MIKÂ 3:1 - Mara Bible RV (BSI)

¹ Chatawhcha hetana heta ei tah: Nâmo, Zakaw pathla luhpazy nata Izarei phopi ryureituhpazy saih u, He bie he thei teh u! Adona cha nama pahno awpa châ vei ma?

MIKÂ 3:1 ပူးပေါင်းရင်းမြစ်များ

NEHEMIAH 13:17

Chavâta Zudâh nôpawpazy cha a padai ei na ta, ama hnohta, “Khazia Pahânoh papuapaleipa ta hmo moleipa nama tao?

HLAZY 14:4

Hmoparaopazy ama no a vâh to vei tlyma i? Viahchhâ niepa hawhta ei chyhsazy nie khai ei ta, Abeipa padona châh ama pahno leipa he!

ISAI 1:10

“Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

EZEKIA 22:6

“Moh teh, nâma liata a ypa Izarei beimachâzy cha, ama zydua ta ama hmotaotheina lymâ hawhta, thisaih palo a hmâhpa sai ama châ.

EZEKIA 34:2

“Chyhsa sawchapawpa y, Izarei mietaku vaituhpazy hnohta hrohsona bie phuah teh. Mietaku vaituhpazy hnohta hrohsona bie cha phuah tlai la, ama hnohta hetana heta reih teh. Abeipa Zehôvâh ta hetana heta a tah: Nâmosasyh â pasapa Izarei mietaku vaituhpazy nama hu a po kaw dia! Mietaku vaituhpazy cha mietakuzy ama pasa awpa châ vei ma?

EZEKIA 34:3

A thawhpazy tlao nie ei chi ta, mietaku hmi ta namâ tobi. Mietaku thawhpazy thie ei chi ta, châhrasala mietakuzy pasa veih ei chi.

EZEKIA 9:9

Abeipa ta ei hnohta, “Izarei nata Zudâh pathlazy moleina rarôh a y tu haw. Râh cha thisai ta bie ta, khihpi chhao avyuhna ta a bie. ‘Abeipa ta râh siesai ha ta, Abeipa ta hmô vei,’ ama tah.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

AMÔSÂ 4:1

“Nâmo, Samâri tlâhpi liata Bâsanâ viahchao panôzy saih u, He bie he nathlie teh u; Nâmo, dyhchhiepazy tlybai ei chi ta, Phahlapazy chanaohpa ta, Nama vahpazy hnohta, ‘Do awpa vaw cheih la, Doh ei suh u,’ A tahtuhpazy saih u, He bie he thei teh u!

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

MIKÂ 2:13

Thokhy a chatôhtuhpa ama hmia lâta sie ta, Chatôh lymâpa ta chhikao tlô ei ta, Chhikao tawhta ama pua. Ama bei cha ama hmia lâta sie ta, Abeipa cha ama luh chô lâta a sie.

1 KAWRINI 6:5

He bie he nama noza nawpa ta ei reipa a châ. Unawhzy likah liata biepeipa a pathlâ thei awpa pakha hmah nama hry liata ama y leipa a châ ngyu aw!

RYHPACHANEINA 16:18

“Abeipa nama Khazohpa ta a cha piepa ei khih to liata, chi to châta ryureituhpa nata hyutuhpazy rao aw ei chi ta, âmo chata ryureina siapa ta zawpizy ryu ama reipa tyh aw.