MIKÂ 1:6 - Mara Bible RV (BSI)

⁶ Chavâta Samâri cha, Lyu liata apuapa pahmaohna ta tao aw na ta, Kre lo nawpa su ta ei tao aw; Alôzy Saikao lâ pahluah aw na ta, Â bônazy ei palâsa aw.

MIKÂ 1:6 ပူးပေါင်းရင်းမြစ်များ

2 SAMUELA 17:13

Cha dei châ vei, khihpi lâ â sy khiahta cha, Izarei zydua ta khawhhri a cheipa ta, cha khihpi lâ cha vawh aw pi ta, khihpi liata lôchapo dikaripa chhao a y khao leina taihta saikao lâ eimâ daophi khai ha aw,” tah ta.

2 ABEIZY 18:10

Kô thôh a dôh khai tawhta la ha ta. Hezekia kô charu â bei kô ta, cha cha Izarei bei Hôsia kô chaki â bei kô nata a su ta, Samâri khihpi cha a pao haw.

2 ABEIZY 18:9

Bei Hezekia kô pali â bei kô ta, cha cha Elâ sawchapawpa Izarei bei Hôsia kô sari â bei kô nata a su ta, Asuria bei Salmanesa ta Samâri vaw siehnao ta, dôh ta.

2 ABEIZY 19:25

“Khahlâ tawhta ei vaw rao hapa a châzie thei beih va chi ma? Thokhy khihpizy cha, Raona apachona khihpizy lâta na pachâsa awpa kyh, Hlâno tawhta ei vaw pachhuah hapa cha, Tahmâ ei vaw patlôsa hih.

ISAI 17:1

He he Dâmaskâ kyh chhochhieliena bie a châ: Pachâ teh u, Dâmaskâ cha khihpi châ khao leipa aw ta, Raona a pathluna su a châ aw.

ISAI 25:12

A thokhy a sâhpazy pacho aw ta, Pahnai aw ta alei dohlei liata a papao aw.

ISAI 25:2

Khihpi cha alô pathluna ta tao chi ta, Thokhy khihpi cha khih rypa ta na tao haw; Chihropazy thokhy khihpi chhao, Khihpi châ khao leipa ta, Khatita hmah paduapathipa châ khao aw vei.

ZEREMIAH 31:5

Samâri tlâhpizy liata Kre sadôzy tao heih aw chi ta; A lohtuhpazy ta loh aw ei ta, A theizy ama nie aw.

ZEREMIAH 51:25

“Hy khizaw zydua a paraotuhpa tlâhpi, Moh teh, ei châ dyuh hih; Na chô liata ei ku hypa ta, Lôkâh sâhpa tawhta cha pahluah aw na ta, Tlâh kâupa ta ei cha tao aw” Abeipa ta a tah.

ZEREMIAH 51:37

Babylaw cha raona apathlupa châ aw ta, Changiezy tlaihna a châ aw; Su chichhihpa nata hmaotô chiepa châ aw ta, Chyhsa pahrâ leina khihpi a châ aw.

ZEREMIAH 9:11

“Zerusale cha raona â pachopa khihpi ta tao aw na ta, Savaizy tlaihna su ta ei tao aw. Zudâh khihpizy cha roryhrapa ta tao aw na ta, Khihsawzy y khao aw veih ei,” Abeipa ta a tah.

CHAPHÔHTUNA 4:1

Kheihtazieta ma ngôh khaih khao leipa ta, Ngôh suapa â nano ha tly! Lôsôhpa pathaihpazy chhao, Khiliah su to liata hiezâhpa ta ama y.

EZEKIA 13:14

Chatanachata hlyu râhpa nama hniapa thokhy cha pacho aw na ta, a lei taihta cho aw ta, â bôna chhao taih â lâ khai aw. Thokhy a cho tita, nâmo chhao khihpi chhôh liata pahleipadiapa châ aw ei chi ta, Abeipa ei châ tahpa nama pahno aw.

HÔSIA 13:16

Samâri cha a Khazohpa â dyuhpa vâta, A thaileichâna a phaoh aw. Zaozi ta thi aw ei ta, Ama hawsaihzy taichheihpa ama châ aw; Ama chanô sawphaohpazy taihta Hriechheihpa ama châ aw.

AMÔSÂ 5:11

Dyhchhiepazy tlybai ei chi ta, Sâh chhiezy nama kheipa vâta, Alô khaipa ta ozy sa hra u la, A chhôh lia pahrâ aw veih ei chi; Kre sadô khochhih kawpazy tao hra u la, A kresawhti doh aw veih ei chi.

AMÔSÂ 6:8

Abeipa Zehôvâh ta anosasyh ta bie a taih ha ta, Abeipa, Pheisaihzy Khazohpa ta a tah: “Zakaw apalaina pasi na ta, A thokhyzy ei hao; Chavâta khihpi nata a chhôh liata a ypa zydua cha, Ama khakhaipazy ku liata ei hlâ khai aw.”

MIKÂ 3:12

Chavâta nâma vâta, Zaio cha leipalie hawhta paliepa châ aw ta; Zerusale cha raona a pachona su a châ aw; Achhyna o tlâh chhao, Râhmâhpa tlâh lâta â lie aw.

HABAKU 3:13

Na phopi pachha awpa ta pua chi ta, Na sathawthupa pachha awpa ta na pua. Moleipazy pathlatuhpa luh cha, A zao khaina taihta charieh chi ta, A luh tawhta a padih taihta na parao khai haw. Selah

MATHAI 24:2

Âmo cha a chhy ta, “He zydua he nama hmô ma? Hmeiseihta ta ei cha chho ei, he liata alô pachopazy he lô kha hmah pahlôh leipa ta pacho pathlah khaipa a châ aw,” tah ta.