MIKÂ 1:5 - Mara Bible RV (BSI)

⁵ Cha zydua cha Zakaw paraona vâta châ ta, Izarei phopi moleina vâta a châ. Zakaw paraona cha khâpa maw? Samâri châ vei ma? Zudâh su sâhpa cha khâpa maw? Zerusale châ vei ma?

MIKÂ 1:5 ပူးပေါင်းရင်းမြစ်များ

1 ABEIZY 11:7

Sawlawmaw ta Môabâ mo khazoh pasichhihpa Khemô châta nata Amawna mo khazoh pasichhihpa Môleka châta Zerusale nochhi lâ tlâh liata su sâhpa tao ta.

1 ABEIZY 13:32

Khazohpa bie ta Bethel liata maisâh nata Samâri khihpizy liata su sâhpa o zydua a awsaona biezy kha a vaw tlô thlyu awpa châ tlôh ta,” tah ta.

1 ABEIZY 16:24

Samâri tlâh cha Seme tawhta tâkâ talent miano ta chalei ta, cha tlâh liata thokhy ta dôhpa khihpi padua ta. A khihpi paduapa moh cha, a tlâh hneituhpa Seme moh paphaopa ta Samâri a bi.

2 THÂTIHZYRONA 34:3

Zôsia cha â beina kô chariena liata, hawtipa a châ thlâh ha chy nota, a pathlatuhpa Dâvi Khazohpa cha tlua pathao ta. Kô hrawh hleino â bei kô ta, Zudâh râh nata Zerusale khihpi liata su sâhpazy, Aseri tôhzy, khazoh nothlahpa khiepa nata leihpazy a parao khai haw.

2 THÂTIHZYRONA 34:4

Bâlâ maisâhzy a mohmô liata chhawh pachhô ei ta, chazy hlâta a sâh viapa ta taopa ropahâhpa raona maisâhzy chhao a chhawh pathlah khai haw. Aseri tôhzy, khazoh nothlahpa khiepa nata leihpazy phy pazao khai ta, âmo lâta atheihna a hlâtuhpazy thlâ chô liata a paohpa a hiezâh.

ISAI 7:9

Epharai luh cha Samâri châ ta, Samâri luh cha Remâliah sawchapaw­pa a châ. Namâ ngiapâna â i vei khiahta la, Â ipa ta a duah thei aw veih ei chi,’ a tah,” tah ta.

ZEREMIAH 2:17

Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 23:13

“Samâri hrohsopazy liata pasichhihpa ei hmô: Bâlâ moh ta hrohsona bie phuah ei ta, Ei phopi Izarei amâ chhi chhei.

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 4:18

“Na hrozie nata na hmotaopazy ta He hmo he na chô liata a vaw patlôsapa a châ. He he na raona awpa châ ta, Na pathipalôh chhô pahlie aw ta, A pasa ngaita aw,” Abeipa ta a tah.

ZEREMIAH 5:25

Nama paraonazy ta vâsuazy pakuasa ta, Nama moleinazy ta hmo phapa a cha paky ei.

ZEREMIAH 6:19

Hy leilô y, nathlie teh; Ei biezy nathlie leipa ei ta, Ei ryhpa ama dythapa vâta, Ama hmotaopa theilâpa chhiena cha, He phopi chô liata ei vaw patlôsa aw.

CHAPHÔHTUNA 5:16

Eima luh tawhta lakho tla ha ta, Molei ha pi ta, eima hu a po kaw dia!

EZEKIA 16:46

Na narô uhtheinô cha Samâri châ ta, nâ tawhta nochhi lâ liata a sawchanôzy chhao ta ama pahrâ. Na narô seihnainô cha Sawdawmâ châ ta, nâ tawhta chho lâ liata a sawchanôzy chhao ta a pahrâ.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

AMÔSÂ 6:1

Zaio liata huhiehpa ta a ypazy cha, Ama hu a po na; Samâri tlâh liata thlahlôhpa ta a ypazy chhao, Ama hu a po na; Râh a y tuapazy liata chyhsa rônahpazy Ama hu po ta, Izarei pathlazy vaw pangaipa râh cha, A hu a po na!

AMÔSÂ 7:9

Aisika su sâhpazy cha, Roryhrapa ta taopa châ aw ta; Izarei supathaihpazy chhao, Paraopa a châ aw; Zerôbaw pathlazy cha, Zaozi ta ei thyuhnao aw ei.”

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

MIKÂ 1:13

Hy Lakhi mo saih u, Arâzy cha talailih liata buh teh u; Lakhi cha Zaio sawchanô moleina athaona a châ; Izarei moleinazy cha, Nâma liata hmôpa châ tlôh ta.