MIKÂ 2:4 - Mara Bible RV (BSI)

⁴ Cha noh liata cha, Cha reipachhie aw ei ta, He chaphôhtuna hla heta ama cha pasipasawh aw: “Tlokhuh paraopa eima châ haw; Ei phopi tovyuh panano ta, Kei tawhta a pasie haw? Ngiapâna paosaituhpazy hnohta, Eima lyuzy a pie ha ei.”

MIKÂ 2:4 ပူးပေါင်းရင်းမြစ်များ

2 SAMUELA 1:17

Chatawhcha Dâvi ta Sawla nata a sawchapawpa Zawnathâ châta, he chaphôhtuna hla heta chaphôh tu ta.

2 THÂTIHZYRONA 35:25

Zeremiah chhao ta Zôsia chaphôhtuna hla sa ta, hlasathaipa chanô nata chapaw zydua ta, Zôsia pasai leina chaphôhtuna hlabiezy tanoh taihta ama reih ngâ thlâh ha chy. Zôsia pasai leina chaphôhtuna hla sapa cha, Izarei râh liata tao tyh awpa ryhpa ta a pyh ei ta, chaphôhtuna hlazy liata pahlaopa a châ.

ZAWBÂ 27:1

Zawbâ ta a biereipa cha a duakheipa ta reih heih ta:

ISAI 14:4

Babylaw bei hnohta hetana heta pasipasawhna bie nama rei thlu aw: “Tlybaituhpa cha a chalih ta, A nôchhiena a dia ha dia!

ISAI 24:3

Alei he tlokhuh parua khaipa châ aw ta, Tlokhuh parao khaipa a châ aw; Cha bie cha Abeipa ta a reih haw.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ZEREMIAH 14:18

Lyu lâ ei sie tita, Zaozi ta thiepazy sai hmô ei na ta; Khihpi liata ei ngia nota, Chakâhna vâta riethei pasataona sai ei hmô. Hrohsopazy nata theihthaipazy cha, Ama rai hriapa ta râh chahryh ei ta, A pachâ nawpa rai pahno veih ei.’”

ZEREMIAH 4:13

“Moh tua, meihdozy hawhta â khy huh; A talailihzy khisô lyu ta, A arâzy pahmôhpi hlâta ama chatlie via. Paraopa ta eima y ha hih, Eima hu a po kaw dia!

ZEREMIAH 6:12

Râh liata a pahrâpazy chô liata ei ku hy aw na ta, Ama ozy cha mohropazy piepa châ aw ta, Ama lyu nata lapinôzy chhao­ mohropazy piepa a châ aw,” Abeipa ta a tah.

ZEREMIAH 8:10

“Chavâta ama lapinôzy cha mohropazy pie aw na ta, Ama lyuzy chhao âmo a pahnietuhpazy ei pie aw ei. Chyhsa to, a chyh chaipa tawhta a lai chaipa taihta, Athôhna doleipa liata karâypazy châ ei ta, Hrohsopa nata theihthaipa zy taihta Chyhsa ama dôveipa vâta, Cha hmozy cha ama chô liata ei tao aw.

ZEREMIAH 9:10

Tlâhpizy châta chapa ta sâh aw na ta, Râhchawhpa sibiepa suzy châta mâchhie ei sa aw. Ahy hmahta chapia khoh khao lei awpa ta kâ khai ha ta, Viahchao a aohpa pyu chhao theipa châ khao vei. Avâ pavawzy pai ei ta, Râhsazy ama sie haw.

ZEREMIAH 9:16

Âmo nata âmo pathlatuhpazy chhao ta ama pahno beih leipa phopizy hry liata papaipatla aw ei na ta, ei pahleipadia khai hlâlei ei cha zaozi ta âmo ei chadaisa aw ei.”

EZEKIA 16:44

“Pachâ teh, bieso a hmâhpa maihta, ‘Sawchanô cha a nô a lyu,’ tahpa bieso he nâma kyh reina châta ama hmâh tyh bâ aw.

EZEKIA 2:10

Châbu chatypa cha ei hmiakô liata vaw pakai ta. A hmia a hnôh ta châropa y ta, chaphôhtuna nata mâchhiesana nata hupona zy ropa a châ.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZÔELA 1:8

Laihsa kôpa ta a locho no vahpa châta Chaphôh a tupa hawhta, Latho poh a bu u la, Chaphôh tu teh u.

AMÔSÂ 5:1

Hy Izarei pathla saih u, He bie he thei u la, Nâmo kyh liata ei chaphôhtuna bie he thei teh u.

AMÔSÂ 5:17

Nama hry liata ei vaw siepahlie awpa vâta, Kre sadô to liata chana a y aw,” Abeipa ta a tah.

MIKÂ 1:15

Hy Mâresâ mo saih u, Châ pahnietuhpa a vaw chhi heih aw na ta, Izarei rônahna cha Adulâ taihta a vaw tlô aw.

MIKÂ 1:8

Cha vâna chata chapa ta ei rôh aw; Chysia pahluh aw na ta, Thluahruapa ta ei y aw; Changie hawhta chaphôhtu aw na ta, Pavawpi hawhta mâchhie ei sa aw.

MIKÂ 2:10

Thyu u la, sie teh u, He he namâ pahâ nawpa su châ vei; Paraotuhpa hmo pathaih leipa yna su châ ta, Raona pasa ngaitapa ta a cha parao pathlei aw ei.

HABAKU 2:6

Cha zydua chata Kaldia cha, Pasipasawhpa ta pahneisao ei ta, Hetana heta reichakiana biezy ama rei thlu: “Parupa ta a hneirôhpa cha a hupo ta, Sôhkâzy â pathlu pâpa chhao a hu a po na, Khachâ ma cha hawhta ama tao aw tly?”

ZEPHANIA 1:2

“Hmo zydua alei chô tawhta Ei pahleipadia khai aw,” Abeipa ta a tah.

MALUHREINA 23:18

Bâlâma ta a bie daopa cha thaoh ta, “Hy Bâlâka, thyu la, nathlie teh, Zipô sawchapawpa y, ei bie he nathlie mah y.

MALUHREINA 23:7

Bâlâma ta a bie daopa cha reih ta: “Aramia tawhta Bâlâka ta nâ vaw chhi ta, Nochhi tlâhpizy tawhta Môabâ bei ta einâ vaw chhi; ‘A vy la, Zakaw chhie na sapa teh, A vy la, Izarei thailei pachâsa teh!’ eina tah.

MALUHREINA 24:15

Chatanachata Bâlâma ta a bie daopa cha thaoh ta, “He he Beôrâ sawchapawpa Bâlâma bie daopa châ ta, Mo pavâsapa chyhsa bie daopa a châ.

MALUHREINA 24:3

chatanachata a bie daopa cha thaoh ta, “He he Beôrâ sawchapawpa Bâlâma bie daopa châ ta, Mo pavâsapa chyhsa bie daopa a châ.

MÂKA 12:12

Cha pakhona bie cha âmo a nuapa ta a reipa a châ tahpa ama pahnopa vâta, Zisu cha patu awpa khoh ei ta. Châhrasala zawpi ama chipa vâta, Zisu cha siesaipa ta, sie ha ei ta.

RYHPACHANEINA 28:29

Mochaopa ta azohpa liata a pathâpazipa hawhta, nohchhô sawhvaw ta pathâpazi aw ei chi ta, nama lâpizy liata thlao a chhi leipa aw chi ta, tlybaipa nata hraopa ta y aw ei chi ta, châ pachha awpa ahy hmah y aw veih ei.