MIKÂ 2:1 - Mara Bible RV (BSI)

¹ Hmo pha leipa patuapaluapa ta, Ama rakhô liata moleina a pachâpadypazy cha, Ama hu a po na! Ama ku liata a ypa biehneina a châpa vâta, My khih a vaw dei nahta ama hriapazi tyh.

MIKÂ 2:1 ပူးပေါင်းရင်းမြစ်များ

ÂTHAONA 31:29

Châ parao thei awpa ei châ. Châhrasala châ pathlatuhpa Khazohpa ta zâhnia zâ ta, ‘A phapa tlyma, a chhiepa tlyma, Zakaw hnohta khâpa hmah reih lei awpa ta a chado mah y,’ tahpa ta eina chho.

1 ABEIZY 21:7

A lapinô Zezebel ta a hnohta, “Izarei bei châ va chi ma? Thyu la pati nie la, palôh thaphapa ta y mah y. Zezari chyhsa Nâbô kre sadô cha keima ta ei cha pie aw,” tah ta.

ESTHERI 3:8

Hâmâ ta Bei Ahasuarâ hnohta, “Nâ beinarâh bia to liata phopizy hry liata a hiepatlapa nata a paipatlapa phopi miakha y ta. Ama ryhpazy cha phopi hropazy ryhpa nata anano ta, abei ryhpazy zyh leipa ei ta, chavâta cha hawhpa chyhsazy chhyhthaipa cha abei châta athôhna y vei.

ESTHERI 5:14

A lapinô Zeresi nata a viasa zydua ta a hnohta, “Dy sypangawh a sâhpa paaosaona taopa châ sala, cha liata Môdekai cha paaosao awpa ta, mydi ta abei chho aw chi ta, chatanachata kyhchhina lâ cha abei hnohta a lypa ta vawh mah y,” tah ei ta. Cha bie chata Hâmâ cha palysa kaw ta, paaosaona cha pataosa ta.

ESTHERI 9:25

Châhrasala cha thâtih cha abei kô a vaw tlô nahta, Zuzy tei nawpa ta hmo chhiepa tao â chhuahpa cha, ano luh chô liata a lie thlupa ta, ano nata a sawchapawzy cha, paaosaona tho tlâh liata paaosao awpa ta ropa ta tlao bie a pie haw.

ZAWBÂ 15:35

Nôpona saw phaopa ta, Moleina saw sa ei ta, Ama chhi ta dôveina a papua tyh,” tah ta.

ZAWBÂ 24:14

Lianycheituhpa cha awhkho ta thyu ta, Dyhchhiepa nata phahlapazy thie ta, Parutuhpa hawh hra ta zâ ta a paru tyh.

HLAZY 36:4

A rakhô liata hmo chhiepa patuapaluapa ta, Hrozie pha leipa liata anosasyh ta a soh ta, Moleina dytha vei.

HLAZY 36:5

Hy Abeipa, na zawngiahna cha avâ kaw daih ta, Na ngâchhihna ta meihdo taih a kaw tlô.

HLAZY 58:3

Moleipazy cha chhi tawhta nomâpa châ ei ta, Ama pipa nahta lâpi paviapa ta, Haipa biezy ama reih lymâ.

BIESOZY 12:2

Chyhsa phapa cha Abeipa kho­kheina hmô aw ta, Moleina palôh a phaohpa deikua cha thailei a pachâ aw.

BIESOZY 14:22

Hmo pha leipa tao a chhuahpazy cha viavi tyh ei ta, Hmo pha tao a chhuahpazy deikua cha kyhpachâna nata biehmeiseihpa ama hlao tyh.

BIESOZY 3:27

Tao theina na hnei khiahta cha, A to tlâhpazy châta hmo phapa pakhâ khah y.

BIESOZY 4:16

Hmo ama parao ha tua leipa ta cha, A mô thei leipa ei ta; Chyhsa ama chapiasa ha tua leipa ta cha, Ama mo ku thei vei.

ISAI 29:20

Nôchhiepa leidia aw ta, Pahneisaotuhpa â chalih aw; Hmo pha leipa lâta a mo a padeihpa zydua cha, Chhawh pathlahpa ama châ aw.

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 32:7

Moleipa châta la, A hmobaohzy taihta pathaih leipa a châ. Haipa biezy hmâpa ta dyhchhiepazy parao a chhuah ta, Amâ do thlâh hana chôta phahlapazy parao a chhuahpa ta, Hmo pha leipazy a pachhuapanoh tyh.

ISAI 5:8

Râh ruapa y khao leina taihta, O nata o pazao ta, Râh nata râh a pazaopazy cha Ama hu a po na! Râh liah khophie liata Âmo dei ta ama pahrâ.

ISAI 59:3

Thisaih ta nama ku papuapalei ta, Paraona ta nama kuparozy a papuapalei; Nama hmaozy ta haipa biezy reih ta, Nama paleih ta moleina bie a papua tyh.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

EZEKIA 11:2

Abeipa ta ei hnohta, “Chyhsa sawchapawpa y, kha chyhsazy kha hmo pha leipa tao a chhuahpazy châ ei ta, he khihpi châta ryhraona pha leipa a pietuhpazy ama châ.

EZEKIA 33:26

Zaozi a ngâchhâ ei chi ta, hmo pasichhihpazy taopa ta, chyhsa to ta nama vaih lapinô nama papuapalei. Kheihta râh cha nama hnei thei aw?

EZEKIA 38:10

“Abeipa Zehôvâh ta hetana heta a tah: Cha noh liata, na palôh liata pachâna a vaw ngia aw ta, hmo pha leipa pachâhpadypa ta,

EZEKIA 46:18

Râhsawzy cha abei ta ama ryuto râhzy tawhta papuapa ta, ahy ryuto râh hmah a chhu awpa châ vei. A sawchapawzy cha, ano râh tawhta ama ryuto râhzy a pie awpa ei a châ. Chatanachata ei phopi chyhsa ahy hmahta a ryuto râh tawhta papuapa châ aw veih ei.”

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

NÂHU 1:11

Nâ tawhta chyhsa pakha vaw pua ta, Abeipa a tei paru; Ano cha ryhraotuhpa moleipa a châ.

ZEKARIA 7:10

Nôhmeizy, hârapazy, khichhaipa nata dyhchhiepazy tlybai leipa u la, nama palôh liata nama unawhpa chhiena awpa pachâ khuh vy,” tah ta.

MÂKA 15:1

My a vaw châpa nahta, theihthai beizy ta machâzy, ryhpa pachutuhpazy nata ryureituhpa zydua a chhohia ei ta. Zisu cha chahrypa ta a chhi ei ta, Pilâ lâ hlâ ei ta.

LUKA 20:19

Cha nona tlai chata ryhpa pachutuhpazy nata theihthai beizy ta, cha pakhona bie cha âmo a rei chakiana bie a châ tahpa pahno ei ta, chavâta patu a chhuah ei ta, châhrasala zawpi chi ei ta.

ZAWHÂNA 19:11

Zisu ta a chhy ta, “Chô lâ tawhta biehneina piepa na châ vei khiahta la, ei chô liata khâpa biehneina hmah hnei va chi. Chavâta nâ lâta nâ vaw hlâtuhpa moleina he a lai via,” tah ta.

HMOTAOPAZY 23:12

Khih a dei nahta, Zuzy a paraoh ei ta, Pawla ama thie hlâlei cha khâpa hmah nie leipa nata doh lei awpa ta bie a taih ei ta.

HMOTAOPAZY 23:15

Chavâta a thâtih a sia viapa ta pachâ a chhuahpa hawhta nâmo nata ryureituhpazy ta reih u la, Pawla cha nâmo lâ a zâ chhi awpa ta, pheisaih hyutuhpa kaw chho teh u. A su a za tlôh hlâta thie awpa ta eimâ mâ thlâh haw,” tah ei ta.

RAWMA 1:30

Chyhsa a reipachhiepa, Khazohpa a haopa, a patahsapa, a palaipa, a pahôpahâhpa, moleina khaohvâh a pahnopa, nôpaw rei a ngiah leipa,

RYHPACHANEINA 28:32

Nama sawchapawzy nata nama sawchanôzy chihropa hnohta piepa châ aw ei ta, âmo vâpa ta noh chareih nama mo bâna taihta sai aw ei chi ta, tao theipa khâpa hmah hnei aw veih ei chi.