MIKÂ 1:2 - Mara Bible RV (BSI)

² Hy phopizy saih u, thei u la, Nama zydua ta thei teh u; Hy leilô y, nathlie la, A chhôh lia a ypa zydua chhao nathlie teh u. Abeipa Zehôvâh ta cha leih ei ta, Abeipa ta Achhyna o pathaihpa tawhta a cha leih ei.

MIKÂ 1:2 ပူးပေါင်းရင်းမြစ်များ

1 ABEIZY 22:28

Mikai ta, “Thlalôhpa ta na vaw kua heih khiahta cha, Abeipa ta keima hmâpa ta bie a rei leipa a châ aw,” tah ta. Mikai ta, “Nâmo, phopi zydua saih u, nathlie teh u!” tah ta.

2 THÂTIHZYRONA 18:27

Mikai ta, “Thlalôhpa ta na vaw kua heih khiahta cha, Abeipa ta keima hmâpa ta bie a rei leipa a châ aw,” tah ta. Mikai ta, “Nâmo, phopi zydua saih u, nathlie teh u,” tah ta.

HLAZY 11:4

Abeipa cha a Achhyna o pathaihpa liata y ta, Abeipa beidyuchhai cha avâ liata a y; A mo ta moh ta, A mokhaoh ta chyhsa sawzy a pasia tyh.

HLAZY 24:1

Alei nata a chhôh liata a ypa zydua he Abeipa eih châ ta, Khizaw nata a chhôh liata a pahrâpa zydua chhao Abeipa eih a châ.

HLAZY 28:2

Na baona hiapa ta cha pado na ta, Na su pathaih chaipa lâ ei kuzy ei pazawh tita, Zawngiahna ei châ hiana ao thei mah y.

HLAZY 50:1

Abeipa, Khazohpa Atotaotheipa ta bie reih ta, Noh chhina tawhta noh tlana taihta, Leilô zydua a awpakhy.

HLAZY 50:12

“Ei no a dipa chhao ta, Nâ la cha chho hlei aw va na; Khizaw nata a chhôh liata a ypa zydua he, Kei eih sai a châ.

HLAZY 50:7

“Hy ei phopi, nathlie teh, Bie ei reih aw; Hy Izarei, ei cha chakhia aw, Kei he Khazohpa châ na ta, Na Khazohpa cha ei châ.

BIESOZY 8:4

“Hy nâmo, chyhsazy saih u, ei cha aw ei hih, Ei awna he chyhsa sawzy lâta a châ.

ISAI 1:2

Hy avâzy saih u, nathlie u la, Hy leilô, na nah pachô teh; Abeipa ta hetana heta a tah: “Sawzy a kuhkheipa ta palaiseihsa ei na ta, Châhrasala einâ chariah ha ei.

ISAI 18:3

Khizaw chyhsa zydua saih u, Alei chô liata a pahrâpa zydua saih u, Tlâhpizy liata ngiana poh ama chaluah tita moh u la, Chiahmie ama tô tita nathlie muh vy!

ISAI 50:7

Châhrasala Abeipa Zehôvâh ta na bao ta, Chavâta nohzaopa ta y va na. Chavâta pachielô hawhta ei hmia pachâ na ta, Maophyuh aw va na tahpa ei pahno.

ZEREMIAH 22:29

Hy râh, râh, râh y, Abeipa bie he thei teh!

ZEREMIAH 29:23

Izarei râh liata hmo chhie ngaitapa taopa ta ama vaih lapinôzy liata a phei ei ta, bie ei pie leipa pi tlai ta, ei moh ta haipa biezy ama reipa vâta, cha hawhta taopa ama châ aw. Cha cha a pahnotuhpa nata a pahnokheituhpa ei châ,” Abeipa ta a tah.

ZEREMIAH 42:5

Âmo ta Zeremiah hnohta, “Abeipa na Khazohpa ta miah chho awpa ta a cha tuapa bie zydua hawhta eima tao leipa khiahta cha, Abeipa cha miah padei awpa ta bie a pahnokheituhpa dopa nata ngâchhihpa châ mawh sy.

ZEREMIAH 6:19

Hy leilô y, nathlie teh; Ei biezy nathlie leipa ei ta, Ei ryhpa ama dythapa vâta, Ama hmotaopa theilâpa chhiena cha, He phopi chô liata ei vaw patlôsa aw.

ZAWNA 2:7

Ei hrona a chhâ hai no ta, Abeipa cha a thei na ta, Ei thlahchhâna nâ lâ vaw tlô ta, Na Achhyna o pathaihpa lâ a vaw tlô.

ZAWNA 2:8

Hraoleipa nothlahpa a chhytuhpazy cha, Ama ngâchhihna ama pahlei tyh.

HABAKU 2:20

Abeipa cha Achhyna o pathaihpa liata pahrâ ta, Leilô zydua a hmiakô liata a chalih mawh sy!”

MALAKHAI 2:14

Chatanachôta, “A chhâpa khâpa ma a châ tly?” nama tah thlâh ha chy. A chhâpa cha, Abeipa cha nâ nata na thyutlia no lapinô likah bie pahnokheituhpa châ ta, na lapinô cha nâ kaolâhpa, biehrai na taokheipa châ ta, châhrasala ano châta ngâ nâ chhih khao leipa vâta a châ.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

RYHPACHANEINA 32:1

“Hy avâzy saih u, Nah pachôh teh u, Bie ei reih aw; Ei pakah tawhta biezy he Alei ta thei mawh sy.

BIEPHUAH 2:11

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa cha thina einona ta pasasa aw vei,’ a tah na,” tahpa ta.

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.

BIEPHUAH 2:29

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.

BIEPHUAH 2:7

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy. Pahnietuhpa cha Khazohpa pârâdi liata hrona tho theilâpa nie awpa ei pasai aw,’ a tah na,” tahpa ta.

BIEPHUAH 3:13

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.

BIEPHUAH 3:22

Thlahpa ta Awnanopazy hnohta bie a reipa he, nakhaoh a hneipa ta thei mawh sy,’ a tah na,” tahpa ta.

BIEPHUAH 3:6

Thlahpa ta Awnanopazy hnohta bie a reipa he, nakhaoh a hneipa ta cha thei mawh sy,’ a tah na,” tahpa ta.

RYUREITUHPAZY 11:10

Kilia machâzy ta Zephathâ hnohta, “Abeipa cha eima likah liata pahnotuhpa a châ aw. Na reipa hawhta eima tao tlai aw,” tah ei ta.