MIKÂ 2:12 - Mara Bible RV (BSI)

¹² Hy Zakaw y, nama zydua ta cha awpakhy tlai aw ei na ta, Izarei laibâhpazy cha ei pakhy aw; Mietaku o liata mietakuzy hawhta Cha pahmaohpakhy aw ei na ta, Sibiepa su liata mietakuzy hawhta Ei pahmaohpakhy aw ei; Zasâh manôh ama châpa vâta, Kalihpi ama to aw.

MIKÂ 2:12 ပူးပေါင်းရင်းမြစ်များ

ÂTHAONA 36:33

Belâ a thi tawhta, Bôzrâ khihpa Zerâ sawchapawpa Zôbabi ta ano su liata a bei ta.

1 THÂTIHZYRONA 1:44

Belâ a thi tawhta, Bôzrâ khihpa Zerâ sawchapawpa Zôbabi ta ano su liata a bei ta.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 27:12

Cha noh liata, Ufrâti Chavah tawhta Izi Chavah taihta, Abeipa ta sâh chakhyh aw ta, Hy Izarei sawzy saih u, pakha pakha ta pakhypa nama châ aw.

ISAI 34:6

Abeipa ta Bôzrâ khihpi liata atheihna hlâ awpa hnei ta, Edômâ râh liata thietuna rarôh ypa tao awpa a hneipa vâta, Abeipa zaozi cha thisaih ta bie ta, Thaw ta a khu; Mietakutawzy nata miezy thisaih ta bie ta, Mietaku tôhpazy lôpo thaw ta a khu.

ISAI 5:17

Mietakutawzy ta khihpi rypazy cha ama lao bâna su châta hmâh aw ei ta, Chihropazy ta hneirôhpazy siesaipa ama nie aw.

ZEREMIAH 23:3

“Ei mietaku zaw laibâhpazy cha âmo ei tona râh zydua tawhta a vaw chhi heih aw na ta, ama sadô liata pangia heih aw na ta, chi hluhpi pathla aw ei ta, ama pôh aw.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

EZEKIA 34:11

“Abeipa Zehôvâh ta hetana heta a tah: Pachâ teh, kei, keima tlai ta ei mietakuzy cha tlua aw na ta, ei hmô aw ei.

EZEKIA 34:13

Phopizy tawhta a chhi papuapa ta, râh to tawhta pakhy aw ei na ta, ama râh lâ tlai ei chhi aw ei. Chatanachata Izarei tlâhpizy, chavah kiahzy nata chyhsa pahrâna su zydua liata ei pasa aw ei.

EZEKIA 34:22

ei mietaku zaw cha pachha aw ei na ta, taipa châ khao aw veih ei. Mietaku nata mietaku likah ei pachia aw.

EZEKIA 34:31

Nâmo cha ei sibiepa su liata ei mietakuzy nama châ. Chyhsapazy he ei mietakuzy cha châ ei chi ta, kei he nama Khazohpa ei châ, Abeipa Zehôvâh ta a tah.”

EZEKIA 36:37

“Abeipa Zehôvâh ta hetana heta a tah: Izarei pathlazy ta ama phopi maluh sahroh zaw hawhta papôhsa awpa ta ama hia awpa ei pasaih aw.

EZEKIA 37:21

ama hnohta hetana heta reih teh. Abeipa Zehôvâh ta hetana heta a tah: Pachâ teh u, Izarei sawzy cha ama siena râhzy tawhta lapa ta, su to tawhta pakhy aw ei na ta, âmo râh lâ ei chhi aw ei.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

AMÔSÂ 1:12

Chavâta Temâ chô liata mei tuah aw na ta, Bôzrâ abei ozy a kâ khai aw.”

MIKÂ 2:13

Thokhy a chatôhtuhpa ama hmia lâta sie ta, Chatôh lymâpa ta chhikao tlô ei ta, Chhikao tawhta ama pua. Ama bei cha ama hmia lâta sie ta, Abeipa cha ama luh chô lâta a sie.

MIKÂ 4:8

“Hy nâ, mietaku zaw o sâhpa, Zaio sawchanô pahrâna tlâh y, Kha hlâta abeina kha nâ lâ vaw tlô heih aw ta, Zerusale sawchanô abeina nâ lâ a vaw tlô heih aw.

MIKÂ 5:7

Zakaw laibâhpazy cha, Phopizy hry liata ama y aw; Abeipa tawhta diati hawhta châ aw ei ta, Sibiepa chô lia vâsua hawhta ama châ aw; Chyhsa châta pahawhpasâh leipa aw ei ta, Chyhsa sawzy hâ hra aw veih ei.

MIKÂ 5:8

Zakaw laibâhpazy cha, Râhsazy hry liata chakeibarôhneipa hawhta Râhzy hry liata y aw ei ta, Mietaku zaw hry liata chakeibarôhneipa lochopa hawhta Phopizy hry liata ama y aw. A chapia ti ei ta, Âmo cha alei liata a tlypabai aw ei; Âmo cha hriechheih khai aw ta, A pachha thei awpa y veih ei.

MIKÂ 7:14

Na chôchahrei ta na phopi cha vaih la, Na ryuto mietaku zaw cha vaih mah y. Âmo cha lyurâhpa liata âmo dei ta a ypa châ ei ta, Sadô liata âmo dei ta a ypa ama cha. Hlâno hawhna khata, Bâsanâ nata Kilia liata ama lao bâ heih mawh ei sy.

MIKÂ 7:18

Nâ hawhta a ryuto laibâhpazy moleina a ngiahthai ta, Ama paraona a mopakhôpa Khazohpa he, Ahy ma a y? Ano cha kyhpachâna tleih beih leipa liata â lypa vâta, A hiehâhna cha chhâzaw ta a vao thlâh ha vei.

ZEPHANIA 3:20

Cha daihti liata châ chhi pakhua aw ei na ta, Cha daihti liata ei cha pahmaohpakhy aw ei. Nama mohmô lia tlai ta Vânoh ei cha patosa heih ti ei ta cha, Khizaw phopi zydua hry liata Moh phapa ta cha tao aw ei na ta, Palyupalihpa ta ei cha tao aw ei,” Abeipa ta a tah.