MIKÂ 1:9 - Mara Bible RV (BSI)

⁹ A hmah patlâh thei awpa châ khao vei; A hmah ta Zudâh tlô ha ta, Zerusale liata ei phopi thokhy chhikao taih a tlô haw.

MIKÂ 1:9 ပူးပေါင်းရင်းမြစ်များ

ISAI 3:26

A thokhy chhikaozy cha, Chaphôhtupa ta mâchhiesa aw ei ta; Ziahzirohpa ta alei liata â tyuh aw.

ISAI 36:1

Bei Hezekia kô hrawh hleipalih â bei kô ta, Asuria bei Senâkeri ta Zudâh râh liata thokhy hneipa khihpi zydua khyhnao ta, la khai ha ta.

ISAI 36:2

Asuria bei ta Râbâsake cha pheisaih hluhpi chhaota Lakhi khihpi tawhta Zerusale liata Bei Hezekia lâ tuah ta. Machhua tipo ti lâpi kiapâh liata Apasuna Lyu lâ siena lâlai liata a duah ta.

ZEREMIAH 15:18

Khazia ma ei pasana pai thei leipa ta, Ei hmah a pha thei vei tly? Khazia ma ei hmah patlâh thei awpa a châ vei tly? Vahtie a ngâchhâ tlâh leipa hawhta ma, Ei châta na châ aw? Chavah ti kuapa hawhta ma na châ aw?

ZEREMIAH 46:11

Hy Izi sawchanô laihsa kôpa y, Kilia lâ khy la, sathaw thohna a kaw la teh! Thohna hluhpi hmâh ha chi ta, Châhrasala hraoleipa sai châ ei ta, Na châta tlâhna rai y vei.

MIKÂ 1:12

Abeipa tawhta chhiena vaw tlô ta, Zerusale thokhy chhikao a vaw tlô hapa vâta, Marô mo cha ngiatiah leipa ta Hmo phapa ama hâ.

MIKÂ 6:13

Chavâta kei chhao ta, A pasa kawpa ta cha tu na ta, Na moleina vâta, Roryhrapa ta ei cha tao haw.

NÂHU 3:19

Na hmah ru ngaita ta, Na pasana pahua nawpa y vei; Na thâ a theipa zydua ta Ama ku ama cha chabaih chie. Chhiena na taopa chhâ beih leipa vâta, Pasa a tao leipa ahy ma a y?