MIKÂ 1:16 - Mara Bible RV (BSI)

¹⁶ Na sâ a ngyupa ta na luh a papôlô teh; Na saw mopakiapazy cha, Seichâna lâ ama cha siesai awpa vâta, Vâkhieh hawhta na luh a papôlô teh.

MIKÂ 1:16 ပူးပေါင်းရင်းမြစ်များ

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

ZAWBÂ 1:20

Chatawhcha Zawbâ cha thyu ta, a viahkao pasipa cha hrie ta, a luh a ngyu ta, alei liata pao ta, Khazohpa cha hetana heta â chhy:

ISAI 15:2

Dibô cha achhyna o lâ pangaipa ta, Cha awpa ta a su sâhpazy lâ khy ta; Môabâ ta Nebô nata Medebâ khihpizy a chakhei ei. Luh zydua pôlô khai ha ta, Kâhhmi zydua a tlyh khai haw.

ISAI 22:12

Cha noh liata, Pheisaihzy Abeipa Zehôvâh ta, Cha awpa nata mâchhiesa awpa ta aw ta, Luh a papôlô awpa nata latho poh a bu awpa ta a aw.

ZEREMIAH 16:6

Molaipa chhao mochyhpa chhao, he râh liata ama thi aw. Pabupa châ leipa aw ei ta, ahy hmahta âmo châta mâchhiesa leipa aw ei ta, a sapa â âpa tlyma, a luh â papôlôpa tlyma y aw veih ei.

ZEREMIAH 4:8

Abeipa hiehâhna ru ngaitapa cha, Keimo tawhta pakuasapa a châ leipa vâta, Latho poh a bu u la, Mâchhiesapa ta cha muh vy.”

ZEREMIAH 47:5

Kâza luh pôlô ha ta, Askelaw a leidia haw. Hy bypi liata laibâhpazy saih u, Khati taih ma nâmosasyh ta hmah namâ paphao chy aw tly?

ZEREMIAH 6:26

Hy ei phopi zuah y, Eikhapi ta paraotuhpa miah a vaw tlô thlu awpa vâta, Latho poh a bu la, Buchâh liata a hluah mah y. Sawchapaw matlupa mâchhiesapa hawhta mâchhie sa la, Thata chaphôh tu mah y.

ZEREMIAH 7:29

“Hy Zerusale y, na sâ a ngyupa ta thy la, Awphy tlâh lakizy liata chaphôhtu teh; Abeipa hie a pahâhtuhpa chhâ moleipa he, Abeipa ta dytha ta a siesai haw.”

CHAPHÔHTUNA 2:19

Thyu la, zâ ta awh la, Zâ vaina athaona maihta awh tyh mah y! Abeipa ypâna hmiakô liata, Na palôh ti hawhta patlai mah y! Khiliah su to liata nodipa ta a panaopa na sawzy châta, Ano lâ na ku pazawh mah y!

AMÔSÂ 7:11

Amôsâ ta hetana heta a tah: “‘Zerôbaw cha zaozi ta thi aw ta, Izarei cha a râh tawhta lâhlapi lâta Sei ta a sie tlai aw.’”

AMÔSÂ 7:17

Chavâta Abeipa ta hetana heta a tah: ‘Na lapinô cha khihpi liata âzuahnô châ aw ta, Na sawchapawzy nata na sawchanôzy zaozi ta ama pao aw. Na râh he thliena ri ta thliepa ta rai khaipa châ aw ta, Nâma tlai chhao râh pathaih leipa liata na thi aw; Izarei cha ano râh tawhta lâhlapi lâ sei ta a sie tlai aw.’”

AMÔSÂ 8:10

Nama kyhchhizy cha, Mâchhiesana lâta pachâsa aw na ta; Nama hlazy chhao, Chaphôhtuna lâta ei pachâsa aw; Chai zydua latho poh pasaisa aw ei na ta, Luh zydua ei papôlô khai aw; Sawchapaw matlupa mâchhiesapa hawhta tao aw na ta, A chhâna cha nôpona noh hawhta ei tao aw,” Abeipa Zehôvâh ta a tah.

RYHPACHANEINA 28:41

Sawchapawzy nata sawchanôzy sa aw ei chi ta, châhrasala sei ta a chhi aw ei ta, nâmo eih châ aw veih ei.