREINA 16:15

Mawsi cha a hiehâh ngaita ta, Abeipa hnohta, “Ama hmohlâpa a pyh khah y. Âmo tawhta alâ pô kha hmah la leipa na ta, ama hry liata pakha hmah pasasa beih va na,” tah ta.

MALUHREINA 22:7

Môabâ machâzy nata Midia machâzy cha pachaona ty a cheipa ta pua ei ta. Bâlâma kô ama tlô nahta, Bâlâka bietapa cha chho ei ta.

MATHAI 3:9

‘Abarahâ pathla eima châ,’ a tah khuh vy. Khazohpa ta he alôzy tawhna heta Abarahâ pathlazy a padua thei tahpa ei cha chho ei.

1 TIMAWTHY 3:3

kresawhti pari hmâh leipa, thachahra hmâh leipa chyhsa nônaipa, ahryuchhiana a tao leipa nata tâkâ sôh liata karâ y leipa a châ awpa a châ.

TITU 1:11

Cha sahlao cha ama pakah chahu awpa a châ. Avyuhna nozachhihpa ama tao thei nawpa ta, pachu lei awpazy pachu ei ta, chhôhkha zydua ama patypamâ.

1 PITY 5:2

Nama hry liata Khazohpa mietaku zaw kha vaih u la, mohôh teh u. Tao awpa a châpa vâta tao leipa ta, Khazohpa bie hawhta byuh ngaitapa ta taopa châ mawh sy. Avyuhna puapa khopa vâta châ leipa sala, chakaona rai hria khohpa vâta châ mawh sy.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.

1 SAMUELA 8:3

Châhrasala a sawchapawzy ta ano lâpi a chhih leipa ei ta, sôh nata piah a chadai ei ta, panaopapanazy la ei ta, adona tleisaipa ta ryu ama rei tyh.