MIKÂ 1:7 - Mara Bible RV (BSI)

⁷ A nothlahpa khazoh zydua cha, Pakeichheih khaipa châ aw ta, A hlao zydua mei ta rao khaipa a châ aw. A nothlahpa khazoh zydua cha, Ei parao khai aw; Âzuahnô ta â zuana ty hmâpa ta A pahmaohpazy châ ei ta, Âzuahnô ty châta hmâ heihpa ama châ aw.

MIKÂ 1:7 ပူးပေါင်းရင်းမြစ်များ

2 THÂTIHZYRONA 31:1

Cha zydua cha ama tao khai nahta, cha liata a ypa Izarei saw zydua ta Zudâh khihpizy lâ sie ei ta, lôbôzy nata Aseri tôhzy pakeichheih khai ei ta. Zudâh, Benzami, Epharai nata Manase râhzy liata su sâhpa zydua nata maisâh zydua pacho khai ei ta. Cha khai tawhta, Izarei saw zydua cha ama khihpi nata ama olyu chyu lâta a di ha ei ta.

ISAI 2:18

Khazoh nothlahpazy cha ama leidia khai aw.

ISAI 23:17

Kô sysari a chhâ nahta, Abeipa ta Tyre cha vaw tly aw ta, a hria hlao rai parohpa lâ kha kua heih aw ta, alei chô liata khinarâh zydua liata â zuah heih aw.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

EZEKIA 6:6

Nama pahrâna su zydua liata, khihpizy rao khai aw ta, su sâhpazy roryhrapa ta a y aw. Chatanachata nama maisâhzy cha paraopa châ aw ta, roryhrapa ta a y aw. Nama khazoh nothlahpazy pakeipa châ aw ta, pahleipadiapa a châ aw. Nama ropahâhpa raona maisâhzy chhawh pachhôpa châ aw ta, nama hmotaopazy pahleipadia khaipa a châ aw.

HÔSIA 2:12

A kre zôhzy nata a theiku kôzy parao aw na ta, A khopaw tawhta a hmôpa, A hlao hawhta a pachâpazy ei parao khai aw. Lyurâhpa lâta palie aw ei na ta, Râhsazy ta ama bâ khai aw.

HÔSIA 2:14

“Chavâta, pachâ teh, ano cha sydiepa ta, Râhchawhpa lâ a chhi aw na ta, Ao naipa ta ei chho heih aw.

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

HÔSIA 8:5

Hy Samâri, Na viahchaotaw nothlahpa kha ei dytha; Ama chô liata ei hie a hâh ngaita. Khachâ ma sia leipa ta ama y aw tly?

HÔSIA 8:6

Viahchaotaw cha Izarei ta a taopa châ ta, Syudaihpazy ta ama daipa a châ; Khazohpa châ vei. Samâri viahchaotaw cha, Pakeichheih khaipa a châ aw.

ZÔELA 3:3

Ei phopi cha nuby a daopa ta a rai ei ta, Chapaw hawti cha âzuahnô nata ri ei ta, Kresawhti châta chanô hawti zuah ei ta ama doh tyh.

THEIHTHAINA 26:30

Nama su sâhpazy parao aw na ta, nama noh khazoh nothlahpazy papao aw na ta, nama khazoh nothlahpazy ri chô liata nâmo ri ei pacho aw. Ei hro ta a châ hao aw ei.

RYHPACHANEINA 23:18

Bie namâ taihpa châta pie awpa ta, chanô azuana ty nata chapaw azuana ty tawhta hmôpa sôhzy Abeipa nama Khazohpa o lâ nama cheih awpa châ vei. A miano heta Abeipa nama Khazohpa châta pasichhihpa a châ.

RYHPACHANEINA 9:21

Nama moleina hmo, viahchao taw nothlahpa nama taopa kha la na ta, mei liata rao na ta, pakeichheih khaipa ta, dohlei hawhta dina taihta charo na ta, tlâh tawhta chavah zâ lohpa liata a paoh ei thy haw.

BIEPHUAH 18:3

A sihryhna kresawhti doh ei ta, Phopi zydua ama pari khai haw; Lei beizy ta sihryhkhei ei ta, Lei liata sôhpalietuhpazy ta hneirôhkhei ei ta, A phasana hro ama hneirôhkhei,” tahpa ta awh ta.

BIEPHUAH 18:9

A sihryhkhei tyhpa nata phasana ta a hrolâh tyhpa lei beizy ta Babylaw khihpi mei ta a kâpa khuh ama hmô nahta, chakhei aw ei ta, chaphôh ama tupa aw.

1 SAMUELA 5:4

A mylâ heihpa mydi kari ta ama thyu nahta, Dakao cha Abeipa Byh hmiakô liata â khu lâta vaw pao thlâh ha heih ta. Dakao luh nata a kupazah miano â tai pachhôpazy cha chhikao thaby liata a vaw thy thlâh ha ta, Dakao cha a pôhpa deita ta vaw y ta.