MIKÂ 2:13 - Mara Bible RV (BSI)

¹³ Thokhy a chatôhtuhpa ama hmia lâta sie ta, Chatôh lymâpa ta chhikao tlô ei ta, Chhikao tawhta ama pua. Ama bei cha ama hmia lâta sie ta, Abeipa cha ama luh chô lâta a sie.

MIKÂ 2:13 ပူးပေါင်းရင်းမြစ်များ

PUASAINA 14:19

Chatawhcha Izarei sawzy ama hmia lâta a chhihtha laihpa Khazohpa vâlyuhchâpa cha, ama hnôh lâ a pasie ta, meihdo tôh chhao ama hmia lâ tawhta a pasiepa ta ama hnôh lâta a duahpa ta,

ISAI 42:7

Mochaopazy mo pavâsa aw chi ta, Atâhpazy na papua aw ei; Âmo cha lei ry patâhna o tawhta papua aw chi ta, Patâhna o zohpa tawhta na papua aw ei.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 52:12

Abeipa ta hmia châ sahpa aw ei ta, Izarei Khazohpa ta nama hnôh lâ a cha vaih awpa vâ ei ta, A para kawpa ta pua awpa byuh leipa ta, A râ awpa byuh aw vei.

ISAI 55:4

Ano cha phopizy châta pahnokheituhpa ta rao na ta, Phopizy chhituhpa nata hyutuhpa ta ei rao.

DÂNIAH 2:44

“Cha abeizy daihti liana cha, parao thei lei awpa khinarâh avâ Khazohpa ta padua aw ta, cha khinarâh cha phopi hropa châta siesaipa châ aw vei. Khinarâh hropa zydua cha pakeichheih khai aw ta, ano khinarâh deikua cha tlyzaw ta â duah aw.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

HÔSIA 13:14

Athikhih ku tawhta pachha aw ei na ta, Thina tawhta ei chatlai aw ei. Hy thina, na potlana hri cha khataih liata a y? Hy Athihkhih, na châmaih cha khataih liata ma a y? Ngiachhiena cha, Ei mokhaoh tawhta nyupa a châ.

HÔSIA 2:2

“Nama nô cha a haw u la, A haw chaimâh teh u; Ei lapinô châ leipa ta, A vahpa châ va na. A sihryhna cha a hmia tawhta thy sala, Â pheina cha a sâhpizy tawhta thy mawh sy!

HÔSIA 3:5

Cha khai tawhta, Izarei sawzy cha kua heih aw ei ta, Abeipa ama Khazohpa ama pado aw; ama bei Dâvi chhao ama pado hra aw. Noh hnôhlâzy liata cha china chôta Abeipa nata a phana lâ ama ngai aw.

MIKÂ 2:12

Hy Zakaw y, nama zydua ta cha awpakhy tlai aw ei na ta, Izarei laibâhpazy cha ei pakhy aw; Mietaku o liata mietakuzy hawhta Cha pahmaohpakhy aw ei na ta, Sibiepa su liata mietakuzy hawhta Ei pahmaohpakhy aw ei; Zasâh manôh ama châpa vâta, Kalihpi ama to aw.

MIKÂ 3:1

Chatawhcha hetana heta ei tah: Nâmo, Zakaw pathla luhpazy nata Izarei phopi ryureituhpazy saih u, He bie he thei teh u! Adona cha nama pahno awpa châ vei ma?

MIKÂ 4:7

Pheisypazy cha, Laibâhpazy ta tao aw ei na ta; Thy hapazy chhao, Râh thatlôpa ta ei tao aw ei; Abeipa ta Zaio tlâh liata, Ama chô liata ryu a reih aw; Tahmâ tawhta ama chô liata ryureih aw ta, Chhâzaw ta ryu a reih aw.

ZEKARIA 10:12

Zudâh pathlazy cha, Abeipa liata thatlôpa ta tao aw ei na ta, Ano moh ta hmo ama tao aw,” Abeipa ta a tah.

HEBRAI 6:20

Chatanachata Zisu cha eima vyuhpa ta hmia a sah ta, cha liata a ngia ta, Melkizade theihthaipa châna lâpi a chhihpa ta, chhâzaw theihthai beichaipa ta a y haw.

ZAWSUA 3:6

Zawsua ta theihthaipazy hnohta, “Biehrai Byh a sypa ta, zawpi hmia lâta sie u la, Zawdâh chaka teh u,” tah ta. Chatanachata theihthaipazy ta Biehrai Byh cha a sy ei ta, zawpi hmia lâta sie ei ta.

BIEPHUAH 17:14

Mietakutaw a dyuh aw ei ta, châhrasala Mietakutaw ta âmo cha a pahnie aw. Mietakutaw cha hyutuhzy Hyutuhpa nata beizy Beipa châ ta, a hnohta a ypazy cha, awpazy, atlyhpazy nata ngâchhihpazy ama châ,” tah ta.

BIEPHUAH 7:17

Beidyuchhai liah liata a tyuhpa cha, Âmo vaituhpa a châ aw; Hrona tihnawhzy lâ âmo a chhi aw ta, Ama mo liata mothlih zydua Khazohpa ta a hru khai aw,” tah ta.